ព័ត៌មានអន្ដរជាតិ
ម៉ិកស៊ិក ប្រកាសផ្អាកទំនាក់ទំនងការទូតជាមួយអាមេរិក និងកាណាដា
ប្រធានាធិបតីម៉ិកស៊ិក លោក Andres Manuel Lopez Obrador បានប្រកាសកាលពីថ្ងៃទី២៧ខែសីហាថា រដ្ឋាភិបាលរបស់លោកបានផ្អាកទំនាក់ទំនងជាមួយឯកអគ្គរដ្ឋទូតសហរដ្ឋអាមេរិក និងកាណាដា។ ការសម្រេចនេះ ធ្វើឡើងបន្ទាប់ពីមានការរិះគន់ជុំវិញសំណើកំណែទម្រង់ប្រព័ន្ធតុលាការដ៏ធំមួយក្នុងប្រទេសម៉ិកស៊ិក។
លោក Lopez Obrador បាននិយាយនៅក្នុងសន្និសីទសារព័ត៌មានថា ការផ្អាកទំនាក់ទំនងជាមួយស្ថានទូតនេះ មិនសំដៅលើទំនាក់ទំនងរវាងប្រទេសនិងប្រទេសនោះឡើយ ហើយការផ្អាកនេះទៀតសោតក៏ដោយសារតែមានការរិះគន់ពីស្ថានទូតទាំងនោះលើកំណែទម្រង់ប្រព័ន្ធតុលាការរបស់លោក។
ផែនការកែលម្អប្រព័ន្ធតុលាការដែលត្រូវបានស្នើឡើងដោយប្រធានាធិបតីម៉ិកស៊ិក បានបង្កឲ្យមានការតវ៉ា និងបាតុកម្ម ព្រមទាំងការរិះគន់ពីអ្នកវិនិយោគ និងស្ថាប័នហិរញ្ញវត្ថុជាច្រើន។
កាលពីសប្តាហ៍មុន ឯកអគ្គរដ្ឋទូតសហរដ្ឋអាមេរិកប្រចាំម៉ិកស៊ិក លោក Ken Salazar បានហៅសំណើរផ្លាស់ប្តូរប្រព័ន្ធតុលាការថាជា «ហានិភ័យ» ចំពោះលទ្ធិប្រជាធិបតេយ្យ ដែលនឹងធ្វើឲ្យមានគ្រោះថ្នាក់ដល់ទំនាក់ទំនងពាណិជ្ជកម្មរបស់ម៉ិកស៊ិកជាមួយរដ្ឋាភិបាលក្រុងវ៉ាស៊ីនតោន។
លោក Lopez Obrador បានស្ដីបន្ទោសឯកអគ្គរដ្ឋទូតអាមេរិក ដោយនិយាយថាវាជារឿងដែលរំលោភលើអធិបតេយ្យភាពម៉ិកស៊ិក។
យ៉ាងណា លោក Salazar បានបន្ទន់ឥរិយាបថរបស់លោក ហើយបានសរសេរនៅលើបណ្ដាញសង្គម X ថាលោកបើកចំហសម្រាប់កិច្ចសន្ទនា។ លោកបានបន្ថែមកាលពីថ្ងៃអង្គារថា៖ «យើងតែងតែធ្វើការដោយការគោរពបំផុតចំពោះអធិបតេយ្យភាពរបស់ប្រទេសម៉ិកស៊ិក»។
ប្រធានាធិបតីម៉ិកស៊ិក បានលើកឡើងថា ក្រសួងការបរទេសសហរដ្ឋអាមេរិកជាអ្នកនៅពីក្រោយការរិះគន់របស់លោក Salazar។ លោក Lopez Obrador បានបន្តថា៖ «យើងនឹងមិនប្រាប់គាត់ (Salazar) ឲ្យចាកចេញពីប្រទេសនោះទេ។ ខ្ញុំសង្ឃឹមថា ពួកគេសន្យាថានឹងគោរពឯករាជ្យភាពរបស់ប្រទេសម៉ិកស៊ិក និងអធិបតេយ្យភាពរបស់ប្រទេសយើង។ ប៉ុន្តែដរាបណាវានៅតែកើតឡើង ហើយពួកគេបន្តគោលនយោបាយទាំងនេះ យើងនៅតែផ្អាក (ទំនាក់ទំនងការទូត)»។
បន្ថែមពីនេះ លោក Lopez Obrador ក៏បានចោទប្រកាន់ឯកអគ្គរដ្ឋទូតកាណាដាថាបានជ្រៀតជ្រែកចូលកិច្ចការផ្ទៃក្នុងរបស់ម៉ិកស៊ិកផងដែរ ដោយបង្ហាញពីការភ័យខ្លាចចំពោះសំណើកំណែទម្រង់ប្រព័ន្ធតុលាការ។
សូមបញ្ជាក់ថា បើយោងតាមការិយាល័យតំណាងពាណិជ្ជកម្មសហរដ្ឋអាមេរិក ទំនាក់ទំនងពាណិជ្ជកម្មរវាងម៉ិកស៊ិក សហរដ្ឋអាមេរិក និងកាណាដា មានទំហំទឹកប្រាក់ប្រមាណ ១,៨ទ្រីលានដុល្លារកាលពីឆ្នាំ២០២២៕
ដោយ៖ ឈាង
សម្ដេចតេជោ សង្ឃឹមថានាយករដ្ឋមន្ត្រី នឹងជូនលិខិតអរគុណដល់អ្នកបរិច្ចាគចាប់ពី១រយរៀលឡើងទៅ
១ឆ្នាំ នៃរដ្ឋាភិបាលអាណត្តិទី៧៖គម្រោងវិនិយោគ៣៩១ ក្រោមទុនសរុបជាង៧.៥ពាន់លានដុល្លារ ត្រូវបានអនុម័ត
សុវត្ថិ មុនីវណ្ណតារាចម្រៀងប្រចាំផលិតកម្ម Galaxy Navatra បរិច្ចាគថវិកា ៤លានរៀល ដល់ «មូលនិធិកសាងហេដ្ឋារចនាសម្ព័ន្ធតាមព្រំដែន»
ទូតចិន៖ ស្ថានទូត បន្តឈ្លបមើលទង្វើជនជាតិចិននៅកម្ពុជា ដោយមិនឱ្យបំផ្លាញសន្តិសុខ សន្តិភាពកម្ពុជាឡើយ
លោក ម៉ាង ស៊ីណេត នាំយកថវិកាសម្ដេចធិបតី និងលោកជំទាវ ជូនកម្មកររោងចក្រជាង២០នាក់ជួបគ្រោះថ្នាក់ចរាចរណ៍
យន្តហោះ Boeing ផ្ទុះកង់ ស្លាប់មនុស្ស២នាក់
ការសិក្សាផលប៉ះពាល់ពីគម្រោងស្ពានផ្សាររាត្រី-អរិយក្សត្រ បានបិទបញ្ចប់ និងត្រៀមបើកការដ្ឋានឆាប់ៗ
បុគ្គលិក គ្រួសារ Galaxy Navatra Group ជាង 3.000 នាក់បរិច្ចាគម្នាក់ 5ពាន់រៀល ដល់ «មូលនិធិកសាងហេដ្ឋារចនាសម្ព័ន្ធតាមព្រំដែន»
អ្នករីវីយូឡានដ៏ល្បី ចូលរួមបរិច្ចាគថវិកា ២០០០រៀលដល់ «មូលនិធិកសាងហេដ្ឋារចនាសម្ព័ន្ធតាមព្រំដែន»
កំពូលតារាចម្រៀង ខេម តារាចម្រៀងប្រចាំផលិតកម្ម Galaxy Navatra បរិច្ចាគថវិកា ជាង ៤០លានរៀល ដល់ «មូលនិធិកសាងហេដ្ឋារចនាសម្ព័ន្ធតាមព្រំដែន»
-
សេដ្ឋកិច្ច៥ ថ្ងៃ agoវ័យត្រឹម១៩ឆ្នាំសោះ កូនប្រុសអ្នកឧកញ៉ា គិត ម៉េង អាចនាំយកយីហោសណ្ឋាគារផ្កាយ៦ មកកាន់កម្ពុជា
-
ព័ត៌មានអន្ដរជាតិ៦ ថ្ងៃ agoចិន កើតបាតុភូតចម្លែក ព្រះអាទិត្យ ៧តម្រៀបជួរគ្នានៅលើមេឃ
-
ព័ត៌មានជាតិ៦ ថ្ងៃ agoក្រុមហ៊ុន Toyota ប្រគល់រថយន្ត៣គ្រឿងដែលទើបដំឡើងបាននៅកម្ពុជាជាលើកដំបូងនៅ ជូនសម្ដេចធិបតី
-
ព័ត៌មានជាតិ៦ ថ្ងៃ agoនាឡិកាធំ និងខ្ពស់ជាងគេនៅកម្ពុជា ចាប់ផ្ដើមដំឡើងជាផ្លូវការដើម្បីទាក់ទាញទេសចរណ៍
-
ព័ត៌មានអន្ដរជាតិ១២ ម៉ោង agoយន្តហោះ Boeing ផ្ទុះកង់ ស្លាប់មនុស្ស២នាក់
-
សន្តិសុខសង្គម៣ ថ្ងៃ agoបុរសម្នាក់ ត្រូវម្ចាស់ផ្ទះបាញ់បាក់ជើងឆ្វេង របួសធ្ងន់ ខណៈកាន់កាំបិតចូលកាប់របស់របរផ្ទះគេ
-
ព័ត៌មានជាតិ៣ ថ្ងៃ agoពលរដ្ឋខេត្តបាត់ដំបងយ៉ាងច្រើនកុះករ សប្បាយខ្ញៀវខ្ញារពេល ព្រះអង្គ ចន្ទ មុនី និមន្តមកដល់ ដើម្បីប្រោះព្រំ
-
ព័ត៌មានអន្ដរជាតិ៧ ថ្ងៃ agoរកឃើញសពមហាសេដ្ឋីអង់គ្លេស ដែលជួបសោកនាដកម្ម លិចទូកទេសចរណ៍