នៅតែធ្ងន់ធ្ងរ! ២៤ម៉ោងចុងក្រោយ ប្រេស៊ីល មានអ្នកស្លាប់១,៥៥៥នាក់ទៀតដោយសារកូវីដ

ក្រសួងសុខាភិបាលបានរាយការណ៍កាលពីថ្ងៃសៅរ៍ថា ប្រទេសប្រេស៊ីលបានចុះបញ្ជីអ្នកស្លាប់ថ្មីដោយសារជំងឺកូវីដ១៩ចំនួន១,៥៥៥នាក់ ដែលធ្វើឲ្យចំនួនអ្នកស្លាប់ទូទាំងប្រទេសកើនដល់២៦៤,៣២៥នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រទេសនេះក៏បានរាយការណ៍អំពីករណីថ្មីចំនួន៦៩,៦០៩ករណីផងដែរ ដោយធ្វើឲ្យចំនួនឆ្លងសរុបកើនដល់១០,៩៣៨,៨៣៦ករណី។

ស្របពេលប្រទេសនេះប្រឈមនឹងរលករាតត្បាតមួយផ្សេងទៀតដែលបង្កឡើងដោយវីរុសដែលត្រូវបានរកឃើញនៅក្នុងរដ្ឋ Amazonas, រដ្ឋជាច្រើនបានអនុម័តបម្រាមគោចរនិងហាមឃាត់សកម្មភាពអាជីវកម្មដែលមិនចាំបាច់។

ដើម្បីជួយដល់ប្រព័ន្ធសុខាភិបាល, រដ្ឋ Sao Paulo បានស្នើឲ្យបុគ្គលិកថែទាំសុខភាពស្ម័គ្រចិត្តជួយព្យាបាលអ្នកជំងឺកូវីដ១៩ ខណៈរដ្ឋ Rio Grande do Sul និង Bahia បានស្នើសុំទីតាំងដាក់សពកាន់តែច្រើនដោយសារតែចំនួនអ្នកស្លាប់បន្តកើនឡើងយ៉ាងគំហុក។

ចាប់តាំងពីថ្ងៃទី១៧ខែមករាមក ប្រទេសប្រេស៊ីលបានចាក់វ៉ាក់សាំងដល់មនុស្សជាង១០លាននាក់ ដោយក្នុងនោះមានជាង៨លាននាក់បានទទួលដូសទីមួយ៕

ប្រែសម្រួលដោយ៖ Vann Vann

ប្រភព៖ Xinhua

ចុចអាន៖ ទោះមានអ្នកស្លាប់ច្រើនបំផុតដោយសារកូវីដ តែប្រធានាធិបតីប្រេស៊ីលបែរជានិយាយបែបនេះទៅវិញ

ចុចអាន៖ ធ្ងន់ធ្ងរបំផុត! មួយថ្ងៃ ប្រេស៊ីល មានអ្នកស្លាប់ដោយសារកូវីដជិត២ពាន់នាក់ និងឆ្លងជាង៧ម៉ឺនករណី