ព័ត៌មានអន្ដរជាតិ

បុរសវ័យ៧១ឆ្នាំរងការចោទពីបទរកបុរស៧២នាក់រំលោភប្រពន្ធរយៈពេលជិត១០ឆ្នាំ

បានផុស

៧ ខែ មុន

នៅ

ថ្ងៃអង្គារ ៣ កញ្ញា ២០២៤

ដោយ

បុរសម្នាក់ត្រូវបានតុលាការកាត់ទោសនៅប្រទេសបារាំងពីបទដាក់ថ្នាំសណ្ដំរួចចាប់រំលោភប្រពន្ធព្រមទាំងរៀបចំឱ្យបុរសរាប់សិបនាក់ទៀតចាប់រំលោភប្រពន្ធខ្លួនឯងថែមទៀត។ នេះបើយោងតាមការចេញផ្សាយរបស់សារព័ត៌មាន BBCនៅថ្ងៃទី០៣ខែកញ្ញានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជនជាប់ចោទមានឈ្មោះ Dominique P អាយុ៧១ឆ្នាំត្រូវបានចោទប្រកាន់ពីបទជ្រើសរើសមនុស្សចម្លែកតាមអ៊ីនធឺណិតឱ្យមកផ្ទះរបស់គាត់និងរំលោភផ្លូវភេទលើជនរងគ្រោះដែលជាប្រពន្ធរបស់ខ្លួនអស់រយៈពេលជាងមួយទសវត្សរ៍។ ជនរងគ្រោះដែលបច្ចុប្បន្នមានអាយុ៧២ឆ្នាំ ទើបតែដឹងពីការរំលោភបំពានក្នុងឆ្នាំ២០២០ បន្ទាប់ពីទទួលបានដំណឹងពីប៉ូលិស។

មេធាវីរបស់ជនរងគ្រោះ Antoine Camus បាននិយាយថា ស្ត្រីរូបនេះមិនបានដឹងពីការរំលោភបំពានម្តងណាឡើយដោយសារនាងតែងតែត្រូវបានដាក់ថ្នាំសណ្ដំ ខណៈករណីនេះបានធ្វើឲ្យប្រទេសបារាំងរន្ធត់ចំពោះទំហំធំនៃឧក្រិដ្ឋកម្មដ៏ធ្ងន់ធ្ងរនេះ ខណៈការកាត់ក្តីនេះនឹងក្លាយជា «ទុក្ខសោកដ៏អាក្រក់បំផុត»សម្រាប់នារីរងគ្រោះ ព្រោះវាជាលើកទីមួយដែលនាងឃើញភស្តុតាងវីដេអូនៃការរំលោភបំពាននេះក្នុងរយៈជាង១០ឆ្នាំមកនេះ។

ជនត្រូវចោទ Dominique P ដែលត្រូវជាប្ដីត្រូវបានប៉ូលីសស៊ើបអង្កេតបន្ទាប់ពីឧប្បត្តិហេតុមួយនៅក្នុងខែកញ្ញាឆ្នាំ ២០២០ នៅពេលដែលសន្តិសុខម្នាក់បានចាប់បុរសរូបនេះបាននៅពេលដែលគាត់លួចថតសំពត់របស់ស្ត្រីបីនាក់នៅក្នុងមជ្ឈមណ្ឌលផ្សារទំនើបមួយ។

បន្ទាប់មកប៉ូលីសបានរកឃើញរូបភាព និងវីដេអូរាប់រយសន្លឹករបស់ប្រពន្ធរបស់គាត់នៅលើកុំព្យូទ័ររបស់គាត់ ដែលនាងហាក់ដូចជាសន្លប់។ រូបភាពទាំងនោះត្រូវបានបង្ហាញពីការវាយដំរាប់សិបដងនៅក្នុងផ្ទះរបស់ប្ដីប្រពន្ធទាំងពីរ ខណៈការរំលោភបំពានបានចាប់ផ្តើមតាំងពីឆ្នាំ២០១១។

អ្នកស៊ើបអង្កេតក៏បានរកឃើញការសន្ទនារបស់ Dominique P ដែលបានជ្រើសរើសមនុស្សចម្លែកឱ្យមកផ្ទះរបស់ពួកគេ និងរំលោភប្រពន្ធរបស់គាត់ ខណៈ Dominique P បានសារភាពចំពោះអ្នកស៊ើបអង្កេតថា គាត់បានផ្តល់ឱ្យប្រពន្ធរបស់គាត់នូវថ្នាំសណ្ដំដ៏មានថាមពល រួមទាំងថ្នាំកាត់បន្ថយការថប់អារម្មណ៍។

ប៉ូលិសបានកំណត់អត្តសញ្ញាណការរំលោភសេពសន្ថវៈយ៉ាងហោចណាស់ចំនួន៩២ករណីដែលប្រព្រឹត្តដោយបុរស៧២ នាក់ ក្នុងនោះ៥០នាក់ត្រូវបានកំណត់អត្តសញ្ញាណ និងចោទប្រកាន់ ហើយកំពុងជំនុំជម្រះជាមួយបុរសជាប្តី។

រដ្ឋអាជ្ញាបារាំង បាននិយាយថា គាត់ត្រូវបានចោទប្រកាន់ពីបទចូលរួមក្នុងការចាប់រំលោភ ថតវីដេអូ និងលើកទឹកចិត្តបុរសផ្សេងទៀត រំលោភប្រពន្ធរបស់ខ្លួនដោយប្រើភាសាមិនសមរម្យ។ ជនជាប់ចោទរំលោភសេពសន្ថវៈ ដែលមានអាយុចន្លោះពី២៦ទៅ៧៤ឆ្នាំ មកពីគ្រប់មជ្ឈដ្ឋាន ដែលភាគច្រើនចូលរួមក្នុងការរំលោភបំពានម្តង ខ្លះបានចូលរួមរហូតដល់ ៦ដង។ នេះបើយោងតាមរដ្ឋអាជ្ញា។

ជនត្រូវចោទ Dominique P ក៏ធ្លាប់ត្រូវបានចោទប្រកាន់ពីបទមនុស្សឃាត និងរំលោភនៅឆ្នាំ១៩៩១ តែគាត់បដិសេធ និងប៉ុនប៉ងរំលោភនៅឆ្នាំ១៩៩៩ ដែលគាត់បានសារភាពបន្ទាប់ពីការធ្វើតេស្ត DNA ។

ការកាត់ក្តីដែលកំពុងធ្វើឡើងនៅ Parc des Expositions ក្នុងទីក្រុង Avignon ភាគខាងត្បូងប្រទេសបារាំង នឹងត្រូវបន្តរហូតដល់ថ្ងៃទី ២០ខែធ្នូ ខណៈ AFP បានរាយការណ៍ថា កាលពីថ្ងៃចន្ទដែលជាថ្ងៃបើកសវនាការ ស្ត្រីជនរងគ្រោះរូបនេះបានឡើងទៅតុលាការដោយមានគាំទ្រពីកូនៗទាំងបីរបស់នាង៕