ព័ត៌មានអន្ដរជាតិ

ក្មេងប្រុសអាយុ១៤ឆ្នាំ បាញ់សម្លាប់សិស្ស២នាក់ និងគ្រូ២នាក់ នៅវិទ្យាល័យ សហរដ្ឋអាមេរិក

បានផុស

៤ ខែ មុន

នៅ

ថ្ងៃព្រហស្បតិ៍ ៥ កញ្ញា ២០២៤

ដោយ

តាមសេចក្តីរាយការណ៍របស់ BBC នៅថ្ងៃព្រហស្បតិ៍ទី៥ខែកញ្ញាឆ្នាំ២០២៤ ក្មេងប្រុសអាយុ១៤ឆ្នាំម្នាក់ បានបាញ់សម្លាប់សិស្សចំនួន២នាក់ និងគ្រូ២នាក់ នៅឯវិទ្យាល័យ Apalachee ក្នុងទីក្រុង Winder នៃរដ្ឋ Georgia។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រៅពីអ្នកស្លាប់, មនុស្សចំនួន៩នាក់ផ្សេងទៀត ក៏ត្រូវរបួសផងដែរ ក្នុងហេតុការណ៍នេះ។

ការវាយប្រហារកើតឡើងនៅម៉ោង ១០:២០នាទីព្រឹក ហើយភ្លាមៗនោះ មន្ត្រីបានចាប់ខ្លួនជនសង្ស័យឈ្មោះ Colt Gray នៅនឹងកន្លែង។ រូបគេនឹងត្រូវចោទប្រកាន់ពីបទមនុស្សឃាត ខណៈការស៊ើបអង្កេតនឹងធ្វើឡើង។

មកទល់ពេលនេះ គេមិនទាន់ដឹងច្បាស់ឡើយថាតើមូលហេតុអ្វីទើបក្មេងប្រុសអាយុ១៤ឆ្នាំម្នាក់នេះ បើកការបាញ់ប្រហារនៅសាលារៀន ចំពេលមានសេចក្តីរាយការណ៍ថា ក្រុមមន្ត្រីមិនមែនជាគោលដៅនៃអំពើនេះឡើយ។

ត្បិតតែមិនផ្តល់ព័ត៌មានលម្អិត ប៉ុន្តែមន្ត្រីម្នាក់បានប្រាប់ទៅ CNN ថា អាវុធដែលប្រើក្នុងការបាញ់ គឺជាកាំភ្លើងប្រភេទ AR-15 ហើយគេមិនដឹងឡើយថាតើ ជនសង្ស័យបានអាវុធនេះមកពីណា។

សូមបញ្ជាក់ថា ក្នុងឆ្នាំ២០២៤នេះគិតត្រឹមតែកញ្ញា, សហរដ្ឋអាមេរិក កើតមានការបាញ់ប្រហារទ្រង់ទ្រាយធំ៣៨៥លើក ពោលបើគិតជាមធ្យម មានការបាញ់ប្រហារទ្រង់ទ្រាយធំជាង ១.៥លើកជារៀងរាល់ថ្ងៃ៕