ព័ត៌មានអន្ដរជាតិ
ណាតូ ព្រមានសមាជិកខ្លួន កុំចេះតែបាញ់ទម្លាក់មីស៊ីលរុស្ស៊ី ផ្តេសផ្តាស
អង្គការណាតូ បានព្រមានខ្លាំងៗថា រដ្ឋជាសមាជិកទាំងអស់មិនគួរបាញ់ទម្លាក់មីស៊ីលរុស្ស៊ីផ្តេសផ្តាសនោះទេ ពួកគេគួរតែពិភាក្សាគ្នាសិនមុននឹងធ្វើអ្វីមួយ ពោលគឺមិនគួរធ្វើដោយចិត្តឯងឡើយព្រោះថា ពេលជម្លោះរាលដាលវាមិនមែនប៉ះពាល់តែប្រទេសនោះទេ ពោលគឺសម្ព័ន្ធភាពនេះទាំងមូលតែម្តង។
នេះគឺជាសារព្រមានឆ្លើយតបទៅការទាមទាររបស់អ៊ុយក្រែន និងសេចក្តីថ្លែងការណ៍របស់រដ្ឋមន្ត្រីក្រសួងការបរទេសប៉ូឡូញលោក Radoslaw Sikorski ដែលលើកឡើងថា មីស៊ីលនិងដ្រូនរុស្ស៊ីគួរតែស្ទាក់ចាប់នៅអ៊ុយក្រែន។
យ៉ាងណាក្តី អ្នកនាំពាក្យសម្ព័ន្ធភាពយោធាដឹកនាំដោយអាមេរិក ក៏ទទួលស្គាល់ដែរថា រដ្ឋជាសមាជិកណាតូមានសិទ្ធការពារដែនអាកាសរបស់ពួកគេ ប៉ុន្តែបើប្រទេសណាធ្វើសកម្មភាពដោយចិត្តឯងដើម្បីជួយអ៊ុយក្រែននោះ អាចធ្វើឲ្យជះឥទ្ធិពលដល់អង្គការនេះទាំងមូល។ អង្គការណាតូ មានទំនួលខុសត្រូវក្នុងការទប់ស្កាត់មិនឲ្យសង្រ្គាមរុស្ស៊ីរីកកាន់តែធំ ហើយមិនចង់ក្លាយជាភាគីនៃជម្លោះឡើយ។
ការព្រមាននេះធ្វើឡើងបន្ទាប់ពី លោក Sikorski ផ្តល់បទសម្ភាសទៅកាន់កាសែត Financial Times ថា «នៅពេលមីស៊ីលអរិភាពឈានចូលដែនអាកាសរបស់យើង វានឹងជាការការពារខ្លួនដោយស្របច្បាប់ ព្រោះថា ពេលមីស៊ីលនោះហោះចូលដែនអាកាសរបស់យើង ច្បាស់ណាស់ប្រជាជនរបស់យើងមានហានិភ័យត្រូវរបួសដោយសារបំណែករបស់វា»។
លោក Sikorski ពន្យល់ទៀតថា «ការការពារដែនអាកាសរបស់ខ្លួនបែបនេះ គឺមិនប៉ះពាល់ដល់ណាតូទេ ព្រោះវាជាកាតព្វកិច្ចតាមរដ្ឋធម្មនុញ្ញរបស់យើង»។
តាមពិតទៅ ទីក្រុងវ៉ាសូវីនិងកៀវ បានចុះហត្ថលេខាលើកិច្ចព្រមព្រៀងការពារជាតិជាមួយគ្នារួចទៅហើយ កាលពីខែកក្កដា ដែលប្រទេសទាំងពីរនឹងពិភាក្សាគ្នាក្នុងគោលបំណងពិនិត្យមើលហេតុផលនិងលទ្ធភាពនៃការស្ទាក់ចាប់មីស៊ីលនិងយន្តហោះគ្មានមនុស្សបើករបស់រុស្ស៊ី។ លើសពីនេះ កាលពីសប្តាហ៍មុន រដ្ឋមន្ត្រីការពារជាតិអ៊ុយក្រែនលោក Rustem Umerov ក៏បានពិភាក្សាអំពីផែនការសម្រាប់ខែលការពារដែនអាកាសជាមួយមន្ត្រីណាតូក្នុងទីក្រុង ព្រុចសែល នៃប្រទេសបែលហ្ស៊ិកផងដែរ៕
អត្ថបទ៖ សុខ សុវណ្ណ
ចុចអាន៖ វិមានក្រឹមឡាំង ចោទថា ណាតូ និងលោកខាងលិចជួយអ៊ុយក្រែនវាយចូលដីរុស្ស៊ី
-
សេដ្ឋកិច្ច៧ ថ្ងៃ ago
ស្ពានផ្សាររាត្រី-អរិយក្សត្រ ត្រៀមបើកការដ្ឋានសាងសង់នៅខែមិថុនា ឆ្នាំ ២០២៥
-
ព័ត៌មានអន្ដរជាតិ១ សប្តាហ៍ ago
យន្តហោះ Boeing ផ្ទុះកង់ ស្លាប់មនុស្ស២នាក់
-
សន្តិសុខសង្គម៧ ថ្ងៃ ago
ផ្ទុះអាវុធជាច្រើនគ្រាប់ក្នុងប្រតិបត្តិការបង្ក្រាបជនបែកថ្នាំ ខណៈសមត្ថកិច្ចម្នាក់ស្លាប់
-
សេដ្ឋកិច្ច១ សប្តាហ៍ ago
ការសិក្សាផលប៉ះពាល់ពីគម្រោងស្ពានផ្សាររាត្រី-អរិយក្សត្រ បានបិទបញ្ចប់ និងត្រៀមបើកការដ្ឋានឆាប់ៗ
-
សេចក្ដីជូនដំណឹង២ ថ្ងៃ ago
ព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ
-
ចរាចរណ៍៣ ម៉ោង ago
ចាប់វាយខ្នោះលោក ម៉ៃ សុគន្ធ បន្ទាប់ពីព្យាយាមបើករថយន្ដគេចពីសមត្ថកិច្ចរហូតបង្កគ្រោះថ្នាក់ចរាចរណ៍
-
ព័ត៌មានជាតិ៥ ថ្ងៃ ago
មន្ត្រីជាន់ខ្ពស់កម្ពុជា៖ នៅលើពិភពលោកនេះ គេមិនដែលយក Google Map មកធ្វើជាមូលដ្ឋានបោះបង្គោលព្រំដែន
-
សេចក្ដីជូនដំណឹង១ សប្តាហ៍ ago
បុគ្គលិក គ្រួសារ Galaxy Navatra Group ជាង 3.000 នាក់បរិច្ចាគម្នាក់ 5ពាន់រៀល ដល់ «មូលនិធិកសាងហេដ្ឋារចនាសម្ព័ន្ធតាមព្រំដែន»