គូប្រជែង Bitcoin គឺ Toncoin ធ្លាក់តម្លៃភ្លាមៗ បន្ទាប់ពីនាយកប្រតិបត្តិ Telegram ត្រូវចាប់ខ្លួននៅបារាំង

Toncoin0.0% ដែលជាគូប្រជែងរូបិយប័ណ្ណឌីជីថលទៅនឹង bitcoin មានមូលធនប័ត្រទីផ្សារប្រហែល ១៤ ពាន់លានដុល្លារបានធ្លាក់ចុះភ្លាមៗ ជាមួយនឹងតម្លៃរបស់វាធ្លាក់ចុះជិត ២០% ។ ការធ្លាក់ថ្លៃកើតឡើង បន្ទាប់ពីនាយកប្រតិបត្តិនៃកម្មវិធីផ្ញើសារ Telegram ដែលភ្ជាប់ toncoin លោក Pavel Durov ត្រូវបានចាប់ខ្លួននៅប្រទេសបារាំង។

ប្រព័ន្ធផ្សព្វផ្សាយក្នុងស្រុកបានរាយការណ៍ថា លោក Durov ត្រូវបានចាប់ខ្លួននៅអាកាសយានដ្ឋាន Le Bourget បន្ទាប់ពីគាត់មកដល់ប្រទេសនៅលើយន្តហោះឯកជន ដែលជាផ្នែកនៃការស៊ើបអង្កេតបឋមរបស់ប៉ូលិស។

លោក Durov កំពុងប្រឈមមុខនឹងការចោទប្រកាន់ ដែលអាចកើតមាននៅថ្ងៃអាទិត្យនេះ យោងតាមរបាយការណ៍ដែលដកស្រង់ប្រភពអនាមិក ជាមួយនឹងការស៊ើបអង្កេតផ្តោតលើការបរាជ័យរបស់ Telegram ក្នុងការទប់ស្កាត់សកម្មភាពឧក្រិដ្ឋកម្មនៅលើកម្មវិធីផ្ញើសារ។

យ៉ាងណាក៏ដោយ ងាកមកកាន់ Toncoin ដែលជាកំណែប្រភពបើកចំហនៃរូបិយប័ណ្ណគ្រីបតូដែលដំណើរការលើ The Open Network blockchain ពីមុនត្រូវបានគេស្គាល់ថាជា Telegram Open Network ត្រូវបានដាក់ឲ្យដំណើរការនៅឆ្នាំ២០២១។

តម្លៃ toncoin បានកើនឡើងជិត ១,០០០% ចាប់តាំងពីពេលនោះមក កើនឡើងនៅឆ្នាំនេះ រួមជាមួយនឹងការកើនឡើងនៃតម្លៃ bitcoin ចំពេលមានការកើនឡើងនៃសកម្មភាព និងអ្នកប្រើប្រាស់ ដោយសារតែភាពពេញនិយមនៃហ្គេមខ្នាតតូច crypto ដែលមានមូលដ្ឋានលើ Telegram ដែលប្រើ toncoin៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អត្ថបទ៖ សាង ស្រីល័ក្ខ

ចុចអាន៖នាយកប្រតិបត្តិកម្មវិធី Telegram លោក Pavel Durov ត្រូវចាប់ខ្លួននៅបារាំង