ព័ត៌មានអន្ដរជាតិ
ហ្វីលីពីន ចង់ធ្វើទំនើបកម្មយោធា ដោយទិញមីស៊ីលចម្ងាយមធ្យម និងយន្តហោះចម្បាំង៤០គ្រឿង
ប្រទេសហ្វីលីពីន មានបំណងធ្វើទំនើបកម្មយោធារបស់ខ្លួន តាមរយៈការទិញមីស៊ីលរយៈចម្ងាយមធ្យម និងយន្តហោះចម្បាំងទំនើប ក្នុងទំហំទឹកប្រាក់យ៉ាងហោចណាស់ ៣៣ពាន់លានដុល្លារ ដើម្បីទប់ស្កាត់ការកើនឡើងនៃភាពតានតឹងក្នុងតំបន់។ នេះបើយោងតាមការប្រកាសរបស់មន្ត្រីជាន់ខ្ពស់ហ្វីលីពីន២រូប គឺលោក Romeo Brawner មេបញ្ជាការយោធាហ្វីលីពីន និងលោករដ្ឋមន្ត្រីក្រសួងការពារជាតិ Gilberto Teodoro កាលពីថ្ងៃទី២៩ខែសីហា។
លោក Teodoro បានប្រកាសថា ហ្វីលីពីនគ្រោងនឹងចំណាយប្រាក់យ៉ាងហោចណាស់ ១,៨៩ទ្រីលានប៉េសូ ដើម្បីធ្វើទំនើបកម្ម និងបង្កើនសមត្ថភាពការពារខាងក្រៅរបស់យោធា ដែលអាចរាប់បញ្ចូលទាំងការទិញយន្តហោះចម្បាំងចំនួន៤០គ្រឿង។ យ៉ាងណា លោកបានបដិសេធបញ្ចេញឈ្មោះប្រទេសដែលបានដាក់សំណើដេញថ្លៃ ឬម៉ូដែលយន្តហោះចម្បាំងដែលហ្វីលីពីនគ្រោងនឹងទិញនោះទេ ដោយបន្ថែមថា៖ «ការដេញថ្លៃគឺជាដំណើរការសម្ងាត់នៅពេលនេះ ប៉ុន្តែយើងកំពុងបន្តពិនិត្យមើលការដេញថ្លៃដែលអាចទទួលយកបាន»។
រដ្ឋមន្ត្រីក្រសួងការពារជាតិហ្វីលីពីន បានបន្ថែមថា ដើម្បីដំណើរការការទិញយន្តហោះចម្បាំងដែលអាចមានតម្លៃចន្លោះពី ៣០០ទៅ៤០០ពាន់លានប៉េសូ រដ្ឋាភិបាលកំពុងសម្លឹងមើលទៅលើគម្រោងហិរញ្ញប្បទានសមរម្យ រួមទាំងការទាញយកប្រាក់កម្ចីពីអ្នកផ្តល់កម្ចីឯកជន។
ចំណែកឯមេបញ្ជាការយោធា លោក Brawner ធ្លាប់បានប្រាប់ថា ហ្វីលីពីនត្រូវការយន្តហោះចម្បាំងពហុតួនាទីដែល «លឿន និងសាហាវជាង» យន្តហោះចម្បាំង FA-50 ផលិតដោយកូរ៉េខាងត្បូង ដែលខ្លួនមានស្រាប់នាពេលបច្ចុប្បន្ន។
ពាក់ព័ន្ធនឹងគម្រោងទំនើបកម្មយោធានេះដែរ មេបញ្ជាការអាមេរិកប្រចាំនៅឥណ្ឌូប៉ាស៊ីហ្វិក លោក Samuel Paparo បានប្រកាសថា ទាំងហ្វីលីពីន និងសម្ព័ន្ធមិត្តអាមេរិក កំពុងរៀបចំសម្រាប់អ្វីដែលអាចជាសមយុទ្ធយោធារួមគ្នាដ៏ធំបំផុតនៅឆ្នាំក្រោយ ខណៈដែលការចូលរួមផ្នែកសន្តិសុខរវាងប្រទេសទាំង២បានកើនឡើង ដើម្បីប្រឆាំងនឹងអ្វីដែលពួកគេយល់ថាជាការអះអាងកាន់តែខ្លាំងឡើងរបស់មហាយក្សចិន។
កាលពីខែមេសា សហរដ្ឋអាមេរិកបានដាក់ពង្រាយប្រព័ន្ធមីស៊ីលរយៈចម្ងាយមធ្យមរបស់ខ្លួននៅភាគខាងជើងហ្វីលីពីន ក្នុងអំឡុងពេលធ្វើសមយុទ្ធយោធា ដែលបានធ្វើឲ្យចិនខឹងសម្បារ ហើយនិយាយថា វត្តមានរបស់មីស៊ីលទាំងនោះអាចនាំមកនូវហានិភ័យនៃសង្គ្រាមដ៏ធំនៅក្នុងតំបន់៕
ដោយ៖ ឈាង
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
មន្ត្រីក្រសួងសេដ្ឋកិច្ច ៖ ម្ចាស់អាជីវកម្ម ដែលប្រឈមហានិភ័យ ត្រូវមានធានារ៉ាប់រងសម្រាប់អាជីវកម្មខ្លួន
តើគ្រោះរញ្ជួយដីកើតនៅមីយ៉ាន់ម៉ាប៉ះពាល់និងជះឥទ្ធិពលដល់ណាខ្លះ?
អ្នកនាំពាក្យ៖ បុគ្គលិកដែលរត់ចេញពីអគារខ្ពស់ៗ ព្រោះខ្លាចករណីរញ្ជួយដីពេលនេះត្រឡប់ចូលអគារវិញធម្មតា
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
-
ព័ត៌មានអន្ដរជាតិ៦ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម១ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៣ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៦ ម៉ោង agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៤ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ២ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?