ព័ត៌មានអន្ដរជាតិ
ក្រុមហ៊ុនអាកាសចរណ៍អឺរ៉ុបផ្អាកការហោះហើរទៅអ៊ីស្រាអែលនិងលីបង់
ក្រុមហ៊ុនអាកាសចរណ៍ធំៗជាច្រើនក្នុងបណ្តាប្រទេសនៅទ្វីបអ៊ឺរ៉ុប បានប្រកាសផ្អាកជើងហោះត្រង់ទៅកាន់ប្រទេសអ៊ីស្រាអែល និងលីបង់ បន្ទាប់ពីការប្រយុទ្ធគ្នាបានផ្ទុះឡើងកាលពីថ្ងៃអាទិត្យ បន្ទាប់ពីមានអរិភាពកាន់តែខ្លាំងឡើងរវាងអ៊ីស្រាអែល និងក្រុមហេសបូឡា។ យោងប្រព័ន្ធផ្សព្វផ្សាយព័ត៌មានរបស់លោកខាងលិច។
ទូរទស្សន៍បារាំង BFMTV បានឲ្យដឹងថា ក្រុមហ៊ុន Air France បានសម្រេចចិត្តផ្អាកជើងហោះហើររបស់ខ្លួនទៅកាន់ទីក្រុង Tel Aviv របស់អ៊ីស្រាអែល និងទីក្រុង Beirut របស់ប្រទេសលីបង់ រហូតដល់យ៉ាងហោចណាស់ថ្ងៃចន្ទសប្ដាហ៍ក្រោយ ដោយសារតែភាពតានតឹងកើនឡើងខ្លាំងរហូតផ្លោងដាក់គ្នានៅក្នុងតំបន់។ ដូចគ្នានេះដែរ ក្រុមហ៊ុនអាកាសចរណ៍របស់អង់គ្លេស British Airways បានប្រកាសផ្អាកជើងហោះហើរទៅកាន់ និងពីទីក្រុង Tel Aviv របស់អ៊ីស្រាអែលរហូតដល់ថ្ងៃពុធ។
ក្រុមហ៊ុនអាកាសចរណ៍ Wizz Air របស់ហុងគ្រីក៏បានផ្អាកជើងហោះហើរត្រង់ទៅនិងមកពីអ៊ីស្រាអែលជាបណ្តោះអាសន្នកាលពីថ្ងៃទី២៥ខែសីហាផងដែរ។ ចំណែកក្រុមហ៊ុនអាកាសចរណ៍ Aegean Airlines របស់ប្រទេសក្រិចបានលុបចោលជើងហោះហើរជាច្រើនទៅកាន់ប្រទេសអ៊ីស្រាអែល និងទីក្រុង Beirut កាលពីថ្ងៃអាទិត្យ។
លើសពីនេះក្រុមហ៊ុនអាកាសចរណ៍យក្សរបស់អាល្លឺម៉ង់ Lufthansa ក៏បានបន្តការផ្អាកជើងហោះហើររបស់ខ្លួនទៅកាន់ទីក្រុង Beirut រហូតដល់ថ្ងៃទី៣០ខែកញ្ញា និងទៅកាន់ទីក្រុង Tel Aviv និង Tehranរបស់ប្រទេសអ៊ីរ៉ង់រហូតដល់ថ្ងៃទី២ខែកញ្ញា។
កងកម្លាំងអ៊ីស្រាអ៊ែលនិងក្រុមហេសបូឡា បានបើកការប្រយុទ្ធគ្នាកាលពីព្រឹកថ្ងៃអាទិត្យ តាមបណ្តោយព្រំដែនអ៊ីស្រាអែល និងលីបង់ ដែលជាការកើនឡើងគួរឱ្យកត់សម្គាល់នៅក្នុងជម្លោះដ៏យូរអង្វែងរបស់ពួកគេ។ ក្រុមហេសបូឡាបានអះអាងថា ខ្លួនបានបាញ់មីស៊ីលរាប់រយគ្រាប់ចូលទៅក្នុងប្រទេសអ៊ីស្រាអែល ជាការសងសឹកចំពោះការសម្លាប់មេបញ្ជាការរបស់ខ្លួន គឺលោក Fouad Shokor នៅក្នុងការវាយប្រហារតាមអាកាសរបស់អ៊ីស្រាអែលលើទីក្រុង Beirutកាលពីខែមុន។
ជាការឆ្លើយតប អ៊ីស្រាអែលបានរាយការណ៍ថា បានធ្វើការវាយប្រហារតាមអាកាសពីមុនជាច្រើន គឺសំដៅទៅលើគ្រាប់រ៉ុកកែតរបស់ក្រុមហេបូឡា នៅភាគខាងត្បូងប្រទេសលីបង់។ បន្ទាប់ពីមានការប៉ះទង្គិចគ្នាយ៉ាងធ្ងន់ធ្ងរបំផុតរវាងភាគីទាំងពីរ រដ្ឋមន្ត្រីការបរទេសអង់គ្លេសលោក David Lammy និងរដ្ឋមន្ត្រីការពារជាតិ John Healey ទាំងពីរបានទូរស័ព្ទទៅសមភាគីរៀងៗខ្លួនក្នុងប្រទេសអ៊ីស្រាអែលកាលពីថ្ងៃអាទិត្យដោយជំរុញឱ្យមានបទឈប់បាញ់ជាបន្ទាន់នៅក្នុងតំបន់ នេះបើយោងតាមការប្រកាសរបស់ពួកគេនៅលើ X ។
កាលពីដើមខែសីហា ដោយសារភាពតានតឹងនៅតាមព្រំដែនលីបង់-អ៊ីស្រាអែល ចាប់ផ្តើមកើនឡើង ប្រទេសអឺរ៉ុបជាច្រើនបានជំរុញឱ្យពលរដ្ឋរបស់ពួកគេចាកចេញពីប្រទេសលីបង់។ ទន្ទឹមនឹងនេះ ក្រុមហ៊ុនអាកាសចរណ៍អឺរ៉ុបមួយចំនួន រួមទាំងក្រុមហ៊ុនអាកាសចរណ៍ Air France និងក្រុមហ៊ុនអាកាសចរណ៍ជាតិរបស់រ៉ូម៉ានី TAROM ក៏បានផ្អាកជើងហោះហើររបស់ពួកគេផងដែរ៕
អត្ថបទ៖ ប៊ុន សុភាព
មហាជនហួសចិត្តនឹងអ្នកលក់ផលិតផលម្នាក់ ក្រោយដេញពេទ្យឯកទេសរោគស្ត្រីទៅរៀនឡើងវិញ
តើអ្វីជាលក្ខណៈពិសេសនៃនាវាចម្បាំង USS Savannah (LCS 28) ដែលនឹងចូលចតនៅខេត្តព្រះសីហនុចាប់ពីថ្ងៃចន្ទ?
មនុស្សប្រមាណ២ពាន់នាក់ ចូលគ្នារត់ប្រណាំងប្រមូលថវិកាជូនអង្គការគ្រួសារថ្មី គាំទ្រការអប់រំជនមានពិការភាព
អតីតសហការីទណ្ឌិត សម រង្ស៊ី៖ ជនក្បត់ជាតិបីជំនាន់ សម រង្ស៊ី មិនស័ក្តិសមជាធ្វើជាអ្នកដឹកនាំប្រទេសទេ
អ្នកជំនាញយានយន្ត NPIC លើកទឹកចិត្តឱ្យនារីចូលសិក្សាជំនាញមេកានិកយានយន្តឱ្យបានច្រើនថែមទៀត ខណៈកំពុងមានតម្រូវការទីផ្សារខ្ពស់
មនុស្សយ៉ាងច្រើនកុះករ បានមកចូលរួមទស្សនា ពិព័រណ៍យន្តហោះ និងបច្ចេកវិទ្យា នៅថ្ងៃចុងក្រោយនេះ
វៀតណាមត្រូវការលុយ ១៤ ប៊ីលានដុល្លារ ដើម្បីសាងសង់ស្ថានីយសាកថ្ម EV ទូទាំងប្រទេស
ត្រៀមៗ Miss Mera អាចមានថ្នាក់អន្តរជាតិ ក្រោយ Kate Cat ឲ្យតម្រុយចំនួនប្រទេសដែលចូលរួម
ចំណូលរបស់រដ្ឋាករទឹកស្វយ័តក្រុងភ្នំពេញថយចុះតិចតូចនៅត្រីមាសទី៣
កម្ពុជារកចំណូលបានជាង១ពាន់លានដុល្លារពីពាណិជ្ជកម្មតាមប្រព័ន្ធអេឡិចត្រូនិកនៅឆ្នាំ២០២៤
-
ព័ត៌មានអន្ដរជាតិ៥ ថ្ងៃ ago១១ខែ វៀតណាម រញ្ជួយដី ៤៥៨លើក
-
ចរាចរណ៍៥ ថ្ងៃ agoអ្នកជិះម៉ូតូ កង់ ឆ្លង់កាត់ចន្លោះសួនច្បារពុះចែកទ្រូងផ្លូវជាតិលេខ៣បង្កគ្រោះថ្នាក់ញឹកញាប់ដល់អ្នកដទៃ
-
ព័ត៌មានជាតិ៥ ថ្ងៃ agoសត្វព្រៃជិតផុតពូជបំផុតជាច្រើនប្រភេទ បង្ហាញវត្តមាននៅតំបន់ប្រើប្រាស់ច្រើនយ៉ាងសំឡូត
-
សុខភាព៣ ថ្ងៃ agoផ្លែឈើ៤មុខ គ្រោះថ្នាក់ខ្លាំងសម្រាប់អ្នកជំងឺខ្សោយតម្រងនោមធ្ងន់ធ្ងរ
-
ព័ត៌មានអន្ដរជាតិ៤ ថ្ងៃ agoគ្រូទាយល្បីឈ្មោះ២រូប សុទ្ធតែទាយរឿងដែលគ្មាននរណាចង់ឲ្យកើត នៅឆ្នាំក្រោយ
-
បច្ចេកវិទ្យា១ សប្តាហ៍ agoផ្ទុះការភ្ញាក់ផ្អើលខ្លាំងចំពោះវត្តមាន ហុងដា SCOOPY ស៊េរីថ្មី របស់ក្រុមហ៊ុនអិនស៊ីអិច ទើបតែចេញក្តៅៗ
-
ជីវិតកម្សាន្ដ៧ ថ្ងៃ agoអ្នកនាង ខាត់ សុឃីម សោកស្តាយចំពោះមរណភាពតារាចម្រៀងប្រុសម្នាក់ គាំងបេះដូងស្លាប់ទាំងវ័យក្មេង
-
សន្តិសុខសង្គម១ សប្តាហ៍ agoUpdate៖ អ្នកកាសែតដែលត្រូវខ្មាន់កាំភ្លើងបាញ់ប្រហារនៅស្រុកជីក្រែង បានបាត់បង់ជីវិតហើយ ក្រោយបញ្ជូនដល់មន្ទីរពេទ្យជាង១ថ្ងៃ