ព័ត៌មានអន្ដរជាតិ
ចិន ថា ទំនាក់ទំនងជាមួយហ្វីលីពីនកំពុងស្ថិតលើផ្លូវបំបែក ជុំវិញជម្លោះសមុទ្រចិនខាងត្បូង
ប្រទេសចិនបានអំពាវនាវឲ្យហ្វីលីពីន «ពិចារណាហ្មត់ចត់អំពីអនាគត» នៃទំនាក់ទំនងដែលឈានដល់ «ផ្លូវបំបែក» ចំពេលភាពតានតឹងនៅក្នុងសមុទ្រចិនខាងត្បូងកាន់តែកើនឡើង។ នេះបើយោងតាមការចេញផ្សាយនៅថ្ងៃចន្ទរបស់ People’s Daily ដែលជាកាសែតរដ្ឋរបស់បក្សកុម្មុយនិស្តចិន។
កាសែត People’s Daily បានផ្សាយថា៖ «ទំនាក់ទំនងចិន-ហ្វីលីពីនឈរនៅផ្លូវបំបែកមួយ ប្រឈមមុខនឹងជម្រើសនៃផ្លូវដែលត្រូវទៅ»។ កាសែតរដ្ឋចិន បានបន្តថា៖ «ការសន្ទនា និងការពិគ្រោះយោបល់គឺជាផ្លូវត្រឹមត្រូវ ព្រោះថាគ្មានផ្លូវចេញពីជម្លោះតាមរយៈការប្រឈមមុខគ្នានោះទេ។ ទីក្រុងម៉ានីល គួរតែពិចារណាឲ្យបានហ្មត់ចត់អំពីអនាគតនៃទំនាក់ទំនងចិន-ហ្វីលីពីន និងធ្វើការជាមួយប្រទេសចិន ដើម្បីជំរុញទំនាក់ទំនងទ្វេភាគីឲ្យត្រលប់មកផ្លូវត្រូវវិញ»។
ហ្វីលីពីន និងចិន បានចោទប្រកាន់គ្នាទៅវិញទៅមក ពាក់ព័ន្ធនឹងចេតនាវាយកម្ទេចនាវាឆ្មាំសមុទ្រនៅក្នុងផ្លូវទឹកជម្លោះនារយៈពេលប៉ុន្មានខែថ្មីៗនេះ រួមទាំងការប៉ះទង្គិចគ្នាដោយហិង្សាកាលពីខែមិថុនា ដែលបណ្ដាលឲ្យនាវិកហ្វីលីពីនម្នាក់បានបាត់បង់ម្រាមដៃអស់មួយ។
ឧប្បត្តិហេតុទាំងនោះ បានធ្វើឲ្យទំនាក់ទំនងរវាងប្រទេសទាំង២កាន់តែមានភាពថ្នាំងថ្នាក់នឹងគ្នា បើទោះជាមានកិច្ចខិតខំប្រឹងប្រឹងបង្កើតទំនាក់ទំនងថ្មី ដើម្បីកែលម្អការដោះស្រាយជម្លោះដែនសមុទ្រក៏ដោយ។
ទីក្រុងប៉េកាំងទាមទារស្ទើរតែទាំងស្រុងនូវសមុទ្រចិនខាងត្បូង រួមទាំងផ្នែកដែលអះអាងដោយហ្វីលីពីន ព្រុយណេ ម៉ាឡេស៊ី តៃវ៉ាន់ និងវៀតណាម។ ផ្នែកនៃផ្លូវទឹក ដែលមានពាណិជ្ជកម្មឆ្លងកាត់ជារៀងរាល់ឆ្នាំក្នុងតម្លៃ៣ទ្រីលានដុល្លារនេះ ត្រូវបានគេជឿថាសម្បូរទៅដោយប្រេង ឧស្ម័នធម្មជាតិ និងស្តុកត្រី។
តុលាការអាជ្ញាកណ្តាលអចិន្ត្រៃយ៍ក្នុងឆ្នាំ២០១៦ បានរកឃើញថា ការទាមទារដ៏ធំរបស់ប្រទេសចិនមិនមានមូលដ្ឋានផ្លូវច្បាប់ទេ។ យ៉ាងណា សេចក្តីសម្រេចនេះត្រូវរដ្ឋាភិបាលក្រុងប៉េកាំងច្រានចោល។
កាលពីខែមិថុនា សហរដ្ឋអាមេរិក បានអះអាងជាថ្មីនូវការប្តេជ្ញាចិត្តរបស់ខ្លួនចំពោះសន្តិសុខហ្វីលីពីន បន្ទាប់ពីទីក្រុងម៉ានីលបានចោទប្រកាន់ប្រទេសចិនពី «សកម្មភាពដោយចេតនា» ដើម្បីបញ្ឈប់ការដាក់ពង្រាយកងទ័ពហ្វីលីពីនម្ដងទៀត ដែលឈរជើងនៅតំបន់ជម្លោះ Second Thomas Shoal៕
ដោយ៖ ឈាង
គណៈរដ្ឋមន្ត្រីថៃអនុម័ត បុណ្យបណ្តែតកន្ទោង ក្នុងបញ្ជីភណ្ឌវប្បធម៌អរូបីរបស់យូណេស្កូ
មីយ៉ាន់ម៉ាសុខចិត្តដោះលែងអ្នកទោសនេសាទថៃ៤នាក់ ក្រោយសម្របសម្រួលជិតកន្លះឆ្នាំ
រូបភាពរលំបាក់អគារគួររន្ធត់នៅថៃ ប៉ុន្តែអាជ្ញាធរបញ្ជាក់ថា ចំនួនអ្នកស្លាប់មាន៩នាក់ដល់ពេលនេះ
រហូតដល់ពេលនេះ មីយ៉ាន់ម៉ារកឃើញអ្នកស្លាប់និងរបួសជិត៩០០នាក់ក្នុងគ្រោះរញ្ជួយដី
ក្រុមហ៊ុនបច្ចេកវិទ្យាទំនើបចិន ប្ដេជ្ញាជំរុញកម្មវិធីសិក្សា TVET កម្ពុជា ឱ្យស្របតាមស្តង់ដារសិក្សានៃប្រទេសចិន និងអាល្លឺម៉ង់
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ការខូចខាតបឋម ព្រោះគ្រោះរញ្ជួយដីដ៏ខ្លាំងក្លាដែលវាយប្រហារអាស៊ីអាគ្នេយ៍
នាយករដ្ឋមន្ត្រីថៃ ដាក់ចេញបទបញ្ជាបន្ទាន់ដើម្បីគ្រប់គ្រង់គ្រោះរញ្ជួយដី
អាស៊ីអាគ្នេយ៍ច្រើនប្រទេសជួបរញ្ជួយដី ប៉ុន្តែ ថៃនិងមីយ៉ាន់ម៉ា ធ្ងន់ជាងគេ
-
ព័ត៌មានអន្ដរជាតិ១៦ ម៉ោង agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ agoកញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ agoតើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?