ព័ត៌មានអន្ដរជាតិ
អ៊ុយក្រែន ប្រកាសលក់អចលនទ្រព្យរដ្ឋចំនួន២០យកលុយពង្រឹងសេដ្ឋកិច្ច និងយោធា
ដើម្បីជំរុញសេដ្ឋកិច្ចដែលទទួលរងផលប៉ះពាល់ព្រោះសង្រ្គាម និងជួយផ្តល់មូលនិធិដល់យោធា រដ្ឋាភិបាលអ៊ុយក្រែនគ្រោងនឹងដាក់លក់ដេញថ្លៃក្រុមហ៊ុនគ្រប់គ្រងដោយរដ្ឋប្រហែល២០។
អ៊ុយក្រែនសង្ឃឹមថានឹងរៃអង្គាសប្រាក់បានយ៉ាងហោចណាស់ ១០០លានដុល្លារពីការដេញថ្លៃនៅចុងឆ្នាំ២០២៤នេះ ដោយក្នុងនោះមានដូចជា មជ្ឈមណ្ឌលផ្សារទំនើបដ៏ធំមួយ សណ្ឋាគារប្រវត្តិសាស្ត្រ និងក្រុមហ៊ុនរុករករ៉ែ និងគីមីមួយចំនួនទៀត។ អ៊ុយក្រែនក៏សង្ឃឹមថានឹងអាចកាត់បន្ថយការខាតបង់ពីសហគ្រាសរដ្ឋទាំងនោះផងដែរ។
ក្រុងកៀវមានអង្គភាពនិងក្រុមហ៊ុនរដ្ឋច្រើនជាង៣០០០កន្លែង ប៉ុន្តែមានតែ ១៥ភាគរយប៉ុណ្ណោះដែលកំពុងអាចរកប្រាក់ចំណេញបាន ខណៈក្រៅពីនោះកំពុងខាតបង់ ហើយត្រូវការចំណាយលុយរដ្ឋអស់រាប់លានដុល្លារដើម្បីបន្តដំណើរការ ឬថែទាំ។
មួយក្នុងចំណោមអចលនទ្រព្យដែលនឹងត្រូវដាក់លក់ដេញថ្លៃគឺ សណ្ឋាគារ Hotel Ukraine ដែលមានប្រវត្តិចំណាស់បំផុតមួយរបស់ប្រទេស ហើយបើកដំណើរការតាំងតែពីឆ្នាំ១៩៦១។ សណ្ឋាគារនេះនឹងដាក់លក់ក្នុងតម្លៃចាប់ពី ២៥លានដុល្លារ។
ការដាក់លក់នេះ ធ្វើឡើងដើម្បីជាការបង្កើនប្រាក់ចំណូលបន្ទាន់សម្រាប់សេដ្ឋកិច្ចដែលត្រូវបានបំផ្លិចបំផ្លាញដោយសារសង្រ្គាមលុកលុយរបស់រុស្ស៊ីនៅអ៊ុយក្រែន។
ឱនភាពសេដ្ឋកិច្ចរបស់អ៊ុយក្រែនត្រូវបានកំណត់ថានឹងកើនឡើងដល់ ៤៣,៥ពាន់លានដុល្លារ ដែលមួយផ្នែកដោយសារតែការពន្យារពេលជំនួយយោធាពីសហរដ្ឋអាមេរិក។
ថវិកាចំនួន១៦ពាន់លានដុល្លារនឹងត្រូវការចាំបាច់ ដើម្បីផ្តល់មូលនិធិដល់តម្រូវការជួសជុលជាបន្ទាន់ក្នុងឆ្នាំ២០២៤ និងយ៉ាងហោចណាស់ ៤០០ពាន់លានដុល្លារសម្រាប់ការកសាងប្រទេសអ៊ុយក្រែនឡើងវិញក្រោយចប់សង្គ្រាម។
ចាប់តាំងពីឆ្នាំ២០២២ ប្រាក់ចំណូលពន្ធស្ទើរតែទាំងអស់របស់អ៊ុយក្រែនត្រូវបានចំណាយលើការប្រយុទ្ធប្រឆាំងនឹងការឈ្លានពានរបស់រុស្ស៊ី។
រដ្ឋាភិបាលក្រុងកៀវ បានស្វែងរកជំនួយហិរញ្ញវត្ថុពីបរទេស ដើម្បីចំណាយលើមនុស្សធម៌ និងសង្គមរបស់ខ្លួន។ ឥឡូវនេះ អ៊ុយក្រែនកំពុងពិនិត្យមើលជម្រើសក្នុងស្រុករបស់ខ្លួនវិញម្ដង ដើម្បីស្វែងរកថវិកាជាតិឲ្យបានកាន់តែច្រើនឡើង។
កាលពីឆ្នាំមុន រដ្ឋអ៊ុយក្រែនបានឈ្នះក្តីតុលាការដើម្បីដណ្តើមយកផ្សារទំនើប Ocean Plaza ដែលជាផ្សារទំនើបធំបំផុតមួយក្នុងទីក្រុងកៀវ ហើយត្រូវបានគ្រប់គ្រងដោយរុស្ស៊ី។ ផ្សារនេះត្រៀមនឹងដាក់ដេញថ្លៃក្នុងតម្លៃចាប់ពី ៣៩លានដុល្លារ៕
ដោយ៖ ឈាង
ថៃប្រាប់ពលរដ្ឋខ្លួនដែលរស់នៅព្រំដែនអ៊ីស្រាអែល-លីបង់ចាកចេញ
អ៊ីស្រាអែលហាមអគ្គលេខាធិការ UN ចូលទឹកដីខ្លួន ក្រោយមិនថ្កោលទោសអ៊ីរ៉ង់
លោក ប៉ែន បូណា សម្តែងការហួសចិត្តនៅពេលឃើញសង្គមស៊ីវិល ចេញមុខការពារអ្នកបង្កើតព័ត៌មានក្លែងក្លាយ
អ៊ុយក្រែនមានសមត្ថភាពផលិតដូ្រន៤លានគ្រឿងក្នុងមួយឆ្នាំ
កម្ពុជា-ចិន ឯកភាព៧ចំណុច ពង្រឹងកិច្ចសហប្រតិបត្តិការណ៍ទេសចរណ៍ឱ្យកាន់តែរស់រវើក
សម្លាប់ក្មួយថ្លៃបោះចោលជើងភ្នំ ដោយសារជួយលាក់រឿងប្រពន្ធរបស់ខ្លួនមានសាហាយ
ភ្ជុំបិណ្ឌថ្ងៃទី០១៖ គ្រោះថ្នាក់ចរាចរណ៍ឆក់យកជីវិតមនុស្ស ៩នាក់ និងរបួស ២២នាក់
ស្ថាប័នជាតិសំខាន់ៗរបស់ថៃសំដែងមរណទុក្ខ
អ៊ីរ៉ង់ធ្លាក់ចូលក្នុងជម្លោះកាន់តែធ្ងន់ធ្ងរជាមួយអ៊ីស្រាអែល
នាយករដ្ឋមន្ត្រីថៃបញ្ជាឱ្យរដ្ឋមន្ត្រី២រូបចុះទៅពិនិត្យកន្លែកកើតហេតុភ្លើងឆេះឡានក្រុង
-
ព័ត៌មានជាតិ៣ ថ្ងៃ agoព្យុះចំនួន២ នឹងជះឥទ្ធិពលលើកម្ពុជាក្នុងពេលតែមួយចាប់ពីថ្ងៃនេះ ដល់ថ្ងៃទី២តុលា
-
ជីវិតកម្សាន្ដ៦ ថ្ងៃ agoលោកឧកញ៉ា លាង ពៅ ថា Ishowspeed ធ្វើការគ្មានទំនួលខុសត្រូវ ក្នុងថ្ងៃ Gumball 3000 (មានវីដេអូ)
-
ព័ត៌មានអន្ដរជាតិ២ ថ្ងៃ agoភ្នំមួយទៀតនៅវៀតណាម ប្រេះប្រវែង១០០ម៉ែត្រ បង្កការភ័យខ្លាច
-
ចរាចរណ៍៣ ថ្ងៃ agoឡិចស៊ីស 470 មួយគ្រឿង បោះពួយលឿនបែកកង់ជ្រុលបុកបង្គោលភ្លើងរលំ ០២ ដើម
-
ព័ត៌មានជាតិ៧ ថ្ងៃ agoស្ថានភាពកម្ពស់ទឹកទន្លេមេគង្គខេត្តក្រចេះព្រឹកនេះ
-
ចរាចរណ៍៤ ថ្ងៃ agoរថយន្តដឹកទំនិញពាក់ស្លាកលេខ ខេមរៈភូមិន្ទបើកកិនគម្របលូបាក់ ខណៈដឹកទំនិញចេញពីឃ្លាំង
-
ជីវិតកម្សាន្ដ១ សប្តាហ៍ agoលោក លៀក លីដា បង្ហាញការខកចិត្តចំពោះការរិះគន់របស់ Allan
-
ជីវិតកម្សាន្ដ១ សប្តាហ៍ agoAllan អះអាងថា ខ្លួនហ៊ានទទួលយកការវិនិយោគ និងប្រើថវិកាត្រឹម ៨មុឺនដុល្លារប៉ុណ្ណោះ ដើម្បីផលិតកុនគុណភាព