ព័ត៌មានអន្ដរជាតិ

លោកស្រី ហារីស ប្រកាសពង្រឹងណាតូ គាំទ្រអ៊ីស្រាអែល ប្រឆាំងកូរ៉េខាងជើង និង អ៊ីរ៉ង់

បានផុស

៥ ខែ មុន

នៅ

ថ្ងៃសុក្រ ២៣ សីហា ២០២៤

ដោយ

លោកស្រី កាម៉ាឡា ហារីស បេក្ខភាពប្រធានាធិបតីនៃគណបក្សប្រជាធិបតេយ្យដែលទើបទទួលយកការតែងតាំងជាផ្លូវការក្នុងសមាជជាតិក្នុងរដ្ឋ Chicago បានប្រកាសឈរនៅជាមួយអង្គការប្រដាប់អាវុធណាតូប្រឆាំងរុស្ស៊ី និងគាំទ្រប្រទេសអ៊ុយក្រែនក្នុងការប្រយុទ្ធប្រឆាំងការឈ្លានពានរបស់ប្រទេសរុស្ស៊ី។

លោកស្រី កាម៉ាឡា ហារីស ជាបេក្ខនារីប្រធានាធិបតីសហរដ្ឋអាមេរិកនៃបក្សប្រជាធិបតេយ្យ។ DNC

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកស្រី ហារីស ដែលតំណាងគណបក្សប្រជាធិបតេយ្យសម្រាប់ការបោះឆ្នោតប្រធានាធិបតីនៅថ្ងៃទី៥ខែវិច្ឆិកាខាងមុខ តទល់ជាមួយបេក្ខភាពលោក ដូណាល់ ត្រាំ នៃគណបក្សសាធារណៈរដ្ឋ ក៏បានប្រកាសគាំទ្រអ៊ីស្រាអែលដែលជាសម្ព័ន្ធមិត្តរបស់សហរដ្ឋអាមេរិក សម្រាប់ការប្រយុទ្ធរបស់ពួកគេប្រឆាំងការវាយប្រហារណាមួយពីសំណាក់សត្រូវនៅក្នុងតំបន់ មានប្រទេសអ៊ីរ៉ងជាដើម។

ថ្លែងក្នុងពិធីបិទបញ្ចប់សមាជជាតិរយៈពេល៤ថ្ងៃរបស់គណបក្សប្រជាធិបតេយ្យនេះ លោកស្រី ហារីស ក៏បានប្រកាសពីការប្រឆាំងលោកគីម ជុងអ៊ុន នៅកូរ៉េខាងជើង ដែលលោកត្រាំធ្លាប់បានពិភាក្សាជាមួយ និង គ្រោងពិភាក្សាជាមួយប្រសិនលោកឈ្នះការបោះឆ្នោតប្រធានាធិបតីសហរដ្ឋអាមេរិកជាថ្មី។

មុនការប្រកាសគាំទ្រអ៊ុយក្រែនក្នុងពេលដែលលោកស្រីកំពុងប្រជែងយកកៅអីប្រធានាធិបតីសហរដ្ឋអាមេរិកដ៏មានអំណាចបំផុត លោកស្រី ហារីស បានរំឭកឡើងវិញនូវ នូវការជជែកជាមួយ ប្រធានាធិបតីអ៊ុយក្រែន លោក Volodymyr Zelensky អំពីលទ្ធភាពដែលរុស្ស៊ីអាចឈ្លានពានអ៊ុយក្រែន។

គ្រួសារលោកស្រី ហារីស និង គ្រួសាររបស់បេក្ខភាពអនុប្រធានាធិបតី Tim Walz ក្នុងពិធីបិទបញ្ចប់សមាជ។ DNC

ប្រទេសរុស្ស៊ីកាច់ចង្កូតដោយប្រធានាធិបតីជាង២ទសវត្សរ៍ វ៉្លាឌីមៀរ ពូទីន បានលុកលុយចូលប្រទេសអ៊ុយក្រែន ក្រោយប្រធានាធិបតី ចូ បៃដិន ចូលកាន់អំណាចបានត្រឹមតែជាង១ឆ្នាំ ហើយក្នុងសង្គ្រាមនេះ សហរដ្ឋអាមេរិកជាអ្នកផ្គត់ផ្គង់អ៊ុយក្រែនធំបំផុតប្រឆាំងនឹងរុស្ស៊ី៕

រ៉ាន់ រើយ