ព័ត៌មានអន្ដរជាតិ
សម្ព័ន្ធមិត្តរុស្ស៊ីកំពុងខ្វល់ចិត្ត ខ្លាចទ័ពអ៊ុយក្រែន សម្រុកចូលទឹកដីខ្លួន ដែរ
ក្រោយពេលកងទ័ពអ៊ុយក្រែន វាយចូលកាន់តែជ្រៅទៅក្នុងទឹកដីរុស្ស៊ី, ស្រាប់តែសម្ព័ន្ធមិត្តរបស់លោក វ្ល៉ាឌីមៀរ ពូទីន គឺប្រធានាធិបតីប្រទេសបេឡារុស លោក Alexander Lukashenko បានបង្ហាញក្តីកង្វល់ ហើយជំរុញឲ្យទីក្រុងកៀវនិងមូស្គូ ចរចាគ្នាលើកិច្ចព្រមព្រៀងសន្តិភាព ដើម្បីបញ្ចៀសកុំឲ្យសង្គ្រាមធ្លាយដល់ប្រទេសរបស់លោក។
ក្នុងបទសម្ភាសជាមួយទូរទស្សន៍រដ្ឋរុស្ស៊ី លោក Lukashenko និយាយថា មានតែមន្ត្រីជាន់ខ្ពស់នៅអាមេរិកប៉ុណ្ណោះ ដែលចង់ឲ្យសង្គ្រាមនេះអូសបន្លាយពេល។ លោកខាងលិច ចង់ឲ្យទីក្រុងកៀវប្រយុទ្ធ ព្រោះគេចង់ឲ្យអ៊ុយក្រែននិងរុស្ស៊ី បំផ្លាញគ្នាទៅវិញទៅមក។ ទីក្រុងកៀវ អាចមានផែនការវាយប្រហារប្រទេសបេឡារុស យ៉ាងណារដ្ឋាភិបាលទីក្រុង មីនស្កិ៍ នឹងមិនអនុញ្ញាតឲ្យកងទ័ពអ៊ុយក្រែនជាន់ឈ្លីទឹកដីខ្លួនដាច់ខាត។
ការលើកឡើងរបស់លោក Lukashenko ក៏ត្រូវបានដ្ឋមន្ត្រីការពារជាតិបេឡារុស Viktor Khrenin គាំទ្រផងដែរ ដោយនិយាយថា មានលទ្ធភាពខ្ពស់ណាស់ ពាក់ព័ន្ធសកម្មភាពប្រដាប់អាវុធចេញពីប្រទេសជិតខាង ខណៈស្ថានភាពនៅតាមព្រំដែន កំពុងតានតឹងខ្លាំង។
កាលពីថ្ងៃទី៦ខែសីហា កងទ័ពអ៊ុយក្រែន រាប់ពាន់នាក់ បានសម្រុកឆ្លងដែនភាគខាងលិច ចូលទឹកដីរុស្ស៊ីដើម្បីបើកការលុកលុយ ហើយក្រោយមកមានសេចក្តីរាយការណ៍ថា កម្លាំងរបស់លោក Zelensky វាយយកបានទីតាំងជាច្រើនកន្លែង។
ដោយសារតែការប្រហារនោះ តំបន់ Kursk និង Belgorod នៃប្រទេសរុស្ស៊ី ត្រូវប្រកាសអាសន្ន ហើយវាគឺជាការលុកលុយចូលជ្រៅបំផុតក្នុងដីរុស្ស៊ី ចាប់តាំងពីលោក ពូទីនបើកប្រតិបត្តិការសឹកពេញទំហឹងនៅអ៊ុយក្រែន ក្នុងឆ្នាំ២០២២៕
អត្ថបទ៖ សុខ សុវណ្ណ
ចុចអាន៖ អ៊ុយក្រែន អះអាង វាយចូលដីរុស្ស៊ី កាន់តែជ្រៅ ថែមទាំងចាប់បានទ័ពលោក ពូទីន ១០០នាក់
-
ព័ត៌មានអន្ដរជាតិ២ ថ្ងៃ ago
បាក់ស្ពាននៅវៀតណាម ធ្លាក់រថយន្តនិងម៉ូតូច្រើនគ្រឿងចូលទន្លេ
-
ព័ត៌មានអន្ដរជាតិ៧ ម៉ោង ago
មិនត្រឹមទឹកជំនន់ ពេលនេះ ទីក្រុងហាណូយ ចេញការព្រមានអំពីរន្ទះបាញ់ ថែមទៀត
-
ព័ត៌មានអន្ដរជាតិ៣ ថ្ងៃ ago
វៀតណាមជួបគ្រោះផ្ទួនៗ ព្យុះទីហ្វុងផងនិងរញ្ជួយដីផង
-
ព័ត៌មានអន្ដរជាតិ៤ ថ្ងៃ ago
វៀតណាម មានមនុស្សស្លាប់និងរបួសសរុប ៨២នាក់ ដោយឥទ្ធិពលព្យុះ យ៉ាកជី
-
ចរាចរណ៍៧ ថ្ងៃ ago
ចាប់វាយខ្នោះលោក ម៉ៃ សុគន្ធ បន្ទាប់ពីព្យាយាមបើករថយន្ដគេចពីសមត្ថកិច្ចរហូតបង្កគ្រោះថ្នាក់ចរាចរណ៍
-
ព័ត៌មានអន្ដរជាតិ៦ ម៉ោង ago
ថៃ ព្រមានឲ្យខេត្តចំនួន៤៨ រួមទាំងរាជធានីបាងកក ត្រូវប្រយ័ត្នគ្រោះទឹកជំនន់
-
សន្តិសុខសង្គម៤ ថ្ងៃ ago
អ្នកលក់អនឡាញ Madam da ត្រូវមហាជនរិះគន់យ៉ាងខ្លាំង ក្រោយជិះម៉ូតូមិនពាក់មួក ប្រសេចប្រសាចពេញទីក្រុង
-
ព័ត៌មានអន្ដរជាតិ១៥ ម៉ោង ago
ហាណូយ ប្រកាសអាសន្នថែមមួយកម្រិតទៀត ដែលជាកម្រិតធ្ងន់ ព្រោះទឹកជំនន់