ព័ត៌មានអន្ដរជាតិ
បាតុករឥណ្ឌាដាក់សម្ពាធកាន់តែខ្លាំងលើប្រព័ន្ធយុត្តិធម៌ ក្រោយការរំលោភសម្លាប់អ្នកគ្រូពេទ្យ
ប៉ូលិសនៅទីក្រុង Kolkata ភាគខាងកើតប្រទេសឥណ្ឌា បានបាញ់ឧស្ម័នបង្ហូរទឹកភ្នែក និងកាណុងបាញ់ទឹក ដើម្បីបំបែកក្រុមបាតុកររាប់ពាន់នាក់ ដែលទាមទារយុត្តិធម៌ចំពោះការរំលោភនិងសម្លាប់គរុសិស្សពេទ្យនៅមន្ទីរពេទ្យរដ្ឋមួយកាលពីដើមខែនេះ ខណៈការតវ៉ាបន្តឡើងកម្តៅ។ នេះបើយោងតាមការចេញផ្សាយរបស់សារព័ត៌មាន Al Jazeera នៅថ្ងៃទី២៨ខែសីហានេះ។
គួររម្លឹកថា រាងកាយអាក្រាតពាក់កណ្តាលខ្លួនរបស់ស្រ្តីវ័យ៣១ឆ្នាំដែលមានរបួសយ៉ាងធ្ងន់ធ្ងរត្រូវបានរកឃើញនៅក្នុងសាលសិក្ខាសាលានៅមហាវិទ្យាល័យវេជ្ជសាស្ត្រ RG Kar ជាកន្លែងដែលនាងធ្វើការនិងសម្រាកក្នុងអំឡុងពេលផ្លាស់ប្តូរវេនប្រចាំការរបស់នាង។ ការប្រទះឃើញសាកសពនេះត្រូវបានសង្ស័យថា ជាករណីរំលោភបូកនិងសម្លាប់បានធ្វើឲ្យមានការផ្ទុះកំហឹងទូទាំងប្រទេសជុំវិញវិបត្តិអំពើហិង្សាលើស្ត្រី។
កាលពីថ្ងៃអង្គារ មនុស្សរាប់ពាន់នាក់បានដើរដង្ហែទៅកាន់អគាររដ្ឋាភិបាលក្នុងទីក្រុង Kolkata ដោយទាមទារឲ្យលោក Mamata Banerjee អភិបាលរដ្ឋ Bengal ចុះចេញពីតំណែង។ ជុំវិញករណីនេះ អ្នកស្ម័គ្រចិត្តនៅមន្ទីរពេទ្យម្នាក់ត្រូវបានចាប់ខ្លួន ពាក់ព័ន្ធនឹងឧក្រិដ្ឋកម្មដែលឥឡូវនេះត្រូវបានប្រគល់ទៅឱ្យការិយាល័យស៊ើបអង្កេតកណ្តាល (CBI) របស់ប្រទេសឥណ្ឌា បន្ទាប់ពីមានការរិះគន់ពីដំណើរការយឺតយ៉ាវរបស់ប៉ូលីសក្នុងតំបន់។
នៅក្នុងក្បួនតវ៉ានោះ បាតុករបានស្រែកពាក្យស្លោកនិងប៉ះទង្គិចជាមួយប៉ូលិសដែលបានប្រើដំបងបំបែកហ្វូងមនុស្ស។ បើទោះបីជាបាតុករថា មានបំណងតវ៉ាដោយសន្តិវិធី ប៉ុន្តែមន្រ្តីប៉ូលិសបានឲ្យដឹងថាបាតុករយ៉ាងតិច ១០០នាក់ត្រូវបានចាប់ខ្លួនពីបទបង្កអំពើហិង្សា។
លើសពីនេះការតវ៉ាជាបន្តបន្ទាប់បានកើតឡើងចាប់តាំងពីមានការសម្លាប់នៅថ្ងៃទី៩ខែសីហា និងក៏មានការតវ៉ាដ៏ធំបំផុតដែលមានស្ត្រីរាប់ម៉ឺននាក់នៅទូទាំងរដ្ឋ Bengal ចូលរួមក្នុងការហែរក្បួនកាលពីរាត្រីថ្ងៃទី១៤ខែសីហាទាមទារឯករាជ្យដើម្បីរស់នៅក្នុងសេរីភាពនិងដោយគ្មានការភ័យខ្លាច។
តុលាការកំពូលរបស់ប្រទេសឥណ្ឌាបាននិយាយថា ឧបទ្ទវហេតុនេះបានធ្វើឱ្យមានការភ្ញាក់ផ្អើលដល់សតិសម្បជញ្ញៈរបស់ប្រទេសជាតិ ហើយបានរិះគន់អាជ្ញាធរចំពោះការគ្រប់គ្រងការស៊ើបអង្កេតដ៏យឺតយ៉ាវនិងគ្មានប្រសិទ្ធិភាព។
ស្របពេលឧប្បត្តិហេតុនៃការរំលោភកាន់តែច្រើនបានធ្វើឱ្យមានផលអវិជ្ជមានជាច្រើននៅក្នុងប្រទេសឥណ្ឌាចាប់តាំងពីការស្លាប់របស់ស្ត្រីម្នាក់នេះ ទោះយ៉ាងណានាយករដ្ឋមន្រ្តី Narendra Modi បាននិយាយថា «អំពើហិង្សាដ៏សាហាវប្រឆាំងនឹងស្ត្រីគួរតែត្រូវបានដាក់ទណ្ឌកម្មយ៉ាងធ្ងន់ធ្ងរនិងឆាប់រហ័ស»៕
អត្ថបទ៖ ប៊ុន សុភាព
-
សេដ្ឋកិច្ច៥ ថ្ងៃ ago
វ័យត្រឹម១៩ឆ្នាំសោះ កូនប្រុសអ្នកឧកញ៉ា គិត ម៉េង អាចនាំយកយីហោសណ្ឋាគារផ្កាយ៦ មកកាន់កម្ពុជា
-
ព័ត៌មានអន្ដរជាតិ៦ ថ្ងៃ ago
ចិន កើតបាតុភូតចម្លែក ព្រះអាទិត្យ ៧តម្រៀបជួរគ្នានៅលើមេឃ
-
ព័ត៌មានជាតិ៦ ថ្ងៃ ago
ក្រុមហ៊ុន Toyota ប្រគល់រថយន្ត៣គ្រឿងដែលទើបដំឡើងបាននៅកម្ពុជាជាលើកដំបូងនៅ ជូនសម្ដេចធិបតី
-
ព័ត៌មានជាតិ៥ ថ្ងៃ ago
នាឡិកាធំ និងខ្ពស់ជាងគេនៅកម្ពុជា ចាប់ផ្ដើមដំឡើងជាផ្លូវការដើម្បីទាក់ទាញទេសចរណ៍
-
សន្តិសុខសង្គម៣ ថ្ងៃ ago
បុរសម្នាក់ ត្រូវម្ចាស់ផ្ទះបាញ់បាក់ជើងឆ្វេង របួសធ្ងន់ ខណៈកាន់កាំបិតចូលកាប់របស់របរផ្ទះគេ
-
ព័ត៌មានជាតិ៣ ថ្ងៃ ago
ពលរដ្ឋខេត្តបាត់ដំបងយ៉ាងច្រើនកុះករ សប្បាយខ្ញៀវខ្ញារពេល ព្រះអង្គ ចន្ទ មុនី និមន្តមកដល់ ដើម្បីប្រោះព្រំ
-
ព័ត៌មានអន្ដរជាតិ៦ ថ្ងៃ ago
រកឃើញសពមហាសេដ្ឋីអង់គ្លេស ដែលជួបសោកនាដកម្ម លិចទូកទេសចរណ៍
-
ព័ត៌មានជាតិ៦ ថ្ងៃ ago
រាល់ចុងសប្ដាហ៍ ពីខែកញ្ញា-ធ្នូ រដ្ឋនឹងដឹកពលរដ្ឋ ផ្ដល់អាហារឥតគិតថ្លៃ ទៅមើលខេត្តនៃគម្រោង CLV ដើម្បីដឹងរឿងពិត