កម្មករខ្មែរម្នាក់នៅថៃ ត្រូវដីបាក់សង្កត់ពេលចុះដាក់លូ តែជួយសង្គ្រោះបាន

កម្មករខ្មែរម្នាក់ឈ្មោះ ជិន អាយុ២៨ឆ្នាំ ត្រូវជួយសង្គ្រោះបាន បន្ទាប់ពីដីបាក់សង្កត់លើ ពេលគាត់កំពុងដាក់លូតាមផ្លូវ ក្នុងទីក្រុងប៉ាតាយ៉ា នៅព្រឹកថ្ងៃពុធទី៤ខែកញ្ញាឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ The Nation, គ្រាន់តែទទួលដំណឹងនេះភ្លាម ក្រុមអ្នកជួយសង្រ្គោះមកពីមូលនិធិ Sawang Boribun Thammasathan ក៏ប្រញាប់ប្រញាល់ទៅកន្លែងកើតហេតុ នៅស្រុក Bang Lamung ដើម្បីជួយសង្គ្រោះកម្មករខ្មែរ ដែលកប់ជាប់នៅក្នុងរណ្តៅជម្រៅ៥ម៉ែត្រកន្លះ។

មន្ត្រីមូលដ្ឋានប្រាប់ទៅអ្នកសារព័ត៌មានថា បំណាក់ដី​កើត​ឡើង ​ដោយ​សារតែប៉ុន្មានថ្ងៃនេះ មេឃ​ធ្លាក់ភ្លៀង​ខ្លាំងពេក ធ្វើឲ្យច្រោះដី។

យ៉ាងណា ក្រោយសង្គ្រោះបាន កម្មករខ្មែររូបនេះ ត្រូវបានបញ្ជូនទៅមន្ទីរពេទ្យនៅក្បែរនោះ ដើម្បីព្យាបាលរបួស៕

អត្ថបទ៖ សុខ សុវណ្ណ

ចុចអាន៖ ក្រសួងការងារដាក់ចេញនូវអនុសាសន៍កំណែទម្រង់​មុតស្រួច៥ចំណុច ស្តីពីពលករទេសន្តរប្រវេសន៍