ព័ត៌មានអន្ដរជាតិ
សប្តាហ៍ក្រោយ លោក ពូទីន ទៅបំពេញទស្សនកិច្ចនៅប្រទេសជាសមាជិក ICC
វិមានក្រឹមឡាំងប្រកាសថា នៅថ្ងៃទី៣ខែកញ្ញាសប្តាហ៍ក្រោយ លោក វ្ល៉ាឌីមៀរ ពូទីន នឹងទៅបំពេញទស្សនកិច្ចប្រទេសម៉ុងហ្គោលី ដែលជាសមាជិកអង្គការឧក្រិដ្ឋកម្មអន្តរជាតិ (ICC)។
តាមការបញ្ជាក់ពីវិមានក្រឹមឡាំងកាលពីថ្ងៃព្រហស្បតិ៍ទី២៩ខែសីហាឆ្នាំ២០២៤ ទស្សនកិច្ចរបស់លោក ពូទីន គឺតបតាមការអញ្ជើញរបស់ប្រធានាធិបតីម៉ុងហ្គោលី Ukhnaagiin Khurelsukh។
ដំណើរទស្សនកិច្ចរបស់ប្រធានាធិបតីរុស្ស៊ី ទៅប្រទេសនៅតំបន់អាស៊ីខាងកើតមួយនេះ បានក្លាយជាប្រធានបទក្តៅរបស់ពិភពលោក ព្រោះថា ICC បានចេញដីកាចាប់ខ្លួនលោក ពូទីន ក្នុងខែមីនាឆ្នាំ២០២៣ ពាក់ព័ន្ធការនិរទេសកុមារដោយខុសច្បាប់ ហើយដោយសារតែដីកានេះ ទើបអន្តរជាតិកំពុងតាមមើលថាតើ ម៉ុងហ្គោលី ពិតជាចាប់ខ្លួនលោក ពូទីន មែនឬក៏អត់។
នេះនឹងក្លាយជាដំណើរទស្សនកិច្ចលើកដំបូងរបស់លោក ពូទីន ទៅកាន់ប្រទេសជាសមាជិក ICC ចាប់តាំងពីការចេញដីកា ខណៈវិមានក្រឹមឡាំងគូសបញ្ជាក់ម្តងហើយម្តងទៀតថា ខ្លួនមិនទទួលស្គាល់យុត្តាធិការ ICC ឡើយ។
ICC គឺជាតុលាការកាត់ទោសឧក្រិដ្ឋកម្មអន្តរជាតិធ្ងន់ធ្ងរ រួមមានឧក្រិដ្ឋកម្មប្រល័យពូជសាសន៍ ឧក្រិដ្ឋកម្មសង្គ្រាម ឧក្រិដ្ឋកម្មឈ្លានពាន និងឧក្រិដ្ឋកម្មប្រឆាំងមនុស្សជាតិជាដើម។
តុលាការនេះ ត្រូវបានបង្កើតឡើងនៅថ្ងៃទី១ កក្កដា ឆ្នាំ២០០២ មានមូលដ្ឋាននៅទីក្រុងឡាអេប្រទេសហូឡង់ និងមានសមាជិកចំនួន ១២៣ ប្រទេស ប៉ុន្តែ ក្នុងចំណោមនោះ គឺមិនមានវត្តមានប្រទេសមហាអំណាចរុស្ស៊ី អាមេរិក និងចិនឡើយ៕
អត្ថបទ៖ សុខ សុវណ្ណ
-
ព័ត៌មានជាតិ៥ ថ្ងៃ ago
លទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍១ ថ្ងៃ ago
តារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៥ ថ្ងៃ ago
សំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
ព័ត៌មានជាតិ៥ ថ្ងៃ ago
អ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
សេដ្ឋកិច្ច៥ ថ្ងៃ ago
ទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
សេដ្ឋកិច្ច៥ ថ្ងៃ ago
ធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
ព័ត៌មានជាតិ៤ ថ្ងៃ ago
មហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
កីឡា៤ ថ្ងៃ ago
គ្រួសារលោកគ្រូ អេ ភូថង ជួបទុក្ខធំផ្ទួនៗ