ព័ត៌មានអន្ដរជាតិ

លោកថាក់ស៊ីនឡើងតុលាការជុំវិញសំណុំរឿងប្រមាថព្រះមហាក្សត្រ

បានផុស

៧ ខែ មុន

នៅ

ថ្ងៃចន្ទ ១៩ សីហា ២០២៤

ដោយ

លោក ថាក់ស៊ីន ស៊ីណាវ៉ាត្រា ដែលទើបអបអរសាទរកូនស្រីរបស់ខ្លួនឡើងជានាយករដ្ឋមន្ត្រីប្រទេសថៃ នៅព្រឹកថ្ងៃចន្ទទី១៩ខែសីហានេះ បានធ្វើ់ដំណើរទៅកាន់តុលាការព្រហ្មទណ្ឌដើម្បីផ្ទៀងផ្ទាត់ដោះបន្ទុកចំពោះភស្តុតាងដែលប្រើប្រាស់ក្នុងការចោទប្រកាន់ប្រឆាំងរូបលោក ពីបទប្រមាថព្រះមហាក្សត្រ ក្នុងកិច្ចសម្ភាសន៍មួយដែលលោកបានផ្តល់ដល់អ្នកសារព័តមានកាលឆ្នាំ២០១៥។ យោងតាមការផ្សាយសង្ខេបភ្លាមៗរបស់ Khaosod នៅមុននេះក្នុងពេលដែលលោកថាក់ស៊ីនទៅដល់តុលាការ។

លោកថាក់ស៊ីនស្រស់ស្រាយពេលឡើងតុលាការព្រឹកថ្ងៃទី១៩ខែសីហានេះ។ Khaosod

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការដាក់ពាក្យបណ្តឹងនេះកើតចេញក្រោយបទសម្ភាសន៍ដែលលោកបានផ្តល់ឱ្យអ្នកសារព័ត៌មាន Chosun Media ក្នុងទីក្រុងសេអ៊ូលនៃសាធារណៈរដ្ឋកូរ៉េកាលឆ្នាំ២០១៥។ ព្រះរាជអាជ្ញាបានដាក់បណ្តឹងនេះកាលថ្ងៃទី១៨ខែមិថុនាឆ្នាំ២០២៤ ហើយ ចុងចម្លើយគឺលោកថាក់ស៊ីនត្រូវបានលើកលែងជាបណ្តោះអាសន្ន។ ការដាក់ប្រាក់ធានានៅក្រៅឃុំមានទឹកប្រាក់៥០ម៉ឺនបាត ដោយភ្ជាប់ជាមួយលក្ខខណ្ឌដែលចុងចោទមិនត្រូវបានហាមឃាត់ចាក់ចេញពីប្រទេសល្គិកណាមានការអនុញ្ញាតដោយតុលាការ។

លោក ថាក់ស៊ីន ស៊ីណាវ៉ាត្រា អតីតនាយករដ្ឋមន្ត្រដែលត្រូវបានផ្តួលរំលំតាមរយៈរដ្ឋប្រហារកាលឆ្នាំ២០០៦ បានរស់នៅនិរទេសនិងចល័តច្រើនប្រទេស ដើម្បីជៀសវាការទទួលទោសទណ្ឌនានាដែលលោកចោទថា មានចរិកនយោបាយ ដែលរៀបចំឡើងដោយរបបយោធា។ ប៉ុន្តែ លោកបានសម្រេចវិលចូលប្រទេសវិញកាលពីថ្ងៃទី២២ខែសីហាឆ្នាំ២០២៣ បន្ទាប់ពីពន្យាពេលវិលប្រទេសវិញជាច្រើនលើកដោយយកមូលហេតុផ្សេងៗ មានមូលហេតុសុខភាពជាដើម។

ការវិលចូលប្រទេសវិញរបស់លោកថាក់ស៊ីន បន្ទាប់ពីនិរទេសខ្លួនអស់របស់ពេលជាង១៥ឆ្នាំ ហើយ វិលមកវិញចំថ្ងៃដែលសភានិងព្រឹទ្ធសភាថៃបោះឆ្នោតគាំទ្រ លោក សេដ្ឋា ថាវីស៊ីន ដែលមានកូតាមកពីគណបក្សភឿថៃដឹកនាំដោយកូនស្រីពៅរបស់លោក គឺ អ្នកស្រី ផែថងថាន ស៊ីណាវ៉ត្រា៕