បុរសថៃ ត្រូវសត្វពស់ខាំប្រដាប់ភេទ ពេលអង្គុយបត់ជើង លើចានបង្គន់

តាមការចុះផ្សាយរបស់ Bangkok Post បុរសថៃម្នាក់នៅខេត្ត Samut Prakan ត្រូវពស់ថ្លាន់ខាំប្រដាប់ភេទ ពេលចូលបង្គន់បត់ជើងធំ ដោយធ្វើឲ្យគាត់ឈឺចាប់យ៉ាងខ្លាំង ហើយគាត់ក៏មិនដឹងដែរថា តើសត្វពស់ មកសំងំក្នុងចានបង្គន់តាំងពីពេលណា។ 

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បុរសម្នាក់នោះមានឈ្មោះ Tanat Tangtewanon ហើយក្រោយជួបរឿងបែបនេះ គាត់ក៏បានបង្ហោះ Facebook ដើម្បីចែករំលែកបទពិសោធន៍ និងជាការព្រមានដល់អ្នកដទៃ ឲ្យប្រុងប្រយ័ត្នជាពិសេសក្នុងរដូវភ្លៀងធ្លាក់តែម្តង។

គាត់ប្រាប់ថា ក្រោយអង្គុយលើចានបង្គន់មិនបានប៉ុន្មានផង ក៏ស្រាប់តែមានអារម្មណ៍ឈឺចាប់ខ្លាំង ហើយពេលមើលទៅ ស្រាប់តែឃើញពស់ថ្លាន់មួយក្បាលយ៉ាងធំ។

បន្ទាប់ពីជួបរឿងនេះ គាត់ក៏ទៅមន្ទីរពេទ្យដើម្បីព្យាបាលរបួស ប៉ុន្តែមិនមានសភាពធ្ងន់ធ្ងរទេព្រោះជាពស់គ្មានពិស ហើយជាចុងក្រោយ គាត់បានក្រើនរំលឹកដល់គ្រប់គ្នាថា មុនដាក់គូទអង្គុយលើចានបង្គន់ គួរតែពិនិត្យឲ្យគ្រប់ជ្រុងជ្រោយសព្វកន្លែង និងចុចទឹកសិន សឹមបន្ទោបង់៕

អត្ថបទ៖ សុខ សុវណ្ណ

ចុចអាន៖ អូស្ត្រាលីពិន័យបុរសម្នាក់ ដែលនាំពស់ជិះក្ដារស្គីលើទឹក