​មនុស្ស៥នាក់ស្លាប់​ក្នុង​ទឹកជំនន់​នៅភាគខាងជើង​ថៃ ខណៈគ្រួសារ​ជាង១ម៉ឺនប៉ះពាល់​

ទឹកជំនន់ដែលបង្កឡើងដោយភ្លៀងធ្លាក់ខ្លាំងនៅភាគខាងជើងប្រទេសថៃបានសម្លាប់មនុស្សចំនួន៥នាក់ និង​៣២នាក់រងរបួស ព្រមទាំង​បង្កការ​ជន់លិចដីស្រែជាង ២០០០ហិកតា ខណៈផ្ទះរាប់ពាន់ខ្នងត្រូវបានរងផលប៉ះពាល់។ នេះបើយោងតាមការចេញផ្សាយរបស់របស់ទូរទស្សន៍ The Star Times កាលពីថ្ងៃទី២៣ខែសីហានេះ។

នាយកដ្ឋានបង្ការ និងកាត់បន្ថយគ្រោះមហន្តរាយ បានឱ្យដឹងថា ផ្ទៃដីស្រែចំការចំនួន ២០៥២ហិកតា ត្រូវបានបំផ្លាញ និងប្រជាជន ១២៧៧៧ គ្រួសារបានរងផលប៉ះពាល់ដោយទឹកជំនន់ ហើយនាយកដ្ឋានកំពុងតាមដានកម្រិតទឹកក្នុងខេត្តចំនួន៤៣ដោយព្រមានអំពីទឹកជំនន់ភ្លាមៗ បំណាក់ដី និងទឹកទន្លេដែលហក់ឡើងខ្លាំង។

ពាក់ព័ន្ទបញ្ហាទឹកជំនន់នេះដែរនាយករដ្ឋមន្ត្រីថ្មីលោកស្រី Paetongtarn Shinawatra បានស្នើសុំជំនួយបន្ទាន់ដើម្បីបញ្ជូនទៅកាន់តំបន់ដែលរងផលប៉ះពាល់ខ្លាំងបំផុតនៅក្នុងខេត្ត Chiang Rai, Nan និងPhayaoផងដែរ។

ខណៈពេលដែលប្រទេសថៃជួបប្រទះនឹងភ្លៀងមូសុងប្រចាំឆ្នាំនៅក្នុងត្រីមាសចុងក្រោយនៃឆ្នាំនេះ ការប្រែប្រួលអាកាសធាតុដែលបង្កើតឡើងដោយមនុស្សកំពុងបណ្តាលឱ្យមានការប្រែប្រួលអាកាសធាតុកាន់តែខ្លាំងឡើងដែលអាចធ្វើឱ្យមានទឹកជំនន់បំផ្លិចបំផ្លាញកាន់តែច្រើន។កាលពីឆ្នាំ ២០១១ទឹកជំនន់ដ៏ធំនៅទូទាំងប្រទេសថៃបានសម្លាប់មនុស្សជាង ៥០០នាក់ និងបំផ្លាញផ្ទះរាប់លានខ្នងនៅទូទាំងប្រទេសនេះ៕

អត្ថបទ៖ ប៊ុន សុភាព