ព័ត៌មានអន្ដរជាតិ
គ្រាន់តែសមយុទ្ធនៅប៉ាស៊ីហ្វិកឆ្នាំ២០២៣ ចិនហ៊ានចំណាយដល់ជាង១៥ពាន់លានដុល្លារ
ប្រទេសចិន បានចំណាយប្រហែល ១៥,៣ពាន់លានដុល្លារ ឬ ៧%នៃថវិកាការពារជាតិរបស់ខ្លួនលើសមយុទ្ធនៅតំបន់ប៉ាស៊ីហ្វិកខាងលិចក្នុងឆ្នាំ២០២៣។ នេះបើយោងតាមការចុះផ្សាយរបស់ទីភ្នាក់ងារព័ត៌មាន Reuters ដែលបានដកស្រង់ពីប្រភពស្រាវជ្រាវផ្ទៃក្នុងរបស់កងកម្លាំងប្រដាប់អាវុធតៃវ៉ាន់ ដែលបង្ហាញពីការវិនិយោគរបស់ក្រុងប៉េកាំងក្នុងសកម្មភាពយោធានៅជុំវិញកោះតៃវ៉ាន់ និងប្រទេសនៅក្បែរខាង។
ចិនបានអះអាងថា តៃវ៉ាន់ជាកម្មសិទ្ធិរបស់ខ្លួន ហើយមិនបដិសេធក្នុងការប្រើប្រាស់កងកម្លាំងដើម្បីយកកោះនេះទៅគ្រប់គ្រងឡើយ បើទោះបីតៃវ៉ាន់មានការជំទាស់យ៉ាងខ្លាំងក៏ដោយ។ ចិនក៏កំពុងជាប់គាំងនៅក្នុងជម្លោះជាមួយប្រទេសមួយចំនួនជុំវិញអធិបតេយ្យភាពលើដែនសមុទ្រចិនខាងត្បូង និងសមុទ្រចិនខាងកើតផងដែរ។
មន្ត្រីតៃវ៉ាន់ជាន់ខ្ពស់ម្នាក់សុំមិនបញ្ចេញឈ្មោះ បាននិយាយដោយសង្ខេបអំពីការស្រាវជ្រាវថា៖ «នេះបង្ហាញពីភាពសមហេតុផលនៃការបែងចែកធនធានរបស់ពួកគេ។ ពួកគេកំពុងចំណាយធនធានដ៏ច្រើនសន្ធឹកសន្ធាប់ ដើម្បីព្យាយាមគ្រប់គ្រងភាគខាងលិចនៃតំបន់ប្រជុំកោះ First Island Chain»។
តំបន់ First Island Chain គឺជាបណ្តុំនៃប្រជុំកោះដែលលាតសន្ធឹងពីប្រទេសឥណ្ឌូណេស៊ី នៅទិសឦសានឆ្ពោះទៅប្រទេសជប៉ុន ដោយគ្របដណ្តប់លើសមុទ្រចិនខាងត្បូង និងសមុទ្រចិនខាងកើត។
ប្រភពពីតៃវ៉ាន់ បានបន្ថែមទៀតថា៖ «ប៉ុន្តែការវិនិយោគយោធាដ៏ធំសម្បើមរបស់បក្សកុម្មុយនិស្តចិនក្នុងរយៈពេលប៉ុន្មានឆ្នាំចុងក្រោយនេះ ពិតជាមានផលប៉ះពាល់អវិជ្ជមានដល់សន្តិភាព និងស្ថិរភាពក្នុងតំបន់ ដែលមិនអំណោយផលដល់ភាពរីកចម្រើន និងការអភិវឌ្ឍសកល»។
របាយការណ៍ បានធ្វើឡើងដោយរាប់ចំនួនបេសកកម្មទ័ពជើងទឹក និងផ្លូវអាកាសរបស់ប្រទេសចិនក្នុងឆ្នាំ២០២៣ ដោយបានប៉ាន់ប្រមាណលើការចំណាយប្រេងឥន្ធនៈ និងសម្ភារៈប្រើប្រាស់ផ្សេងទៀត ដែលតួលេខសរុបអាចមានចំនួន ១១០ពាន់លានយ័ន (ឬស្មើនឹង ១៥,៣ពាន់លានដុល្លារ) ហើយនេះរាប់បញ្ចូលទាំងការថែទាំ ជួសជុល និងប្រាក់ខែ។
ពាក់ព័ន្ធនឹងរបាយការណ៍នេះ ក្រសួងការពារជាតិចិនមិនបានឆ្លើយតបនឹងសំណើសុំការអត្ថាធិប្បាយនោះទេ៕
ដោយ៖ ឈាង
មេទ័ព៖ កម្ពុជាមានភ័ព្វសំណាងដែលមានសម្ដេចតេជោ ជាមេដឹកនាំ ដោយបានបន្សល់ទុកនូវសមិទ្ធិផលជាតិជាច្រើន
ផ្ទុះការរិះគន់ Sandara ធ្លាប់ទាក់ទងជាមួយប្រុសក្មេង មិនទាន់គ្រប់អាយុ
ការនាំចេញចេកអំបូងលឿងកម្ពុជា ថយចុះក្នុងរង្វង់ ៧ % កាលពីឆ្នាំ២០២៤
ជោគជ័យធំធេង! មិនដល់១សប្តាហ៍ផង សំបុត្រទស្សនា «ល្ខោនបាមោជ្ជទ័យ» លើកទី២ អស់គ្មានសល់
Vietjet និង OpenAirlines ចាប់ដៃគូដើម្បីបង្កើនប្រសិទ្ធភាពប្រើប្រាស់ឥន្ធនៈក្នុងការហោះហើរ ដោយប្រើបច្ចេកវិទ្យា AI
ភ្លើងឆេះព្រៃលើភ្នំសំពៅ បង្ខំឲ្យព្រះសង្ឃជម្លៀសព្រះកាយចេញរកកន្លែងសុវត្ថិភាព
អ្នកនាំពាក្យ បញ្ជាក់ពីស្ថានភាពអ្នករងរបួសក្នុងហេតុការណ៍ឆេះក្លឹបកម្សាន្ដ មីតណាយព្រីមៀរ កាលពីម្សិលមិញ
មនុស្សស្និទ្ធនឹង កឹម សុខា សង្ស័យលើការសារភាពរបស់លោក សេង សារី
ផ្សារក្រមួន យូណាយ អាជីវករធ្លាប់លក់តែមួយព្រឹក ពេលនេះលក់ពេញមួយថ្ងៃ ពលរដ្ឋថា ពិបាកធ្វើដំណើរ
អភិបាលរងរាជធានី ស្នើឱ្យសមត្ថកិច្ច និងម្ចាស់ខុនដូរ អាផាតមិន សណ្ឋាគារ ផ្ទះសំណាក់ និងផ្ទះជួល សហការគ្នា គ្រប់គ្រងវត្តមានជនបរទេសឱ្យបានល្អ
-
សន្តិសុខសង្គម២ ថ្ងៃ agoBreaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ២ ថ្ងៃ agoព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៦ ថ្ងៃ agoការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
សន្តិសុខសង្គម៧ ថ្ងៃ agoUpdate! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៧ ថ្ងៃ agoសម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៦ ថ្ងៃ agoបានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៦ ថ្ងៃ agoធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?
-
ព័ត៌មានអន្ដរជាតិ៣ ថ្ងៃ agoត្រាំ តម្រូវឲ្យអ៊ុយក្រែន យកធនធានរ៉ែកម្រមកដោះដូរ បើចង់បានជំនួយអាមេរិក តទៀត