ព័ត៌មានអន្ដរជាតិ
មនុស្សជិត ២០០នាក់បានស្លាប់នៅនេប៉ាល់ ដោយមហន្តរាយទឹកជំនន់និងបំណាក់ដី
មនុស្សជិត ២០០នាក់បានស្លាប់ក្នុងរយៈពេល២ខែចុងក្រោយនេះ ដោយសារតែបំណាក់ដី និងទឹកជំនន់ដែលបង្កឡើងដោយភ្លៀងធ្លាក់ឥតឈប់ឈរនៅក្នុងតំបន់ផ្សេងៗនៃប្រទេសនេប៉ាល់។ នេះបើយោងតាមការចេញផ្សាយរបស់កាសែត The Hinduនៅថ្ងៃទី២១ខែសីហានេះ។

យោងតាមមន្ត្រីក្រសួងមហាផ្ទៃប្រទេសដែលសម្បូរដោយភ្នំនេះ មនុស្ស៣នាក់បានស្លាប់នៅក្នុងជ្រលង Kathmandu មនុស្ស ២៧នាក់នៅក្នុងខេត្ត Koshi និង៨នាក់នៅខេត្ត Madhesh ដោយសារគ្រោះមហន្តរាយធម្មជាតិ។ ដូចគ្នានេះដែរ មនុស្ស៣៤នាក់បានស្លាប់នៅក្នុងខេត្ត Bagmati និង ៥៦នាក់នៅក្នុងខេត្ត Gandaki ដោយសារតែទឹកជំនន់ និងការបាក់ដី។ ចំណែក មនុស្ស១៥នាក់បានស្លាប់នៅក្នុងខេត្ត Sudurpaschim ១៣នាក់នៅក្នុងខេត្ត Karnali និង ៣៧នាក់នៅក្នុងខេត្ត Lumbini ដោយសារតែគ្រោះមហន្តរាយធម្មជាតិទឹកជំនន់។


លើសពីនេះ យ៉ាងហោចណាស់មនុស្ស ២៤១នាក់បានរងរបួសនៅក្នុងឧប្បត្តិហេតុទាក់ទងនឹងគ្រោះធម្មជាតិក្នុងរយៈពេលពីរបីខែកន្លងមកនេះ។ មកដល់ពេលនេះ មនុស្ស៤៩នាក់បានបាត់ខ្លួនដោយសារគ្រោះធម្មជាតិទឹកជំនន់ ខណៈបុគ្គលិកសន្តិសុខត្រូវបានចល័តដើម្បីប្រតិបត្តិការស្វែងរក។សរុបមក ផ្ទះចំនួន ៣៨៤ខ្នងត្រូវបានជន់លិចដោយសារទឹកជំនន់នៅតំបន់ផ្សេងៗនៃប្រទេស ហើយមនុស្សជិត ៥០០០ នាក់ត្រូវបានជម្លៀសចេញ។
គួរបញ្ចាក់ថារដូវមូសុងនាំមកនូវភ្លៀងធ្លាក់ខ្លាំងដល់ប្រទេសនេប៉ាល់ចាប់ពីខែមិថុនា ដល់ខែកញ្ញា ដែលជាញឹកញាប់បង្កឱ្យមានការបាក់ដីនៅតំបន់ភ្នំប្រទេសភ្នំហិមាល័យ។ ហើយមិនត្រឹមតែប្រទេសនេប៉ាល់ប៉ុណ្ណោះទេក៏មានប្រទេសដូចជាប្រទេសប៉ាគីស្ថានគឺកំពុងតែប្រឈមនឹងទឹកជំនន់ធ្ងន់ខណៈចាប់តាំងពីខែកក្កដាមកមានមនុស្សរហូតទៅដល់២០៩នាក់បានស្លាប់ដោយសារទឹកជំនន់៕


អត្ថបទ៖ ប៊ុន សុភាព

-
ព័ត៌មានអន្ដរជាតិ១៨ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?