ព័ត៌មានអន្ដរជាតិ

ហារីសប្រកាសទទួលយកការតែងតាំងជាបេក្ខភាពប្រធានាធិបតីផ្លូវការ

បានផុស

៦ ខែ មុន

នៅ

ថ្ងៃសុក្រ ២៣ សីហា ២០២៤

ដោយ

លោកស្រ កាម៉ាឡា ហារីស បានប្រកាសទទួលយកការតែងតាំងជាបេក្ខភាពប្រធានាធិបតីតំណាងគណបក្សប្រជាធិបតេយ្យក្នុងថ្ងៃបញ្ចប់សមាជជាតិរបស់គណបក្សប្រជាធិបតេយ្យដែលកំពុងប្រព្រឹត្តទៅក្នុងថ្ងៃចុងក្រោយ នៅរដ្ឋ Chicago ដែលមានសមាជិកចូលរួមជាង៤០០០នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គណបក្សប្រជាធិបតេយ្យបានប្តូរបេក្ខភាពប្រធានាធិតីពីប្រធានាធិបតីក្នុងអាណត្តិ លោក ចូ បៃដិន ដែលបានប្រកាសបោះបង់បេក្ខភាពរបស់ខ្លួនកាលពីថ្ងៃទី២១ខែកក្កដា បន្ទាប់ពីប្រជាប្រិយភាពរបស់លោកសម្រាប់បេក្ខភាពប្រធានាធិបតីក្នុងអាណត្តិទី២ បានធ្លាក់ចុះយ៉ាងខ្លាំងក្រោមគូប្រជែងគឺលោក ដូណាល់ ត្រាំ។

ការប្រកាសបោះបង់ចោលរបស់លោក ចូ បៃដិន បានបើកផ្លូវឱ្យអនុប្រធានាធិបតីក្នុងអំណាច គឺ លោកស្រី កាម៉ាឡា ហារីស ឡើងបន្តសម្រាប់បេក្ខភាពប្រធានាធិបតីដ៏មានឥទ្ធិពលមួយនេះ។ ចាប់តាំងពីលោក ចូ បៃដិន ប្រកាសបោះបង់ លោកស្រី ហារីស បានរៀបចំពិធីជួបជុំមួយចំនួនដើម្បីប្រមូលមូលនិធិចូលបក្សផង និង ដើម្បីស្ទង់ប្រជាប្រិយភាពរបស់ខ្លួនតទល់នឹងគូប្រជែងគឺ លោក ដូណាល់ ត្រាំ។