ព័ត៌មានអន្ដរជាតិ
ចិន រុស្ស៊ី ត្រៀមធ្វើសមយុទ្ធរួមគ្នានៅក្នុងខែកញ្ញានេះ
ប្រទេសចិន បានប្រកាសនៅថ្ងៃចន្ទនេះថា ខ្លួននឹងធ្វើសមយុទ្ធយោធារួមគ្នាជាមួយរុស្ស៊ីក្នុងខែកញ្ញានេះ ខណៈសម្ព័ន្ធមិត្តទាំង២កំពុងបង្កើនទំនាក់ទំនងកាន់តែស៊ីជម្រៅថែមទៀត ស្របពេលដែលអង្គការណាតូកំពុងបង្ហាញក្ដីព្រួយបារម្ភខ្លាំងអំពីការគាំទ្ររបស់ចិនចំពោះរុស្ស៊ីសម្រាប់សង្គ្រាមនៅអ៊ុយក្រែន។
ក្រសួងការពារជាតិចិន បានឲ្យដឹងថា សមយុទ្ធ North-Joint 2024 នឹងមានការចូលរួមពីកងទ័ពជើងទឹក និងកងទ័ពអាកាស ដែលត្រៀមធ្វើឡើងនៅជុំវិញសមុទ្រជប៉ុន និងសមុទ្រ Okhotsk ដែលស្ថិតនៅក្បែរឆ្នេររុស្ស៊ី។
ក្រសួងចិន បានរៀបរាប់ថា៖ «សមយុទ្ធនេះមានគោលបំណងធ្វើឲ្យស៊ីជម្រៅនូវកម្រិតកិច្ចសហប្រតិបត្តិការយុទ្ធសាស្ត្ររវាងយោធាចិន និងរុស្ស៊ី និងបង្កើនសមត្ថភាពរបស់ពួកគេក្នុងការរួមគ្នាដោះស្រាយការគំរាមកំហែងផ្នែកសន្តិសុខ»។ ភាគីទាំង២នឹងបញ្ជូនកងនាវាចរទៅកាន់ «តំបន់សមុទ្រដែលពាក់ព័ន្ធនៃមហាសមុទ្រប៉ាស៊ីហ្វិក» សម្រាប់ការល្បាតដែនសមុទ្ររួមគ្នា ហើយចិនក៏នឹងចូលរួមក្នុងសមយុទ្ធយុទ្ធសាស្ត្រមហាសមុទ្រឆ្នាំ២០២៤ របស់រុស្ស៊ីផងដែរ។
យ៉ាងណាមិញ ក្រសួងការពារជាតិចិនមិនបានផ្តល់កាលបរិច្ឆេទជាក់លាក់ថាតើសមយុទ្ធនឹងធ្វើឡើងនៅពេលណានោះទេ។
កាលពីខែកក្កដា ប្រទេសទាំង២ បានធ្វើសមយុទ្ធរួមគ្នាម្ដងរួចមកហើយ នៅក្នុងដែនទឹក និងដែនអាកាសជុំវិញទីក្រុង Zhanjiang ដែលជាទីក្រុងមួយនៅក្នុងខេត្ត Guangdong ភាគខាងត្បូងប្រទេសចិន។
សមយុទ្ធនោះបានកើតឡើងនៅសប្តាហ៍ដូចគ្នានៅពេលដែលមេដឹកនាំអង្គការណាតូបានព្រមានថាចិនបាន «ក្លាយជាអ្នកជំរុញ» នៃការលុកលុយរបស់រុស្ស៊ីលើអ៊ុយក្រែន។ ជាការឆ្លើយតប រដ្ឋាភិបាលក្រុងប៉េកាំងបានព្រមានណាតូវិញថានឹងអាច «កើតមានការប្រឈមមុខដាក់គ្នា» រវាងចិន និងប្លុកយោធាដែលដឹកមុខដោយសហរដ្ឋអាមេរិក។
រុស្ស៊ី និងចិនបានបង្កើនកិច្ចសហប្រតិបត្តិការយោធា និងសេដ្ឋកិច្ចក្នុងរយៈពេលប៉ុន្មានឆ្នាំចុងក្រោយនេះ ដោយប្រទេសទាំង២បានប្រឆាំងនឹង «អនុត្តរភាពលោកខាងលិច» ជាពិសេសអ្វីដែលពួកគេមើលឃើញថាជាការត្រួតត្រារបស់សហរដ្ឋអាមេរិកចំពោះកិច្ចការពិភពលោក។
ពួកគេបានប្រកាសភាពជាដៃគូ «គ្មានដែនកំណត់» ភ្លាមៗ មុនពេលទីក្រុងមូស្គូចាប់ផ្តើមការវាយលុករបស់ខ្លួននៅអ៊ុយក្រែនក្នុងឆ្នាំ២០២២។
កាលពីខែមុន ប្រធានាធិបតីរុស្ស៊ី លោក វ្ល៉ាឌីមៀរ ពូទីន បាននិយាយក្នុងជំនួបជាមួយនាយករដ្ឋមន្ត្រីចិន លោក Li Qiang នៅក្រុងមូស្គូថា ទំនាក់ទំនងសេដ្ឋកិច្ច និងពាណិជ្ជកម្មរបស់រុស្ស៊ី ជាមួយក្រុងប៉េកាំង កំពុងមាន «លទ្ធផលទទួលបាននូវផ្លែផ្កា»៕
ដោយ៖ ឈាង
ធនាគារជាតិឱ្យស្ថានប័នផ្ដល់ប្រាក់កម្ចី ប្រគល់ ឯកសារបញ្ចាំ ជូនអតិថជនវិញយ៉ាងយូរ ៧ ថ្ងៃ ក្រោយបង់ផ្ដាច់
លោក យឿន ពិសី សន្យាចូលរួមជួយផ្សព្វផ្សាយ ដើម្បីរកជំនួយជួយទ្រទ្រង់មន្ទីរពេទ្យគន្ធបុប្ផា
ភ្លៀងធ្លាក់ខ្លាំងមិនធ្លាប់មានក្នុងមួយទសវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
សមាគមសិល្បករខ្មែរ ទទួលបានការបណ្តុះបណ្តាលពីឥទ្ធិពលដ៏អាក្រក់ នៃការប្រើប្រាស់គ្រឿងញៀន
ធឿន ធារ៉ា អាចនឹងប៉ះ ឈឿង ល្វៃ ក្នុងព្រឹត្តិការណ៍យុទ្ធគុនចម្រុះបុរាណខ្មែរ
ជប៉ុន ចាប់ផ្តើមរកឃើញមនុស្សស្លាប់ ដោយសារគ្រោះទឹកជំនន់ធ្ងន់ធ្ងរ នៅភាគកណ្តាល
ភ្លៀងធ្លាក់ខ្លាំងមិនធ្លាប់មានក្នុងមួយទសវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
វៀតណាម បើកទឹក ចេញពីទំនប់វារីអគ្គិសនីធំបំផុតនៅភាគខាងត្បូង
៦ខេត្តរបស់ថៃ នៅតែរងគ្រោះ ដោយទឹកជំនន់
កម្ពុជា ជោគជ័យក្នុងការនាំចេញផលិតផលគ្រាប់ស្វាយចន្ទីជាលើកដំបូង ទៅខេត្តហឺណាន ប្រទេសចិន
-
ព័ត៌មានជាតិ១ សប្តាហ៍ agoព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ agoអឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ agoវៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ agoព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា