ព័ត៌មានអន្ដរជាតិ

យន្តហោះធ្លាក់ចូលភក់នៅថៃបានបែកបាក់ជាបំណែកតូចៗ

បានផុស

៣ ខែ មុន

នៅ

ថ្ងៃសៅរ៍ ២៤ សីហា ២០២៤

ដោយ

យន្តហោះខ្នាតតូចដែលធ្លាក់់នៅថៃចូលក្នុងភក់ជ្រៅ បានបែកបាក់ខ្ទេចខ្ទីជាបំណែកតូចៗ ដែលបានបង្កឱ្យជនជាតិចិនចំនួនប្រាំនាក់ក្នុងចំណោមអ្នកនៅលើយន្តហោះទាំង៩នាក់បានស្លាប់។ ហេតុការធ្លាក់យន្តហោះខ្នាតតូចនៅក្នុងខេត្ត Chachoengsao ភាគខាងកើតប្រទេសថៃកាលពីថ្ងៃព្រហស្បតិ៍នៅពេលដែលយន្តហោះនោះត្រូវបានជួលជិះដោយមនុស្សមួយក្រុមសម្រាប់ធ្វើដំណើរទៅកាន់ខេត្តត្រាតជាប់ខេត្តកោះកុងរបស់ប្រទេសកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រតិបត្តិការស្វែងរក និងជួយសង្គ្រោះបានដំណើរការតាំងរសៀលថ្ងៃព្រហស្បតិ៍រហូតដល់ពេញមួយថ្ងៃសុក្រ បន្ទាប់ពីជើងហោះហើរ charter flight ដែលមានអ្នកបើកយន្តហោះពីរនាក់ និងអ្នកដំណើរ៧នាក់នៅលើយន្តហោះបានធ្លាក់ចូលទៅក្នុងព្រៃកោងកាងនៅវេលាម៉ោង ៣:១០នាទីរសៀលថ្ងៃព្រហស្បតិ៍។

យោងតាមអាជ្ញាធរអាកាសចរណ៍ស៊ីវិលថៃ យន្តហោះ Cessna Caravan C208B ជើងហោះហើរ TFT ២០៩ ដំណើរការដោយក្រុមហ៊ុន Thai Flying Service បានបាត់ទំនាក់ទំនងជាមួយមជ្ឈមណ្ឌលគ្រប់គ្រងចរាចរណ៍ផ្លូវអាកាស ហើយបានបាត់ពីរ៉ាដា បន្ទាប់ពីចាកចេញពីអាកាសយានដ្ឋានសុវណ្ណភូមិក្នុងរាជធានីបាងកក។

យ៉ាងណាមិញព័ត៌មានលម្អិតអំពីមូលហេតុពិតប្រាកដដែលបណ្ដាលឲ្យមានការធ្លាក់មិនទាន់ត្រូវបានដឹងនៅឡើយនោះទេ ខណៈប៉ូលិសកំពុងធ្វើការស៊ើបអង្គេត៕