ព័ត៌មានអន្ដរជាតិ

២៥នាក់ស្លាប់និងរាប់ពាន់នាក់ជម្លៀសចេញក្នុងទឹកជំនន់នៅភាគខាងត្បូងឥណ្ឌា

បានផុស

៣ ខែ មុន

នៅ

ថ្ងៃអង្គារ ៣ កញ្ញា ២០២៤

ដោយ

មនុស្សយ៉ាងតិច២៥នាក់បានស្លាប់ក្នុងហេតុការណ៍ជំនន់ទឹកភ្លៀងមូសុងដ៏ខ្លាំងនៅក្នុងរដ្ឋភាគខាងត្បូងប្រទេសឥណ្ឌា ខណៈមនុស្សរាប់ពាន់នាក់ត្រូវបានជួយសង្គ្រោះ និងបញ្ជូនទៅជំរុំសង្គ្រោះបណ្តោះអាសន្ន។ យោងសារព័ត៌មាន Al Jazeeraនៅថ្ងៃទី៣ខែសីហានេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របាយការណ៍ប្រព័ន្ធផ្សព្វផ្សាយក្នុងស្រុកនៃអាជ្ញាធររដ្ឋ Telangana បានជំរុញឱ្យរដ្ឋាភិបាលសហព័ន្ធរបស់ប្រទេសឥណ្ឌា ប្រកាសទឹកជំនន់ជាគ្រោះមហន្តរាយជាតិ ហើយរហូតមកដល់ពេលនេះ មនុស្សប្រហែល៣៨០០នាក់ត្រូវបានជួយសង្គ្រោះនៅរដ្ឋTelangana និងបានផ្លាស់ទៅជំរំសង្គ្រោះ។ លើសពីនេះ កងកម្លាំងអាកាសឥណ្ឌាក៏បានហោះហើរជួយសង្គ្រោះមនុស្សជាង ២០០ នាក់ និងជំនួយសង្គ្រោះបន្ទាន់ចំនួន ៣០ តោនទៅកាន់រដ្ឋនេះ។

គួរបញ្ជាក់ថា ភ្លៀងបណ្តាលឱ្យមានការបំផ្លិចបំផ្លាញយ៉ាងទូលំទូលាយជារៀងរាល់ឆ្នាំ ប៉ុន្តែអ្នកជំនាញនិយាយថា ការប្រែប្រួលអាកាសធាតុកំពុងបង្កើនចំនួននៃព្រឹត្តិការណ៍អាកាសធាតុកាន់តែខ្លាំងនិងញឹកញាប់ ជាពិសេសប្រទេសឥណ្ឌានៅក្នុងឆ្នាំនេះបានជួបប្រទះនូវបញ្ហាទឹកជំនន់ដ៏អាក្រក់មិនធ្លាប់មាន។

កាលពីសប្តាហ៍មុន មនុស្សយ៉ាងហោចណាស់២៨នាក់ត្រូវបានសម្លាប់ក្នុងរយៈពេល៣ថ្ងៃនៅក្នុងរដ្ឋ Gujarat ភាគខាងលិច សាលារៀននៅក្នុងផ្នែកខ្លះនៃស្រុក Kutch ត្រូវបានបិទ ខណៈដែលភ្លៀងធ្លាក់ខ្លាំងនៅក្នុងតំបន់នេះ។ កាលពីខែមុន នៅរដ្ឋ Tripura ភាគឦសាន ទឹកជំនន់ និងការបាក់ដីបានសម្លាប់មនុស្សជាង២០នាក់។

ជាមួយគ្នានេះប្រទេសជិតខាងបង់ក្លាដែស ដែលជាខ្សែទឹកពីប្រទេសឥណ្ឌា ក៏បានជួបប្រទះនឹងគ្រោះទឹកជំនន់ ដោយបានសម្លាប់មនុស្សយ៉ាងតិច ៤០ នាក់ក្នុងខែសីហា និងមានអ្នកស្រុកជិត ៣០០០០០ នាក់កំពុងជ្រកកោននៅក្នុងជម្រកសង្គ្រោះបន្ទាន់៕