ព័ត៌មានអន្ដរជាតិ
ផ្លូវល្បឿនលឿនវៀតណាម តភ្ជាប់មកព្រំដែនកម្ពុជា នឹងបញ្ចប់ការសាងសង់នៅឆ្នាំ២០២៧
ផ្លូវល្បឿនលឿនហូជីមិញ-ម៉ុកបៃ នឹងជួយសម្រួលការធ្វើចរាចរណ៍របស់ប្រជាជនវៀតណាម និងជំរុញការតភ្ជាប់មកព្រំដែនកម្ពុជា នៅពេលគម្រោងតម្លៃ៧៨៨លានដុល្លារមួយនេះ បញ្ចប់ការសាងសង់ជាស្ថាពរនៅឆ្នាំ២០២៧។
![](https://www.kampucheathmey.com/wp-content/uploads/2024/09/image-131-1024x673.png)
តាមការចុះផ្សាយរបស់ VN Express កាលពីថ្ងៃចន្ទទី២ខែកញ្ញាឆ្នាំ២០២៤, ផ្លូវល្បឿនលឿននេះមានចម្ងាយ៥១គីឡូម៉ែត្រ តភ្ជាប់ទីសង្កាត់ Cu Chi នៃទីក្រុងហូជីមិញ ទៅស្រុក Ben Cau នៃខេត្ត Tay Ninh ជាប់ព្រំដែនកម្ពុជា។
ក្នុងដំណាក់កាលទី១នៃការសាងសង់ ផ្លូវល្បឿនលឿននេះនឹងមានគន្លងធម្មតាចំនួន៤ និងផ្លូវសង្គ្រោះបន្ទាន់ចំនួនពីរគន្លង ហើយបន្ទាប់ពីការឈូសឆាយសម្អាតដីរួច គន្លងធម្មតានឹងពង្រីកដល់ទៅ៦។
![](https://www.kampucheathmey.com/wp-content/uploads/2024/09/image-132-1024x669.png)
ចំពោះថ្លៃចំណាយវិញ រដ្ឋវៀតណាមនឹងចំណាយដើមទុនប្រមាណ៤៩% ខណៈនៅសេសសល់គឺជាចំណាយរបស់អ្នកវិនិយោគ។ ផ្លូវនេះនឹងត្រូវគ្រប់គ្រងដោយឯកជនរយៈពេល១៤ឆ្នាំ១០ខែ ទើបប្រគល់ឲ្យរដ្ឋវិញ។
យ៉ាងណាគម្រោងនេះក៏ប៉ះពាល់ដល់ប្រជាជន១ ៨០០គ្រួសារផងដែរ ខណៈរដ្ឋនឹងត្រូវចំណាយលុយសម្រាប់សំណងអស់ប្រមាណ៧.១ទ្រីលានដុង។
![](https://www.kampucheathmey.com/wp-content/uploads/2024/09/image-133-1024x747.png)
ពាក់ព័ន្ធគម្រោងផ្លូវល្បឿនលឿនដូចគ្នានេះ រដ្ឋបាលផ្លូវថ្នល់របស់វៀតណាម បានដាក់ក្នុងសំណើមួយថា វៀតណាមរំពឹងថានឹងមានផ្លូវល្បឿនលឿនចំនួន ៤៣ ខ្សែដែលគ្របដណ្តប់លើប្រវែងប្រមាណ ៩ ២៣៤ គីឡូម៉ែត្រ ត្រឹមឆ្នាំ ២០៥០។
ក្នុងផែនការកសាងផ្លូវថ្មី ចាប់ពីឆ្នាំ២០២១-២០៣០ ជាមួយនឹងចក្ខុវិស័យឆ្ពោះទៅឆ្នាំ២០៥០ ដែលទើបដាក់ជូនដោយរដ្ឋបាលទៅកាន់ក្រសួងដឹកជញ្ជូន, ផ្លូវល្បឿនលឿនប្រមាណ ៦ ៧៥៤ គីឡូម៉ែត្រ គ្រោងនឹងបញ្ចប់នៅឆ្នាំ២០៣០ ហើយនៅសល់ប្រមាណ ២ ៤៨០ គីឡូម៉ែត្រ គ្រោងបញ្ចប់ក្រោយឆ្នាំ ២០៣០។
![](https://www.kampucheathmey.com/wp-content/uploads/2024/09/image-134-1024x629.png)
រដ្ឋបាលគូសបង្ហាញថា ផ្លូវល្បឿនលឿនដែលតភ្ជាប់ទីក្រុងហាណូយ ទីក្រុងហូជីមិញ ក្រុង Cần Thơ ជាមួយតំបន់ផ្សេងៗទៀតទាំងនោះ ត្រូវការសមត្ថភាពបន្ថែម ដើម្បីផ្គូផ្គងបរិមាណចរាចរណ៍ដ៏ធំ និងតម្រូវការដឹកជញ្ជូន ខណៈបច្ចុប្បន្នវៀតណាមមានផ្លូវល្បឿនលឿន ៤១ ខ្សែរួចទៅហើយ។
រដ្ឋបាលបានបន្ថែមថា វាគឺជាសរសៃឈាមនៃតំបន់សេដ្ឋកិច្ចសំខាន់ៗពីភាគខាងជើង ទៅភាគខាងត្បូង និងតំបន់ដីសណ្តទន្លេមេគង្គ ពោលគឺតភ្ជាប់មជ្ឈមណ្ឌលសេដ្ឋកិច្ចសំខាន់ៗ កំពង់ផែសមុទ្រ អាកាសយានដ្ឋាន និងច្រកទ្វារព្រំដែនអន្តរជាតិ ដើម្បីបំពេញតម្រូវការដ៏ធំសម្រាប់ការដឹកជញ្ជូន៕
![](https://www.kampucheathmey.com/wp-content/uploads/2024/09/image-135-1024x664.png)
អត្ថបទ៖ សុខ សុវណ្ណ
ចុចអាន៖ វៀតណាមនឹងមានផ្លូវល្បឿនលឿនជាង ៩ ០០០ គីឡូម៉ែត្រត្រឹមពាក់កណ្ដាលសតវត្សរ៍
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម១ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៣ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៣ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានជាតិ១ សប្តាហ៍ ago
សម្ដេចតេជោ ស្នើឱ្យតុលាការចាត់ការលើសំណុំរឿង Mr Seth អ្នករៀបចំធ្វើបាតុកម្ម ១៨ សីហា ក្រោយបុគ្គលនេះក្បត់សន្យា
-
សន្តិសុខសង្គម១ សប្តាហ៍ ago
Update! ដុំដែក៣ដុំដែលធ្លាក់បុកទម្លុះប្លង់សេផ្ទះប្រជាពលរដ្ឋ គឺកើតចេញពីផ្ទុះម៉ូទ័រស្តុកប្រេងរបស់ឧកញ៉ាម្នាក់
-
ជីវិតកម្សាន្ដ១ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ជីវិតកម្សាន្ដ១ សប្តាហ៍ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច