ព័ត៌មានអន្ដរជាតិ
បុរសកូរ៉េជាប់ពន្ធនាគារ៥ឆ្នាំ ក្រោយវាយដំប្រពន្ធឲ្យសាក់ឈ្មោះបង្ហាញក្ដីស្រលាញ់ចំពោះខ្លួន
តុលាការកំពូលកូរ៉េ បានចេញសាលក្រមកាត់ទោសបុរសអាយុ ២៩ ឆ្នាំម្នាក់ ឈ្មោះគីមឲ្យជាប់ពន្ធនាគារ ៥ ឆ្នាំ។ ជននេះត្រូវបានចោទប្រកាន់ពីបទឧក្រិដ្ឋជាច្រើនរួមមាន ការឃុំខ្លួនដោយខុសច្បាប់ ការវាយដំ ការបង្ខិតបង្ខំ និងបង្ករបួសស្នាមធ្ងន់ធ្ងរ ហើយបង្ខំប្រពន្ធឲ្យសាក់ពាក្យថា ខ្ញុំនឹងក្លាយជាស្ត្រីរបស់គីមជារៀងរហូត នៅលើខ្លួនរបស់នាង។
យ៉ាងណា ក្រោយពីត្រឡប់មកពីគុកវិញ កាលពីខែកក្កដាកន្លងទៅ លោកគីមបានវាយប្រពន្ធគាត់ជាច្រើនដង ដោយសារសង្ស័យថានាងមានទំនាក់ទំនងស្នេហា។ គាត់បានគំរាមប្រពន្ធគាត់ ហើយធ្វើសំណើថា «បើអារម្មណ៍របស់អ្នកចំពោះខ្ញុំពិត សូមសាក់ឈ្មោះខ្ញុំនៅលើខ្លួនឯង»។ បន្ថែមពីលើឈ្មោះរបស់នាង គីមក៏បានបង្ខំនាងឲ្យសាក់នៅលើផ្នែកបួនផ្សេងគ្នានៃរាងកាយរបស់នាងដូចជា “ខ្ញុំនឹងធ្វើជាស្ត្រីរបស់គីមជារៀងរហូត” ។
មិនត្រឹមប៉ុណ្ណឹងទេ គីមក៏ត្រូវបានចោទប្រកាន់ពីបទឃុំខ្លួនប្រពន្ធរបស់គាត់នៅផ្ទះផងដែរ។ ក្នុងពេលកំពុងសាកសួរនាងពីរឿងស្នេហា រូបគេបានវាយដំនាង បណ្ដាលឲ្យរបួសក្បាល និងមុខយ៉ាងធ្ងន់ធ្ងរជាច្រើនកន្លែង ជាពិសេសបណ្ដាលឲ្យបែកត្រចៀក។ ជនសង្ស័យក៏បានប្រើកន្ត្រៃកាត់សក់ប្រពន្ធរបស់គាត់ ហើយបង្ខំនាងឲ្យមើលវីដេអូអំពីពស់ ដែលជាសត្វដែលនាងខ្លាចជាងគេ។
តុលាការដំបូងបានកាត់ទោសលោកគីមឲ្យជាប់ពន្ធនាគាររយៈពេល ៥ឆ្នាំ ហើយថា ជនរងគ្រោះមានរបួសផ្លូវចិត្ត និងរាងកាយធ្ងន់ធ្ងរ។ កម្រិតនៃរបួសដែលជនរងគ្រោះបានទទួលគឺលើសពីអ្វីដែលអាចពិពណ៌នាបានទៀត។ ប៉ុន្តែលោកបានប្រព្រឹត្តអំពើហិង្សាក្នុងគ្រួសារឡើងវិញ៧ដង ហើយនេះជាកត្តាធ្ងន់ធ្ងរ។
ទោះជាយ៉ាងណាក៏ដោយ តុលាការបានចាត់ទុកកិច្ចព្រមព្រៀងរបស់លោកគីម ក្នុងការទូទាត់សំណងចំនួន ៩,៧៥០ ដុល្លារដល់ជនរងគ្រោះថា ជាកត្តាដែលជួយកាត់បន្ថយការកាត់ទោស។ ក្រៅពីនេះ ភរិយាក៏បានសុំបន្ធូរបន្ថយទោសចំពោះស្វាមីផងដែរ។
ក្នុងអំឡុងពេលសវនាការលើបណ្តឹងឧទ្ធរណ៍ លោកបានប្រកែកថា ខ្លួនបានប្រព្រឹត្តអំពើហឹង្សានៅពេលដែលសុខភាពផ្លូវចិត្តកាន់តែយ៉ាប់យ៉ឺនយ៉ាងធ្ងន់ធ្ងរ។ ទោះជាយ៉ាងនេះក្តី តុលាការមិនបានទទួលយកទឡ្ហីករណ៍នេះទេ ហើយបានកាត់សេចក្តីថា ជនសង្ស័យមានភាពច្របូកច្របល់បន្តិចនៅពេលប្រព្រឹត្តបទឧក្រិដ្ឋ ប៉ុន្តែមិនអាចចាត់ទុកថាស្មើនឹងមានជំងឺផ្លូវចិត្តនោះទេ។ តុលាការកំពូលកូរ៉េក៏បានសន្និដ្ឋានថា ការសម្រេចនេះសមហេតុផល ហើយបានច្រានចោលបណ្តឹងឧទ្ធរណ៍របស់លោកគីមតែម្ដង៕
អត្ថបទ៖ សាង ស្រីល័ក្ខ
ចុចអាន៖ដោយសារនឹកកូនស្រីខ្លាំង ស្ត្រី ថៃ បោះដៃអោបកូនតាមកាំមេរ៉ាសុវត្ថិភាព ខណៈអ្នកទស្សនាយំគ្រប់គ្នា
-
ជីវិតកម្សាន្ដ៧ ថ្ងៃ ago
ខេត្តចំនួនបីរបស់ប្រទេសថៃ ដែលផ្តល់កន្លែងទេសចរណ៍គួរជាទីចាប់អារម្មណ៍សម្រាប់វិស្សមកាលនេះ
-
ព័ត៌មានអន្ដរជាតិ១៣ ម៉ោង ago
បាក់ស្ពាននៅវៀតណាម ធ្លាក់រថយន្តនិងម៉ូតូច្រើនគ្រឿងចូលទន្លេ
-
ព័ត៌មានអន្ដរជាតិ១៨ ម៉ោង ago
វៀតណាមជួបគ្រោះផ្ទួនៗ ព្យុះទីហ្វុងផងនិងរញ្ជួយដីផង
-
ព័ត៌មានអន្ដរជាតិ២ ថ្ងៃ ago
វៀតណាម មានមនុស្សស្លាប់និងរបួសសរុប ៨២នាក់ ដោយឥទ្ធិពលព្យុះ យ៉ាកជី
-
ចរាចរណ៍៥ ថ្ងៃ ago
ចាប់វាយខ្នោះលោក ម៉ៃ សុគន្ធ បន្ទាប់ពីព្យាយាមបើករថយន្ដគេចពីសមត្ថកិច្ចរហូតបង្កគ្រោះថ្នាក់ចរាចរណ៍
-
សន្តិសុខសង្គម២ ថ្ងៃ ago
អ្នកលក់អនឡាញ Madam da ត្រូវមហាជនរិះគន់យ៉ាងខ្លាំង ក្រោយជិះម៉ូតូមិនពាក់មួក ប្រសេចប្រសាចពេញទីក្រុង
-
សេចក្ដីជូនដំណឹង៦ ថ្ងៃ ago
ព្រះសង្ឃគង់នៅវត្ត ជោតិវ័ន ហៅវត្តត្រពាំងក្របៅ ត្រូវរង្វាន់ ១២៥លានរៀលពីខារ៉ាបាវ
-
ចរាចរណ៍១៧ ម៉ោង ago
រថយន្តដឹកអ្នកដំណើរ បុករះម៉ូតូ-រថយន្ត ចំនួន ៤ គ្រឿង ស្លាប់មនុស្ស ៣ នាក់