ព័ត៌មានអន្ដរជាតិ
ចិន គ្រោងចំណាយ៣១ពាន់លានដុល្លារបន្ថែមលើគម្រោងថាមពលនុយក្លេអ៊ែរ
ប្រទេសចិន កាលពីថ្ងៃទី១៩ខែសីហា បានអនុម័តលើគម្រោងសាងសង់រោងចក្រថាមពលនុយក្លេអ៊ែរថ្មីចំនួន១១ទីតាំងបន្ថែមទៀត ដែលចំនួននេះគឺជាកំណត់ត្រាខ្ពស់បំផុតមួយមិនធ្លាប់មាន ខណៈដែលរដ្ឋាភិបាលក្រុងប៉េកាំងកំពុងពឹងផ្អែកលើថាមពលនុយក្លេអ៊ែរកាន់តែច្រើន ដើម្បីគាំទ្រដល់ការកាត់បន្ថយការបំភាយឧស្ម័ន។
រោងចក្រថាមពលនុយក្លេអ៊ែរថ្មីរបស់ចិន នឹងត្រូវចំណាយពេលសាងសង់ប្រហែល៥ឆ្នាំនៅក្នុងខេត្តចំនួន៥ មានដូចជា ខេត្ត Jiangsu ខេត្ត Shandong ខេត្ត Guangdong ខេត្ត Zhejiang និងខេត្ត Guangxi ជាមួយទុនវិនិយោគសរុបយ៉ាងហោចណាស់ ៣១ពាន់លានដុល្លារ។
ចិន មានរោងចក្រថាមពលនុយក្លេអ៊ែរដែលកំពុងសាងសង់ច្រើនជាងប្រទេសដទៃទៀតនៅលើពិភពលោក ហើយបានអនុម័តសាងសង់រោងចក្រថ្មីចំនួន២០បន្ថែម ក្នុងរយៈពេលពីរឆ្នាំចុងក្រោយ។ មហាយក្សអាស៊ីនេះ ត្រូវបានគេរំពឹងថានឹងវ៉ាដាច់ប្រទេសបារាំង និងសហរដ្ឋអាមេរិក ដើម្បីក្លាយជាប្រទេសផលិតថាមពលនុយក្លេអ៊ែរឈានមុខគេរបស់ពិភពលោកនៅឆ្នាំ២០៣០ខាងមុខ។
បើយោងតាមសមាគមថាមពលនុយក្លេអ៊ែររបស់ប្រទេសចិន បច្ចុប្បន្នរដ្ឋាភិបាលក្រុងប៉េកាំងមានរោងចក្រថាមពលនុយក្លេអ៊ែរចំនួន៥៦ ដែលកំពុងដំណើរការ ជាមួយនឹងសមត្ថភាពរួមបញ្ចូលគ្នាស្មើនឹងប្រហែល ៥% នៃតម្រូវការអគ្គិសនីសរុប។ ក្រុមហ៊ុនវិនិយោគចិន Citic Securities បាននិយាយនៅក្នុងរបាយការណ៍មួយថា ក្រុងប៉េកាំងទំនងជានឹងអនុម័តរោងចក្រថាមពលនុយក្លេអ៊ែរថ្មីចំនួន១០ ជារៀងរាល់ឆ្នាំសម្រាប់រយៈពេល ៣ ទៅ ៥ឆ្នាំខាងមុខ។
សូមបញ្ជាក់ថា រោងចក្រថាមពលនុយក្លេអ៊ែរ មានវត្តមាននៅក្នុងប្រទេសចំនួន៣២ ដែលជាប្រភពនៃថាមពលអគ្គិសនីប្រមាណជា១ភាគ១០នៅទូទាំងពិភពលោក។ ភាគច្រើននៃរោងចក្រថាមពលនុយក្លេអ៊ែរ មាននៅអឺរ៉ុប អាមេរិកខាងជើង និងអាស៊ីខាងកើត។ សហរដ្ឋអាមេរិក គឺជាប្រទេសដែលមានរោងចក្រថាមពលនុយក្លេអ៊ែរច្រើនជាងគេបំផុត។ រោងចក្រថាមពលនុយក្លេអ៊ែរទាំង៩៣របស់អាមេរិក មានសមត្ថភាពផ្គត់ផ្គង់អគ្គិសនីប្រើប្រាស់នៅក្នុងប្រទេសបានប្រហែលជិត១៩%៕
ដោយ៖ ឈាង
-
ព័ត៌មានជាតិ២ ថ្ងៃ ago
នៅភ្នំពេញស្ងប់ស្ងាត់ធម្មតា តែកងកម្លាំងនៅតែប្រុងជើងការខ្ពស់
-
សន្តិសុខសង្គម៤ ថ្ងៃ ago
នគរបាលខណ្ឌ ៧ មករា ត្រៀមខ្លួន ១០០ ភាគរយ ការពារសភាពការណ៍ជូនប្រជាពលរដ្ឋពីក្រុមជ្រុលនិយម
-
ព័ត៌មានអន្ដរជាតិ៥ ថ្ងៃ ago
ប្រទេសកូរ៉េខាងជើង បើកទទួលទេសចរ ទៅលេងកម្សាន្តវិញហើយ
-
ព័ត៌មានជាតិ៦ ថ្ងៃ ago
សមត្ថកិច្ចខេត្តកំពង់ធំ ឃាត់សកម្មជនបក្សភ្លើងទៀនម្នាក់ដែលញុះញង់ពលរដ្ឋឱ្យធ្វើបាតុកម្មប្រឆាំងរដ្ឋាភិបាល
-
សន្តិសុខសង្គម៤ ថ្ងៃ ago
ឃាត់ខ្លួនមន្ត្រីយោធាស័ក្តិ៤កន្លះម្នាក់ ពាក់ព័ន្ធករណីឆបោកប្រាក់ជិត៣ម៉ឺនដុល្លាររត់ការចូលកងទ័ព
-
ព័ត៌មានជាតិ១ សប្តាហ៍ ago
សម្តេចតេជោ៖ ខ្ញុំមិនទាន់អស់អំណាចទេ ខ្ញុំត្រូវការពារប្រជាជនរបស់ខ្ញុំ និងទឹកដីដ៏កម្សត់
-
សន្តិសុខសង្គម២ ថ្ងៃ ago
ឃាត់ខ្លួនក្រុមបាតុករ៣នាក់ដែលធ្វើដំណើរចូលមកភ្នំពេញធ្វើបាតុកម្ម(វីដេអូ)
-
ព័ត៌មានជាតិ៨ ម៉ោង ago
ព្យុះទី៩ឈ្មោះ ជុងដារី នឹងជះឥទ្ធិពលលើកម្ពុជាចាប់ពីថ្ងៃទី២០ ដល់២២សីហានេះ