ព័ត៌មានអន្ដរជាតិ

រូម៉ានីប្រឈមរលកកម្ដៅខ្លាំង អាជ្ញាធរប្រកាសភាពអាសន្នធ្ងន់ធ្ងរ

បានផុស

៥ ខែ មុន

នៅ

ថ្ងៃព្រហស្បតិ៍ ២២ សីហា ២០២៤

ដោយ

ការព្រមានអំពីរលកកម្តៅដ៏ធ្ងន់ធ្ងរ និងការប្រែប្រួលបរិយាកាសនៅទូទាំងប្រទេស អាជ្ញាធររូម៉ានីបានចេញផ្សាយការដាស់តឿនប្រជាជនរបស់ខ្លួនកាលពីថ្ងៃពុធ ខណៈទីក្រុង Bucharest ប្រឈមនឹងសីតុណ្ហភាពឡើងដល់៣៩អង្សាសេក្នុងរយៈពេលបីថ្ងៃជាប់គ្នា។ នេះបើយោងតាមការចេញផ្សាយរបស់ទីភ្នាក់ងារព័ត៌មានXinhua នៅថ្ងៃទី២២ខែសីហានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋបាលឧតុនិយមជាតិ (ANM) នៃប្រទេសរ៉ូម៉ានីស្ថិតនៅភាគអាគ្នេយ៍នៃតំបន់អឺរ៉ុប បាននិយាយថា ចាប់ពីថ្ងៃពុធរហូតដល់ព្រឹកថ្ងៃសុក្រ រដ្ឋធានីរ៉ូម៉ានីនឹងជួបប្រទះកម្ដៅខ្លាំង ដោយរលកកម្ដៅនឹងរំកិលទៅភាគខាងត្បូងនៅថ្ងៃព្រហស្បតិ៍ ខណៈកាលពីថ្ងៃពុធ ការព្រមានអំពីកម្ដៅពណ៌ទឹកក្រូចចូលជាធរមានសម្រាប់តំបន់ភាគខាងជើង Crisana, Maramures, ភាគពាយ័ព្យ និងកណ្តាល Transylvania, ភាគឦសានសាធារណរដ្ឋ Moldova និងភាគខាងត្បូង និងកណ្តាលតំបន់ Muntenia។

លើសពីនេះទៀត ស្រុកចំនួន១១នៅតំបន់ Banat, Crisana, Maramures និង Transylvania ស្ថិតនៅក្រោមការព្រមានពីពណ៌ទឹកក្រូច សម្រាប់អស្ថិរភាពបរិយាកាសរហូតដល់យប់ថ្ងៃព្រហស្បតិ៍។ យ៉ាងណាមិញក៏មានជូនដំណឹងអំពីភ្លៀងធ្លាក់ខ្លាំង ខ្យល់បក់ខ្លាំង ផ្គរ រន្ទះ និងព្រឹលធ្លាក់ត្រូវបានព្យាករណ៍ថា មានបរិមាណទឹកអាចលើសពី៥០លីត្រក្នុងមួយម៉ែត្រការ៉េ។

ANM បន្ថែមថា រលកកម្ដៅនឹងបន្តនៅតំបន់ភាគខាងត្បូង និងភាគអាគ្នេយ៍រហូតដល់ចុងសប្តាហ៍ ដោយរាលដាលដល់តំបន់ជាច្រើននៃប្រទេស។ជាមួយគ្នានេះវេជ្ជបណ្ឌិតបានណែនាំអ្នកជំងឺដែលមានជំងឺរ៉ាំរ៉ៃ និងមនុស្សចាស់ ជៀសវាងការត្រូវកម្តៅថ្ងៃយូរ និងជៀសវាងភេសជ្ជៈដែលមានជាតិកាហ្វេអ៊ីនក្នុងអំឡុងពេលរលកកម្ដៅខ្លាំង៕