ព័ត៌មានអន្ដរជាតិ
ទាហានកូរ៉េខាងជើងរត់ចោលជួរចូលទៅកូរ៉េខាងត្បូង
ទាហានកូរ៉េខាងជើងម្នាក់បានរត់គេចខ្លួនទៅកូរ៉េខាងត្បូងតាមរយៈការឆ្លងកាត់ព្រំដែនក្បែរឆ្នេរសមុទ្រភាគឦសាននៃប្រទេសកូរ៉េខាងត្បូង ខណៈអាជ្ញាធរកូរ៉េខាងត្បូងកំពុងសាកសួរ។ នេះបើយោងតាមការចេញផ្សាយរបស់ទីភ្នាក់ងារព័ត៌មានYonhab នៅថ្ងៃទី២០ខែសីហានេះ។
ទាហាននេះបានឆ្លងចូលទៅក្នុងស្រុក Goseong នៅឆ្នេរសមុទ្រភាគខាងកើតដែលមានព្រំប្រទល់ជាប់នឹងប្រទេសកូរ៉េខាងជើង ហើយត្រូវបានចាប់ខ្លួនដោយឆ្មាំកូរ៉េខាងត្បូងដែលបានតាមដានចលនារបស់គាត់។
ពាក់ព័ន្ធនឹងបញ្ហានេះមន្ត្រីក្រសួងការពារជាតិកូរ៉េខាងត្បូងបាននិយាយថា យោធាបានចាប់ខ្លួនមនុស្សម្នាក់ ដែលត្រូវបានគេជឿថា ជាជនជាតិកូរ៉េខាងជើង ហើយអាជ្ញាធរកំពុងសាកសួរពីហេតុផលសម្រាប់ការឆ្លងកាត់នេះ។ មន្ត្រីរូបនេះបានបដិសេធមិនផ្តល់ព័ត៌មានលម្អិតបន្ថែមទេ ខណៈការរត់ចោលជួររបស់ទាហានកូរ៉េខាងជើងនេះត្រូវបានគេសង្ស័យថា គឺជាសេនាធិការ។
គួរបញ្ជាក់ថា ការរត់ចោលស្រុកនេះបានកើតឡើងប្រហែលពីរសប្តាហ៍បន្ទាប់ពីអ្នកស្រុកកូរ៉េខាងជើងម្នាក់បានឆ្លងព្រំដែននៅជិតឆ្នេរសមុទ្រភាគខាងលិចរបស់ប្រទេសផងដែរ ខណៈជនភៀសខ្លួនកូរ៉េខាងជើងឆ្លងព្រំដែនត្រូវបានចាត់ទុកថាជាគ្រោះថ្នាក់ និងកម្រ ហើយជនភៀសខ្លួនភាគច្រើនធ្វើដំណើរទៅកាន់ភាគខាងត្បូងតាមរយៈប្រទេសចិន ឬប្រទេសទីបីផ្សេងទៀត។
កាលពីឆ្នាំ ២០១៧ ក៏មានទាហានកូរ៉េខាងជើងមួយចំនួនបានរត់ចោលជួរ តាមរយៈការរត់ភៀសខ្លួននៅក្នុងអ័ព្ទដ៏ក្រាស់ដើម្បីឆ្លងកាត់តំបន់គ្មានយោធា (DMZ) ៕
អត្ថបទ៖ ប៊ុន សុភាព
-
ជីវិតកម្សាន្ដ១ សប្តាហ៍ ago
ខេត្តចំនួនបីរបស់ប្រទេសថៃ ដែលផ្តល់កន្លែងទេសចរណ៍គួរជាទីចាប់អារម្មណ៍សម្រាប់វិស្សមកាលនេះ
-
ព័ត៌មានអន្ដរជាតិ២ ថ្ងៃ ago
បាក់ស្ពាននៅវៀតណាម ធ្លាក់រថយន្តនិងម៉ូតូច្រើនគ្រឿងចូលទន្លេ
-
ព័ត៌មានអន្ដរជាតិ២ ថ្ងៃ ago
វៀតណាមជួបគ្រោះផ្ទួនៗ ព្យុះទីហ្វុងផងនិងរញ្ជួយដីផង
-
ព័ត៌មានអន្ដរជាតិ៣ ថ្ងៃ ago
វៀតណាម មានមនុស្សស្លាប់និងរបួសសរុប ៨២នាក់ ដោយឥទ្ធិពលព្យុះ យ៉ាកជី
-
ចរាចរណ៍៦ ថ្ងៃ ago
ចាប់វាយខ្នោះលោក ម៉ៃ សុគន្ធ បន្ទាប់ពីព្យាយាមបើករថយន្ដគេចពីសមត្ថកិច្ចរហូតបង្កគ្រោះថ្នាក់ចរាចរណ៍
-
សន្តិសុខសង្គម៣ ថ្ងៃ ago
អ្នកលក់អនឡាញ Madam da ត្រូវមហាជនរិះគន់យ៉ាងខ្លាំង ក្រោយជិះម៉ូតូមិនពាក់មួក ប្រសេចប្រសាចពេញទីក្រុង
-
ព័ត៌មានអន្ដរជាតិ១៥ ម៉ោង ago
ប៉ូលិសអន្តរជាតិកំពុងតាមប្រមាញ់បុរសដែលជះកាហ្វេក្តៅលើទារក
-
សេចក្ដីជូនដំណឹង១ សប្តាហ៍ ago
ព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ