ប៉ូលិសកាន់តែច្រើនឡើងៗ ចាប់ផ្តើមក្បត់មេទ័ពមកចូលរួមជាមួយបាតុករមីយ៉ាន់ម៉ា

មន្ត្រីប៉ូលិសនៅក្នុងប្រទេសមីយ៉ាន់ម៉ាកំពុងតែបដិសេធកាន់តែខ្លាំងឡើងៗចំពោះការប្រើប្រាស់អំពើហិង្សាប្រឆាំងនឹងក្រុមបាតុករនៃរដ្ឋប្រហារយោធាកាលពីខែមុន ។

អង្គការសហប្រជាជាតិនិយាយថា មនុស្សជាង ៥០ នាក់ត្រូវបានសម្លាប់នៅក្នុងភាពចលាចលនេះ ខណៈអាជ្ញាធរបានបាញ់ម្តងហើយម្តងទៀតទៅលើហ្វូងមនុស្ស ។

បុរសម្នាក់ដែលមានអាយុខ្ទង់ ២០ ឆ្នាំបានក្លាយជាជនរងគ្រោះចុងក្រោយកាលពីថ្ងៃសុក្រ ។ ប្រព័ន្ធផ្សព្វផ្សាយក្នុងស្រុកនិយាយថា គាត់ត្រូវបានគេបាញ់សម្លាប់នៅក្នុងទីក្រុងធំជាងគេទី ២ Mandalay ។

ប៉ុន្តែរហូតមកដល់ពេលនេះក៏មានប៉ូលិសជាង ១០០ នាក់ត្រូវបានគេរាយការណ៍ថាបានចូលរួមក្នុងចលនាមិនគោរពច្បាប់ស៊ីវិលនៅក្នុងការប៉ុនប៉ងដើម្បីបញ្ឈប់រដ្ឋាភិបាលដែលដឹកនាំដោយយោធាពីការកាន់កបាប់ប្រទេស ។

មន្រ្តីប៉ូលលិសដែលស្ថិតនៅក្នុងស្ថានីយ៍ប៉ូលិសមួយនៅក្នុងរដ្ឋធានីណៃពិដោនិយាយថា គាត់មិនចង់ចូលរួមនៅក្នុងអំពើហិង្សាប្រឆាំងនឹងក្រុមបាតុករដោយសន្តិភាពនោះទេ ។

អ្នករួមការងារម្នាក់របស់គាត់បាននិយាយថា បុគ្គលិកយោធាកំពុងធ្វើសកម្មភាពឃោរឃៅពេលស្លៀកពាក់ជាប៉ូលិស ។

នៅក្នុងប្រទេសឥណ្ឌាអាជ្ញាធររដ្ឋាភិបាលក្នុងតំបន់និយាយថា យ៉ាងហោចណាស់មន្រ្តីប៉ូលិស ១៥ នាក់ និងសមាជិកគ្រួសាររបស់ពួកគេបានឆ្លងកាត់ព្រំដែនជាមួយប្រទេសមីយ៉ាន់ម៉ាចាប់ពីថ្ងៃពុធដល់ថ្ងៃព្រហស្បតិ៍ ។

ប្រព័ន្ធផ្សព្វផ្សាយក្នុងស្រុកនិយាយថា ពួកគេបានភៀសខ្លួនដោយសារតែពួកគេខ្លាចការសងសឹកចំពោះការប្រឆាំងនឹងបទបញ្ជាយោធា ។

យោធាមីយ៉ាន់ម៉ាបាននិងកំពុងធ្វើការដើម្បីកំណត់អត្តសញ្ញាណ និងឃុំខ្លួនមេដឹកនាំនៃចលនាមិនគោរពច្បាប់ស៊ីវិល ៕

ប្រែសម្រួលដោយ ៖ ជីវ័ន្ត

ប្រភព ៖ NHK

ចុចអាន ៖ ទាហាន​មីយ៉ាន់ម៉ា​ប្រើ TikTok គំរាម​សម្លាប់​បាតុករ​មិន​រើស​មុខ

ចុចអាន ៖ ជនជាតិវៀតណាមរាប់រយនាក់ ប្រញាប់ចាកចេញពីប្រទេស មីយ៉ាន់ម៉ា