ចិន កើតបាតុភូតចម្លែក ព្រះអាទិត្យ ៧តម្រៀបជួរគ្នានៅលើមេឃ 

តាមការចុះផ្សាយរបស់ World of Buzz នៅថ្ងៃព្រហស្បតិ៍ទី២២ខែសីហាឆ្នាំ២០២៤ បាតុភូតធម្មជាតិដ៏ចម្លែកមួយ បានកើតឡើងក្នុងទីក្រុង Chengdu នៃប្រទេសចិន ដោយគេបានមើលឃើញព្រះអាទិត្យចំនួន៧ តម្រៀបជួរគ្នានៅលើមេឃ បង្កការភ្ញាក់ផ្អើលយ៉ាងខ្លាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមពិតទៅបាតុភូតនេះ កើតឡើងតាំងពីថ្ងៃទី១៨ខែសីហាមកម្ល៉េះ ដោយដំបូងឡើយ វីដេអូត្រូវបានគេចែកចាយពាសពេញបណ្តាញ Weibo ហើយក្រោយមករឿងនេះក៏ល្បីល្បាញទូទាំងប្រទេសដល់ថ្នាក់សូម្បីសារព័ត៌មានល្បីៗអន្តរជាតិ ក៏យកទៅចុះផ្សាយដែរ។

ក្នុងវីដេអូដែលថតដោយអ្នកក្រុង Chengdu, គេឃើញព្រះអាទិត្យចំនួន៧ តម្រៀបជួរគ្នាបាំងដោយពពក ហើយក៏បញ្ចេញរស្មីនិងមានពណ៌ខុសៗគ្នាប្រហែល១នាទី។

ទោះបីជាយ៉ាងណាក៏ដោយ លោក Zheng Yang អនុប្រធានសមាគមវិទ្យាសាស្ត្រតារាសាស្ត្រខេត្ត Sichuan បានពន្យល់ពីឧប្បត្តិហេតុនេះ ដោយនិយាយថា តាមពិតទៅ វាគ្មានអ្វីចម្លែកខ្លាំងពេកឡើយ ព្រោះនេះគឺជាបាតុភូតអុបទិក។ វាកើតចេញពីចំណាំងផ្លាត ដោយពន្លឺព្រះអាទិត្យជះទៅចំដុំទឹកកកគ្រីស្តាល់ ទើបមើលទៅឃើញព្រះអាទិត្យបែងភាគច្រើនបែបនេះ៕

អត្ថបទ៖ សុខ សុវណ្ណ

ចុចអាន៖ បាតុភូតចម្លែកៗកើតឡើងនៅអង់គ្លេស ក្រោយម្ចាស់ក្សត្រិយានី Elizabeth ទី២ សោយទិវង្គត បានត្រឹម១ម៉ោង