ព័ត៌មានអន្ដរជាតិ
មីយ៉ាន់ម៉ាស្នើឥណ្ឌាប្រគល់ប៉ូលិសដែលភៀសខ្លួនឆ្លងកាត់ព្រំដែនត្រឡប់មកវិញ
មន្ត្រីមួយរូបនៅភាគឦសានប្រទេសឥណ្ឌាបាននិយាយនៅថ្ងៃសៅរ៍នេះថា អាជ្ញាធរក្នុងប្រទេសមីយ៉ាន់ម៉ាបានស្នើសុំឲ្យប្រទេសឥណ្ឌាប្រគល់មន្រ្តីប៉ូលិសជាច្រើននាក់ដែលបានស្វែងរកការជ្រកកោនដើម្បីចៀសវាងការទទួលយកបទបញ្ជាពីយោធា បន្ទាប់ពីបានដណ្តើមអំណាចនៅក្នុងប្រទេសអាស៊ីអាគ្នេយ៍មួយនេះកាលពីខែមុន ។
![](https://www.kampucheathmey.com/wp-content/uploads/2021/03/India-4.jpg)
ប៉ូលិសមីយ៉ាន់ម៉ាប្រហែល ៣០ នាក់ និងសមាជិកគ្រួសាររបស់ពួកគេបានឆ្លងកាត់ព្រំដែនស្វែងរកការជ្រកកោនក្នុងប៉ុន្មានថ្ងៃថ្មីៗនេះដោយសារការបង្ក្រាបលើក្រុមបាតុកររបស់យោធាប្រែក្លាយទៅជាអំពើហិង្សាកាន់តែខ្លាំងឡើង ខណៈមនុស្សរាប់សិបនាក់ត្រូវបានសម្លាប់ចាប់តាំងពីរដ្ឋប្រហារថ្ងៃទី ១ ខែកុម្ភៈ ។
មន្ត្រីជាន់ខ្ពស់នៅទីក្រុង Champhai ក្នុងរដ្ឋ Mizoram របស់ឥណ្ឌាបានប្រាប់រ៉យទ័រថា លោកស្រីបានទទួលលិខិតពីសមភាគីរបស់លោកស្រីនៅក្នុងសង្កាត់ Falam របស់ប្រទេសមីយ៉ាន់ម៉ាស្នើសុំការបញ្ជូនប៉ូលិស ៨ នាក់ត្រឡប់មកវិញដើម្បីរក្សាទំនាក់ទំនងមិត្តភាព ។
![](https://www.kampucheathmey.com/wp-content/uploads/2021/03/Myanmar-20-2.jpg)
ស្នងការរងប៉ូលិសលោកស្រី Maria CT Zuali បានប្រាប់រ៉យទ័នៅថ្ងៃសៅរ៍នេះថា លោកស្រីកំពុងរង់ចាំការណែនាំពីក្រសួងកិច្ចការផ្ទៃក្នុងរបស់ឥណ្ឌានៅទីក្រុងញូវដែលី ។
នៅក្នុងលិខិតច្បាប់ចម្លងនោះដែលត្រូវបានពិនិត្យឡើងវិញដោយរ៉យទ័រអាជ្ញាធរមីយ៉ាន់ម៉ាបាននិយាយថា ពួកគេមានព័ត៌មានអំពីបុគ្គលិកប៉ូលិស ៨ នាក់ដែលបានឆ្លងចូលប្រទេសឥណ្ឌា ។ លិខិតនោះបានចុះបញ្ជីព័ត៌មានលម្អិតសម្រាប់ប៉ូលិស ៤ នាក់ដែលមានអាយុចន្លោះពី ២២ ទៅ ២៥ ឆ្នាំរួមទាំងមន្រ្តីស្រីម្នាក់ផងដែរ ។
![](https://www.kampucheathmey.com/wp-content/uploads/2021/03/Myanmar-21-1.jpg)
លិខិតនោះបាននិយាយថា “ដើម្បីរក្សាទំនាក់ទំនងមិត្តភាពរវាងប្រទេសជិតខាងទាំងពីរ ពួកគេត្រូវបានស្នើសុំឲ្យឃុំខ្លួនប៉ូលិសមីយ៉ាន់ម៉ា ៨ នាក់ដែលបានមកដល់ទឹកដីឥណ្ឌា ហើយប្រគល់ទៅឲ្យមីយ៉ាន់ម៉ាវិញ” ។
ក្រសួងមហាផ្ទៃសហព័ន្ធឥណ្ឌាមិនបានឆ្លើយតបភ្លាមៗចំពោះសំណួររបស់រ៉យទ័រទេ ខណៈសេចក្តីថ្លែងការណ៍មួយដែលបានថ្លែងនៅក្នុងសន្និសីទសារព័ត៌មានមួយកាលពីថ្ងៃសុក្របាននិយាយថា ក្រសួងនៅតែកំពុង “ស្វែងរកការពិត” ៕
ប្រែសម្រួលដោយ ៖ ជីវ័ន្ត
ប្រភព ៖ CNA
ចុចអាន ៖ ទ្រាំមិនបាន ប៉ូលិសមីយ៉ាន់ម៉ា រត់ទៅជ្រកកោននៅឥណ្ឌា
ចុចអាន ៖ ប៉ូលិសកាន់តែច្រើនឡើងៗ ចាប់ផ្តើមក្បត់មេទ័ពមកចូលរួមជាមួយបាតុករមីយ៉ាន់ម៉ា
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ១ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ៥ ថ្ងៃ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
ជនជាតិខ្មែរជិត២ពាន់នាក់ស្ថិតក្នុងបញ្ជីអ្នកត្រូវបណ្ដេញចេញពីអាមេរិក
-
សន្តិសុខសង្គម៦ ថ្ងៃ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ព័ត៌មានជាតិ៦ ថ្ងៃ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
ជីវិតកម្សាន្ដ៥ ថ្ងៃ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា៥ ថ្ងៃ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?