ព័ត៌មានអន្ដរជាតិ

ទាហានមីយ៉ាន់ម៉ាប្រើ TikTok គំរាមសម្លាប់បាតុករមិនរើសមុខ

បានផុស

៤ years មុន

នៅ

ថ្ងៃសុក្រ ៥ មីនា ២០២១

ដោយ

សាង ស្រីល័ក្ខ

ទាហាននិងប៉ូលិសប្រដាប់អាវុធមីយ៉ាន់ម៉ា កំពុងប្រើប្រាស់ TikTok គំរាមសម្លាប់ដល់ក្រុមអ្នកតវ៉ាប្រឆាំងនឹងរដ្ឋប្រហារកាលពីខែមុន។

ក្រុមសិទ្ធិឌីជីថលមីយ៉ាន់ម៉ា ICT នៃការអភិវឌ្ឍ (MIDO) បាននិយាយថា ខ្លួនបានរកឃើញវីដេអូគាំទ្រយោធាជាង ៨០០ ដែលគំរាមកំហែងក្រុមអ្នកតវ៉ា ខណៈដែលការបង្ក្រាបដ៏ឃោរឃៅនៅតែបន្តកើនឡើង បន្ទាប់ពីក្រុមបាតុករចំនួន ៣៨ នាក់ត្រូវបានសម្លាប់កាលពីថ្ងៃពុធ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាយកប្រតិបត្តិ MIDO លោក Htaike Htaike Aung បាននិយាយថា ” វីដេអូរាប់រយមានទាហាននិងប៉ូលិសស្លៀកឯកសណ្ឋាន បាននិយាយគំរាមកំហែងដល់ក្រុមអ្នកតវ៉ា ” ។

វីដេអូមួយកាលពីចុងខែកុម្ភៈ បង្ហាញពីបុរសម្នាក់ជាសមាជិកកងទ័ព បានតម្រង់កាំភ្លើងទៅកាមេរ៉ា ហើយនិយាយទៅកាន់អ្នកតវ៉ាថា ” ខ្ញុំនឹងបាញ់ចំមុខអ្នក ហើយខ្ញុំកំពុងប្រើគ្រាប់កាំភ្លើងពិតៗ ខ្ញុំនឹងដើរល្បាតពេញមួយយប់នេះ រួចបាញ់សម្លាប់អ្នកដែលខ្ញុំឃើញ ប្រសិនបើអ្នកចង់ស្លាប់ ខ្ញុំនឹងបំពេញតាមការចង់បានរបស់អ្នក” ។

អ្នកនាំពាក្យកងទ័ពនិងរបបយោធាមិនបានឆ្លើយតបនឹងសំណើសុំការអត្ថាធិប្បាយទេ។

ក្រុមអ្នកស្រាវជ្រាវបាននិយាយថា កម្មវិធីនេះត្រូវបានដកគេចេញដោយសារតែវាចែករំលែកវីដេអូនិងមាតិកាដែលញុះញង់ឲ្យមានអំពើហិង្សាឬការនិយាយស្អប់ខ្ពើមនៅក្នុងប្រទេសមីយ៉ាន់ម៉ា៕

ប្រែសម្រួល៖ សាង ស្រីល័ក្ខ

ប្រភព៖reuters

ចុចអាន៖បែកធ្លាយ យោធាមីយ៉ាន់ម៉ាប៉ុនប៉ងយកលុយ១ពាន់លានដុល្លារពីធនាគារកណ្តាលនៅញ៉ូវយ៉ក តែអាមេរិកបានប្លុកគណនី