បុរសចិនធ្វើ​តេស្ត DNA លើកូន​ប្រុសដែលមាន​មុខ​ដូច​មិត្ត​រួម​ការងារ ដឹង​លទ្ធផលសោកស្ដាយមួយជីវិត

រឿងរ៉ាវរបស់លោក Tan Chi Nam ដែលជាជនជាតិចិនមានវ័យ ៥០ ឆ្នាំ បានកើតឡើងងកាល​ពី​១០​ឆ្នាំ​មុន នៅ​ពេល​នោះលោកគឺជា​សិស្ស​ពូកែ​តាំង​ពី​ក្មេង។ ក្នុងទស្សវត្សរ៍ឆ្នាំ ១៩៩០ គាត់បានក្លាយជាអ្នកស្រុកដំបូងគេដែលបានប្រឡងចូលសាកលវិទ្យាល័យ ដោយសិក្សានៅសាកលវិទ្យាល័យកសិកម្ម។ បន្ទាប់ពីបញ្ចប់ការសិក្សា គាត់បានក្លាយជាគ្រូបង្រៀននៅវិទ្យាល័យ ជាមួយនឹងសមត្ថភាពគរុកោសល្យឆ្នើម លោកទទួលរង្វាន់ជាច្រើនដង និងជាគ្រូបង្រៀនវ័យក្មេងស្នូលម្នាក់របស់សាលា។

បន្ទាប់ពីរៀបការរួច លោក Tan បានជួយប្រពន្ធរកការងារធ្វើនៅហាងលក់គ្រឿងទេសរបស់សាលា ដើម្បីឲ្យគូស្នេហ៍បានចំណាយពេលជាមួយគ្នាកាន់តែច្រើន។ នៅឆ្នាំ ២០០៣ លោកបានជួបគ្រោះថ្នាក់ចរាចរណ៍ធ្ងន់ធ្ងរ បណ្តាលឲ្យខូចខួរក្បាល។ ជាសំណាងល្អ ការវះកាត់បានជោគជ័យ គាត់​គិត​ថា​ជីវិត​របស់​គាត់​នឹង​វិល​មក​រក​ភាព​ប្រក្រតី​វិញ។ ប៉ុន្តែ​បន្ទាប់​មក​គាត់​បាន​ដឹង​ថា​រាងកាយ​របស់​គាត់​បាន​ផ្លាស់​ប្តូរ​យ៉ាង​ខ្លាំង។ ការចងចាំរបស់គាត់កាន់តែយ៉ាប់យ៉ឺនខ្លាំង ហើយកំហឹងរបស់គាត់ក៏កាន់តែក្តៅក្រហាយខុសពីមុនទាំងស្រុង។

គ្រោះថ្នាក់​នេះ​បាន​ប៉ះពាល់​ធ្ងន់ធ្ងរ​ដល់​អាជីព​របស់​គាត់។ លោក Tan មិនអាចបន្តការងារបង្រៀនរបស់គាត់បានទេ ហើយត្រូវបានផ្ទេរទៅធ្វើជាមន្ត្រី​រដ្ឋបាល​នៅ​សាលា នេះ​ធ្វើ​ឲ្យគាត់​មាន​អារម្មណ៍បាក់ទឹកខិត្ត និងខកចិត្តយ៉ាងខ្លាំង។

ស្រប​ពេល​ជាមួយ​គ្នា​នេះ​ដែរ មនុស្ស​ជុំវិញ​ខ្លួន​បាន​ផ្សព្វផ្សាយ​ពាក្យ​ចចាមអារ៉ាម​ថា ប្រពន្ធ​របស់​លោក​មាន​ទំនាក់ទំនង​ស្នេហា​ជាមួយ​គ្រូ​នៅសាលា។ តាមពិតទៅថ្ងៃមួយ គ្រូនោះមានមេរៀនម៉ោងទីពីរ ដោយសារគាត់មិនចង់ត្រឡប់ទៅបន្ទប់សម្រាក គាត់បានសុំហាងដើម្បីសម្រាកមួយរយៈ។ ភិរិយាលោកមិន​បាន​គិត​អ្វី​ច្រើន​ទេ ហើយ​ក៏​យល់ព្រម​ដែរ ព្រោះ​ពេល​នោះ​ហាង​ក៏​បើក​ដែរ ។ ទោះ​បី​ជា​លោក​មិន​បន្ត​ស៊ើប​អង្កេត​ក៏​ដោយ ​តែ​ក្នុងចិត្តនៅតែមាន​មន្ទិល ហើយមិនអាចបំភ្លេចពាក្យចចាមអារ៉ាមអាក្រក់ទាំងនោះបានទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាគាត់មានកូនប្រុសម្នាក់អស់រយៈពេល ១២ ឆ្នាំក៏ដោយក៏ Tan Chi Nam នៅតែរក្សាការសង្ស័យថា តើនេះពិតជាកូនប្រុសបង្កើតរបស់គាត់មែនទេ? មូលហេតុ​គឺ​ដោយសារ​កូន​កាន់​តែ​ធំ​ទៅ​ មើល​ឃើញ​ថា​កូន​គ្មាន​មុខ​មាត់​ដូច​គាត់បន្តិចណាឡើយ។ បន្ទាប់ពីមានការស្ទាក់ស្ទើរជាច្រើនឆ្នាំ ទីបំផុតគាត់បានសម្រេចចិត្តយកកូនរបស់គាត់ទៅធ្វើតេស្ត DNA ។

ភរិយា​លោក​មិន​តក់ស្លុត​ចំពោះ​ទង្វើ​របស់​ស្វាមី​នាង​ឡើយ។ ផ្ទុយទៅវិញ នាងមានភាពអស់សង្ឃឹម និងការខកចិត្ត។ នាង​បាន​ប្រាប់​ថា ក្នុង​អំឡុង​ពេល​រៀប​ការ​១២​ឆ្នាំ នាង​តែង​តែ​ស៊ូទ្រាំ​ពាក្យ​សម្ដី​គ្មាន​មូលដ្ឋាន​ពី​ប្ដី​។ គាត់​តែង​តែ​បញ្ជាក់​ថា​កូន​គាត់​មិន​មែន​ជា​សាច់ឈាម​គាត់​ទេ។ ម្តង ឬពីរដងនាងអាចស៊ូទ្រាំបាន ប៉ុន្តែការសង្ស័យជាប់រហូតអស់ជាច្រើនឆ្នាំបានធ្វើឲ្យរូបនាងវេទនាយ៉ាងខ្លាំង។

បន្ទាប់ពីការរង់ចាំជាច្រើនថ្ងៃ ទីបំផុតពួកគេទទួលបានលទ្ធផលតេស្ត DNA នៅក្នុងដៃដោយ​បាន​បញ្ជាក់​យ៉ាង​ច្បាស់​ថា អ្នក​ទាំង​ពីរ​ជា​ឪពុក និង​កូន។ វាច្បាស់ណាស់ថាជាការបញ្ចប់ដ៏រីករាយសម្រាប់មនុស្សគ្រប់គ្នា ប៉ុន្តែភរិយាលោក មិនអាចសប្បាយចិត្តជាមួយគ្នាបានទេ។ ក្នុងពេលជាមួយគ្នានោះនាងបានដាក់កិច្ចព្រមព្រៀងលែងលះនៅលើតុ។ នាង​បាន​សម្រេច​ចិត្ត​ថា មិន​ថា​មាន​លទ្ធផល​យ៉ាងណា​ទេ នាង​នឹង​បញ្ចប់​ទំនាក់ទំនង​ជាមួយ​ប្តី​។

យ៉ាងណាមិញ ការ​បញ្ចប់​គ្រួសារ​របស់​លោក Tan ជា​រឿង​ដែល​គ្មាន​នរណា​ម្នាក់​ចង់​បាន។ នេះជាមេរៀនសម្រាប់ខ្លួនគាត់ និងមនុស្សជាច្រើនទៀត។ ការសង្ស័យទាំងអស់ត្រូវតែមានមូលដ្ឋានមួយ អ្នកមិនគួរគ្រាន់តែដោយសារតែពាក្យដែលមិនចេះខ្វល់ខ្វាយមួយចំនួនបង្កឲ្យមានគ្រោះថ្នាក់ដល់សមាជិកគ្រួសាររបស់នោះទេ៕

អត្ថបទ៖ សាង ស្រីល័ក្ខ

ចុចអាន៖អាវ​ប្រឡាក់​ដោយ​ញើស​របស់ លី ស៊ាវឡុង គ្រោង​​ដាក់​ដេញ​ថ្លៃ ក្នុងតម្លៃ​ជិត២ម៉ឺនដុល្លារ