ព័ត៌មានអន្ដរជាតិ
៧១នាក់ស្លាប់ ខណៈក្តីបារម្ភជំងឺឆ្លងកើនឡើងដោយសារទឹកជំនន់នៅបង់ក្លាដែស
ចំនួនអ្នកស្លាប់ដោយសារទឹកជំនន់នៅក្នុងប្រទេសបង់ក្លាដែសបានកើនឡើងដល់៧១នាក់ត្រឹមថ្ងៃអង្គារ ខណៈមនុស្សរាប់លាននាក់នៅតែជាប់គាំងនៅក្នុងតំបន់ដែលរងមហន្តរាយនិងកំពុងមានការព្រួយបារម្ភអំពីការផ្ទុះឡើងនៃជំងឺដែលឆ្លងផ្សេងៗចេញពីទឹក នៅពេលដែលទឹកជំនន់នោះស្រកចុះ។ នេះបើយោងតាមការចេញផ្សាយរបស់សារព័ត៌មាន CNAនៅថ្ងៃទី០៤ខែកញ្ញានេះ។
ទឹកជំនន់ដែលបង្កឡើងដោយភ្លៀងខ្យល់មូសុងមិនឈប់ឈរ និងទឹកហូរចាក់ពីផ្លូវទឹកខាងលើ បានបង្កការបំផ្លិចបំផ្លាញក្នុងរយៈពេលពីរសប្តាហ៍កន្លងមកនេះ ដែលបង្កការបំផ្លិចបំផ្លាញយ៉ាងទូលំទូលាយ និងប៉ះពាល់ដល់ប្រជាជនប្រហែល៥លាននាក់។
ប្រជាពលរដ្ឋជាង៥៨ម៉ឺនគ្រួសារនៅតែជាប់គាំងនៅក្នុងស្រុកចំនួន១១ដែលរងគ្រោះដោយទឹកជំនន់ ហើយត្រូវការជំនួយជាបន្ទាន់ដូចជាអាហារ ទឹកស្អាត ថ្នាំពេទ្យ និងសម្លៀកបំពាក់។ ស្របពេលជាមួយគ្នានេះ ក្រុមគ្រូពេទ្យជិត៥០០កំពុងជួយផ្តល់ការព្យាបាល ខណៈកងទ័ព ទ័ពអាកាស កងទ័ពជើងទឹក និងឆ្មាំព្រំដែន បានចូលរួមជួយក្នុងកិច្ចខិតខំប្រឹងប្រែងសង្គ្រោះ។
ឥឡូវនេះ អាជ្ញាធរកំពុងផ្តោតលើការទប់ស្កាត់ការរីករាលដាលនៃជំងឺឆ្លងតាមទឹក ដែលជាផលវិបាកទូទៅនៃគ្រោះមហន្តរាយទឹកជំនន់នេះ និងធានាឱ្យមានការផ្គត់ផ្គង់ទឹកស្អាត ខណៈមនុស្សជិត៥០០០ នាក់ត្រូវបានសម្រាកនៅមន្ទីរពេទ្យក្នុងរយៈពេ២៤ម៉ោងចុងក្រោយនេះលើករណីជំងឺរាគរូស ការឆ្លងមេរោគលើស្បែក និងពស់ចឹក។
គួរបញ្ជាក់ថា ភ្លៀងធ្លាក់ខ្លាំងក្នុងរដ្ឋធានី Dhaka កាលពីថ្ងៃអង្គារបានវាយលុកស្រុកជាច្រើន ដោយបានលិចផ្លូវក្នុងជម្រៅជង្គង់ដល់ចង្កេះ ដែលបណ្តាលឱ្យមានការកកស្ទះចរាចរណ៍យ៉ាងខ្លាំង។
ជាមួយគ្នានេះយោងតាមការវាយតម្លៃបឋមរបស់ក្រសួងកសិកម្មបានឱ្យដឹងថា ដំណាំដែលមានតម្លៃ២៨២លានដុល្លារអាមេរិកបានរងការខូចខាត ដែលប៉ះពាល់ដល់កសិករជាង១,៤ លាននាក់។
គួររម្លឹកថា ការវិភាគឆ្នាំ២០១៥ដោយវិទ្យាស្ថានធនាគារពិភពលោកបានប៉ាន់ប្រមាណថា មនុស្ស ៣,៥លាននាក់នៅក្នុងប្រទេសបង់ក្លាដែសប្រឈមនឹងហានិភ័យនៃទឹកជំនន់ទន្លេប្រចាំឆ្នាំ ដែលបានកើនឡើងត្រឹមតែប៉ុន្មានឆ្នាំថ្មីៗនេះដោយសារតែការប្រែប្រួលអាកាសធាតុ។
ស្របពេលមូលនិធិកុមាររបស់អង្គការសហប្រជាជាតិ (UNICEF) បាននិយាយថា កុមារចំនួនពីរលាននាក់កំពុងប្រឈមនឹងហានិភ័យពីទឹកជំនន់ធ្ងន់ធ្ងរបំផុតក្នុងប្រទេសបង់ក្លាដែសក្នុងរយៈពេលបីទសវត្សរ៍។ អង្គការយូនីសេហ្វបានអំពាវនាវជាបន្ទាន់មួយស្វែងរកទឹកប្រាក់ចំនួន ៣៥លានដុល្លារ ដើម្បីផ្តល់ការផ្គត់ផ្គង់ចាំបាច់ដល់អ្នកដែលរងផលប៉ះពាល់។
អ្នកស្រី Emma Brigham តំណាងរងអង្គការ UNICEF បង់ក្លាដែស បានឲ្យដឹងថា ពីមួយឆ្នាំទៅមួយឆ្នាំ ជីវិតរបស់កុមាររាប់លាននាក់នៅក្នុងប្រទេសបង់ក្លាដែសកំពុងរងការបំផ្លិចបំផ្លាញដោយទឹកជំនន់ រលកកំដៅ និងព្យុះស៊ីក្លូនដោយបម្រែបម្រួលអាកាសធាតុកំពុងផ្លាស់ប្តូរជីវិតរបស់កុមារ៕
អត្ថបទ៖ ប៊ុន សុភាព
-
សេដ្ឋកិច្ច៦ ថ្ងៃ ago
ស្ពានផ្សាររាត្រី-អរិយក្សត្រ ត្រៀមបើកការដ្ឋានសាងសង់នៅខែមិថុនា ឆ្នាំ ២០២៥
-
ព័ត៌មានអន្ដរជាតិ១ សប្តាហ៍ ago
យន្តហោះ Boeing ផ្ទុះកង់ ស្លាប់មនុស្ស២នាក់
-
សន្តិសុខសង្គម៦ ថ្ងៃ ago
ផ្ទុះអាវុធជាច្រើនគ្រាប់ក្នុងប្រតិបត្តិការបង្ក្រាបជនបែកថ្នាំ ខណៈសមត្ថកិច្ចម្នាក់ស្លាប់
-
សេដ្ឋកិច្ច៧ ថ្ងៃ ago
ការសិក្សាផលប៉ះពាល់ពីគម្រោងស្ពានផ្សាររាត្រី-អរិយក្សត្រ បានបិទបញ្ចប់ និងត្រៀមបើកការដ្ឋានឆាប់ៗ
-
សេចក្ដីជូនដំណឹង២២ ម៉ោង ago
ព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ
-
ព័ត៌មានជាតិ១ សប្តាហ៍ ago
សម្ដេចតេជោ អំពាវនាវឱ្យចូលគ្រុបតេឡេក្រាម«មូលនិធិកសាងហេដ្ឋារចនាសម្ព័ន្ធព្រំដែនផ្តោតលើការកសាងផ្លូវក្រវាត់ព្រំដែន»
-
ព័ត៌មានជាតិ៤ ថ្ងៃ ago
មន្ត្រីជាន់ខ្ពស់កម្ពុជា៖ នៅលើពិភពលោកនេះ គេមិនដែលយក Google Map មកធ្វើជាមូលដ្ឋានបោះបង្គោលព្រំដែន
-
សេចក្ដីជូនដំណឹង១ សប្តាហ៍ ago
បុគ្គលិក គ្រួសារ Galaxy Navatra Group ជាង 3.000 នាក់បរិច្ចាគម្នាក់ 5ពាន់រៀល ដល់ «មូលនិធិកសាងហេដ្ឋារចនាសម្ព័ន្ធតាមព្រំដែន»