ឪពុកកាត់ក្បាលកូនស្រី រួចកាន់ដើរបង្ហាញតាមផ្លូវព្រោះមិនពេញចិត្តស្នេហាជាមួយមិត្តប្រុសនៅ ឥណ្ឌា (មានវីដេអូ)

បុរសកូនបួន បានកាត់ក្បាលកូនស្រីអាយុ១៧ឆ្នាំរបស់គាត់ ហើយកាន់ដើរបង្ហាញតាមផ្លូវពីព្រោះគាត់មិនយល់ព្រមឲ្យកូនស្រីមានមិត្តប្រុស។

អ្នកស្រុកបានប្រទះឃើញលោក Sarvesh Kumar ដើរកាន់ក្បាលនៅក្នុងភូមិ Pandetara នៃរដ្ឋ Uttar Pradesh ប្រទេសឥណ្ឌា កាលពីថ្ងៃទី៣ខែមីនា។

គាត់កំពុងធ្វើដំណើរទៅកាន់ប៉ុស្តិ៍ប៉ូលិស បន្ទាប់ពីកាត់ក្បាលកូនស្រីរបស់គាត់ ដែលការសម្លាប់នេះត្រូវបានគេហៅថា សម្លាប់ដើម្បីកិត្តិយស។

ទូរទស្សន៍ NDTV រាយការណ៍ថា លោក Kumar បានសារភាពថា គាត់ពិតជាបានកាត់ក្បាលកូនស្រីមែន ដោយមានអារម្មណ៍មិនពេញចិត្តចំពោះទំនាក់ទំនងរបស់នាងជាមួយមិត្តប្រុស។

គាត់ក៏បានអះអាងដែរថា គាត់នឹងសម្លាប់គូស្នេហ៍របស់នាងដូចគ្នា ប្រសិនបើគាត់រកឃើញ។

ប៉ូលិសបានរកឃើញសាកសពកូនស្រីរបស់គាត់នៅក្នុងផ្ទះ ហើយបានបញ្ជូនទៅធ្វើកោសល្យវិច័យ។

យោងតាមទិន្នន័យរបស់ការិយាល័យឧក្រិដ្ឋកម្មជាតិបានឲ្យដឹងថា រដ្ឋ Uttar Pradesh បានកត់ត្រានូវឧក្រិដ្ឋកម្មប្រឆាំងនឹងស្ត្រីខ្ពស់បំផុតក្នុងឆ្នាំ២០១៩។

រដ្ឋនេះក៏បានកត់ត្រានូវបទឧក្រិដ្ឋខ្ពស់បំផុតលើកុមារផងដែរ ពោលគឺមានចំនួន៧,៤៤៤ករណីបន្ទាប់មកគឺរដ្ឋ Madhya Pradesh មាន៦.៥០៣ករណីនិង Maharashtra មាន៦.៤០២ករណី៕

សូមទស្សនាវីដេអូ៖

ប្រែសម្រួលដោយ៖ Vann Vann

ប្រភព៖ Daily Mail

ចុចអាន៖ មិនញញើតដៃ! ក្រុម IS កាត់ក្បាលមនុស្សជាង ៥០ នាក់នៅប្រទេសម៉ូហ្សំប៊ិក

ចុចអាន៖ ក្មេងស្រីពិការអាយុ១២ឆ្នាំត្រូវបងជីដូនមួយរំលោភរួចកាត់ក្បាលនិងយកសាកសពទៅបោះចោល