ព័ត៌មានអន្ដរជាតិ
ប្រធានាធិបតីវ៉េណេស៊ុយអេឡា លើកថ្ងៃប្រារព្ធបុណ្យណូអែលលឿនជាងមុន ដើម្បីបង្វែរស្ថានភាពនយោបាយ
ប្រធានាធិបតីវ៉េណេស៊ុយអេឡា លោក នីកូឡាស ម៉ាឌូរ៉ូ (Nicolas Maduro) បានប្រកាសថា លោកនឹងចេញក្រឹត្យផ្លាស់ប្តូរបុណ្យណូអែលទៅប្រារព្ធនៅថ្ងៃទី១ខែតុលាវិញ ជំនួសឲ្យថ្ងៃទី២៥ខែធ្នូ។
នៅក្នុងកម្មវិធីទូរទស្សន៍មួយ លោក ម៉ាឌូរ៉ូ បាននិយាយកាលពីថ្ងៃចន្ទថា៖ «វាជាខែកញ្ញា ហើយវាមានអារម្មណ៍ដូចបុណ្យណូអែលរួចហើយ។ នោះហើយជាមូលហេតុដែលឆ្នាំនេះដើម្បីជាមធ្យោបាយអបអរដល់អ្នកទាំងអស់គ្នា ហើយដើម្បីដឹងគុណចំពោះអ្នកទាំងអស់គ្នា ខ្ញុំនឹងចេញក្រឹត្យធ្វើបុណ្យណូអែលលឿនជាងមុនសម្រាប់ថ្ងៃទី១ខែតុលា»។
ការសម្រេចចិត្តរបស់ប្រធានាធិបតីអាយុ៦១ឆ្នាំរូបនេះ ត្រូវបានគេមើលឃើញថាជាការផ្លាស់ប្តូរដើម្បីបំបែរការចាប់អារម្មណ៍ប្រជាជនពីភាពចលាចល ដែលបានកើតឡើងនៅក្នុងប្រទេស បន្ទាប់ពីការបោះឆ្នោតប្រធានាធិបតីដ៏ចម្រូងចម្រាសកាលពីខែកក្កដា។
បុណ្យណូអែលគឺបុណ្យដ៏ធំនៅក្នុងប្រទេសវ៉េណេស៊ុយអេឡា ដែលភាគច្រើននៃប្រជាជនកាន់សាសនាកាតូលិក។ ប្រជាជនបានសម្ដែងការមិនសប្បាយចិត្តចំពោះគំនិតនៃការប្រារព្ធរដូវកាលវិស្សមកាលយ៉ាងឆាប់រហ័សបែបនេះ ចំពេលមានភាពចលាចលនៅក្នុងប្រទេស។
លោក Jose Ernesto Ruiz បុគ្គលិកការិយាល័យនៅរដ្ឋធានី Caracas បានប្រាប់ទីភ្នាក់ងារសារព័ត៌មាន AP ថា៖ «បុណ្យណូអែលត្រូវបានគេសន្មត់ថាជាពេលវេលានៃសេចក្តីរីករាយ ការជួបជុំគ្រួសារ ពិធីជប់លៀង អំណោយ … (ប៉ុន្តែ) ដោយគ្មានលុយ និងជាមួយនឹងវិបត្តិនយោបាយនេះ អ្នកណាអាចទៅជឿថានឹងមានបុណ្យណូអែលលឿនយ៉ាងនេះ»។
នេះមិនមែនជាលើកទីមួយទេដែលលោក ម៉ាឌូរ៉ូ ផ្លាស់ប្តូរថ្ងៃបុណ្យណូអែលមុនកាលបរិច្ឆេទ។ លោកក៏ធ្លាប់់បានធ្វើដូច្នេះដែរក្នុងអំឡុងពេលជំងឺរាតត្បាតកូវីដ១៩។
សូមបញ្ជាក់ថា ក្រុមប្រឹក្សាបោះឆ្នោតជាតិរបស់វ៉េណេស៊ុយអេឡា បានប្រកាសកាលពីថ្ងៃទី២៩ខែកក្កដាថា លោក ម៉ាឌូរ៉ូ បានយកឈ្នះក្នុងការបោះឆ្នោតសកល និងបន្តកាន់តំណែងរយៈពេល៦ឆ្នាំទៀត។ យ៉ាងណា លទ្ធផលនេះត្រូវបានជំទាស់ដោយគណបក្សប្រឆាំង ក៏ដូចជាសហរដ្ឋអាមេរិក បណ្ដាប្រទេសនៅអាមេរិកឡាទីន និងសហភាពអឺរ៉ុប ដោយចោទថាលទ្ធផលបោះឆ្នោតត្រូវបានក្លែងបន្លំ ព្រោះក្រុមប្រឹក្សាបោះឆ្នោតជាតិមិនបានបញ្ចេញព័ត៌មានលម្អិតនៃការរាប់សន្លឹកឆ្នោតនោះទេ ហើយអ្នកឈ្នះពិតប្រាកដជាបេក្ខភាពមកពីបក្សប្រឆាំងគឺលោក Edmundo Gonzalez។
បាតុកម្មបានផ្ទុះឡើងជាច្រើនកន្លែងក្នុងប្រទេស ហើយបើយោងតាមទីភ្នាក់ងារព័ត៌មាន AFP មានមនុស្សច្រើនជាង២៤០០នាក់ត្រូវបានចាប់ឃុំខ្លួនដោយរដ្ឋាភិបាលលោក ម៉ាឌូរ៉ូ ក្នុងនោះមានទាំងអ្នកកាសែត អ្នកនយោបាយ និងបុគ្គលិកមនុស្សធម៌៕
ដោយ៖ ឈាង
ចុចអាន៖ អាមេរិក រឹបអូសយកយន្តហោះតម្លៃ១៣លានដុល្លារ របស់ប្រធានាធិបតីវ៉េណេស៊ុយអេឡា
ប្រជាពលរដ្ឋនៅទូទាំងប្រទេសកម្ពុជា អបអរសាទរចំពោះការប្រារព្ធទិវាសន្តិភាពនៅកម្ពុជា
អនុរដ្ឋមន្ត្រីការបរទេសវៀតណាម កោតសរសើរ ចំពោះការរីកចម្រើនលើគ្រប់វិស័យរបស់រាជធានីភ្នំពេញ
អភិបាលខេត្តមួយនៃប្រទេសជប៉ុន ស្នើកម្លាំងពលកម្មជាច្រើនពីក្រសួងការងារ និងសុំឱ្យមានការជួបផ្គូផ្គងគ្នា រវាងក្រុមហ៊ុនសហគ្រាស និងកម្ពុជា
សង្ខេបព្រឹត្តិការណ៍សំខាន់នៅកម្ពុជាឆ្នាំ២០២៤
តម្លៃសន្តិភាព ជាអ្វីដែលពលរដ្ឋកម្ពុជាគ្រប់រូបត្រូវចងចាំ និងការពារ ខណៈពិភពលោកកំពុងជួបសង្គ្រាម
ក្រុមហ៊ុនអាកាសចរណ៍អាមេរិក ប្រទះឃើញសាកសពក្នុងកន្លែងដាក់កង់យន្តហោះដ៏កម្របំផុត
រុស្ស៊ី បាញ់ទម្លាក់ F-16 ដែលលោកខាងលិច ជួយដល់អ៊ុយក្រែន
ខ្មាន់កាំភ្លើងបាញ់ប្រហារជាច្រើនគ្រាប់លើជនបរទេសម្នាក់ស្លាប់ពេលបញ្ជូនដល់មន្ទីរពេទ្យ
ពូទីន៖ ហួសពេលហើយ ដើម្បីធ្វើកិច្ចព្រមព្រៀងដឹកឧស្ម័នថ្មីជាមួយអ៊ុយក្រែន
អ្នកនាង កាឆយ ទម្លាយរឿងឈឺចាប់ពីក្រោយសំណូមពរ “សុំកៅអី ១០” ទៅរាល់ម្ចាស់ដើមការ
-
ជីវិតកម្សាន្ដ១ សប្តាហ៍ agoលោក សុះ ម៉ាច ស្នើឱ្យបញ្ឈប់ការយកស្នាដៃចម្រៀងមរតកដើម មកកែទំនុក បម្រើប្រយោជន៍បុគ្គល
-
ព័ត៌មានជាតិ១ សប្តាហ៍ agoUN អនុម័តសម្រាប់ការចាកចេញរបស់កម្ពុជាពីក្រុមប្រទេសអភិវឌ្ឍន៍តិចតួច
-
សន្តិសុខសង្គម៣ ថ្ងៃ agoដកហូតសំបក និងពោះវៀនកង់ម៉ូតូសរុបជាង១២០០០ ដែលរំលោភកម្មសិទ្ធិនាំចូល
-
សន្តិសុខសង្គម៣ ថ្ងៃ agoUpdate៖ ជនដៃដល់ដែលវាយសម្លាប់ស្ត្រីលក់ភេសជ្ជៈនៅស្តុប២០០៤ ទៅលោតទឹកសម្លាប់ខ្លួននៅស្ពានជ្រោយចង្វារ
-
ចរាចរណ៍៧ ថ្ងៃ agoស្ត្រីម្នាក់ ជិះម៉ូតូលឿន វ៉ារថយន្តមិនផុត ជ្រុលទាក់ដៃចង្កូតជាមួយកង់ ដួលបោកក្បាលស្លាប់
-
ព័ត៌មានជាតិ៧ ថ្ងៃ agoផលដំឡូងមី កសិករត្រៀមប្រមូល ហាងឆេងទីផ្សារបានត្រឹម ១៧០ រៀលប៉ុណ្ណោះក្នុង ១ គីឡូក្រាម
-
ព័ត៌មានជាតិ១ សប្តាហ៍ agoក្រសួងសុខាភិបាលណែនាំឲ្យពលរដ្ឋប្រុងប្រយ័ត្នចំពោះការបរិភោគអាហារសមុទ្រដើម្បីបង្ការការឆ្លងវីរុសណូរ៉ូ
-
សន្តិសុខសង្គម១ ថ្ងៃ agoស្នងការរាជធានី កោះហៅមន្ត្រីនគរបាលចរាចរណ៍៣នាក់មកសួរនាំ ជុំវិញការចោទប្រកាន់ពីបុរសម្នាក់