ព័ត៌មានអន្ដរជាតិ
អូស្ត្រាលីនឹងហាមអនីតិជនប្រើកម្មវិធីបណ្តាញសង្គម រីឯការរិះគន់ក៏ខ្លាំង
ប្រទេសអូស្ត្រាលីគ្រោងនឹងហាមឃាត់កុមារពីការប្រើប្រាស់ប្រព័ន្ធផ្សព្វផ្សាយសង្គមដែលកំពុងពេញនិយមបំផុតក្នុងសកលលោក ចំពេលមានការព្រួយបារម្ភថា កម្មវិធីបណ្តាញសង្គម ដូចជា Instagram និង TikTok កំពុងជះឥទ្ធិពលអវិជ្ជមានដល់សុខភាពផ្លូវកាយនិងផ្លូវចិត្តរបស់យុវជន។ នេះបើយោងតាមការចេញផ្សាយរបស់សារព័ត៌មាន Al Jazeera នៅថ្ងៃទី១០ខែកញ្ញានេះ។
នាយករដ្ឋមន្ត្រីអូស្ត្រាលី លោក Anthony Albanese បានប្រកាសនៅថ្ងៃអង្គារនេះថា រដ្ឋាភិបាលនឹងចាប់ផ្តើមការសាកល្បងផ្ទៀងផ្ទាត់អាយុនៅប៉ុន្មានខែខាងមុខនេះ មុនពេលការដាក់ឱ្យប្រើប្រាស់ច្បាប់ដើម្បីអនុវត្តការហាមឃាត់។
ជាមួយគ្នានេះ រដ្ឋាភិបាលកំពុងពិចារណាអាយុអប្បបរមាចន្លោះពី ១៤ទៅ១៦ឆ្នាំ ស្របពេលឪពុកម្តាយនានាព្រួយបារម្ភអំពីការប្រើប្រាស់ប្រព័ន្ធផ្សព្វផ្សាយសង្គមរបស់កូនៗរបស់ពួកគេ និងចង់ឲ្យឱ្យកូនៗរបស់ពួកគេបិទកម្មវិធីទូរស័ព្ទដែលកំពុងប្រើ។
ពាក់ព័ន្ធបញ្ហានេះ មេដឹកនាំបក្សប្រឆាំង លោក Peter Dutton ដែលជាប្រធានគណបក្សសេរីនិយមកណ្តាល ធ្លាប់បានសម្តែងការគាំទ្រចំពោះការហាមឃាត់ប្រព័ន្ធផ្សព្វផ្សាយសង្គមសម្រាប់អ្នកដែលមានអាយុក្រោម១៦ឆ្នាំ។
ទោះយ៉ាងណា អ្នករិះគន់មួយចំនួន បានអះអាងថា វិធានការបែបនេះប៉ះពាល់ដល់សិទ្ធិរបស់យុវជនក្នុងការបញ្ចេញមតិ និងបង្កហានិភ័យដល់ឯកជនភាព។
លោក Daniel Angus សាស្ត្រាចារ្យផ្នែកទំនាក់ទំនងឌីជីថលនៅសាកលវិទ្យាល័យ Queensland University of Technology បានរិះគន់ការហាមប្រាមដែលបានស្នើឡើងរបស់ប្រទេសអូស្ត្រាលី ថាជា «ការមិនយកចិត្តទុកដាក់ ដ៏ជ្រុលនិយម និង មានបំណងរំខានដោយចេតនា» ។ លើសពីនេះ លោកសាស្រ្តាចា្យលើកឡើងថា ការហាមឃាត់បែបនេះនឹងបង្កគ្រោះថ្នាក់យ៉ាងធ្ងន់ធ្ងរដោយការមិនរាប់បញ្ចូលមនុស្សវ័យក្មេងក្នុងការចូលរួមនៅក្នុងពិភពឌីជីថល ដែលកំពុងរីកចម្រើន។
គួរបញ្ជាក់ថា ប្រទេសចិន បារាំង និងរដ្ឋមួយចំនួននៅសហរដ្ឋអាមេរិកបានអនុម័តច្បាប់ហាមប្រាមបែបនេះដែរក្នុងគោលបំណងដាក់កម្រិតលើការប្រើប្រាស់ប្រព័ន្ធផ្សព្វផ្សាយសង្គមចំពោះអនីតិជន ចំពេលមានការព្រួយបារម្ភអំពីគ្រោះថ្នាក់លើអ៊ីនធឺណិត រួមទាំងការគំរាមកំហែងតាមអ៊ីនធឺណិតផងដែរ៕
អត្ថបទ៖ ប៊ុន សុភាព
-
ព័ត៌មានអន្ដរជាតិ៧ ថ្ងៃ ago
បាក់ស្ពាននៅវៀតណាម ធ្លាក់រថយន្តនិងម៉ូតូច្រើនគ្រឿងចូលទន្លេ
-
ព័ត៌មានជាតិ៤ ថ្ងៃ ago
ក្រុមហ៊ុនរបស់កូរ៉េ គ្រោងនឹងបើករោងចក្រដំឡើងរថយន្តអគ្គិសនីនៅកម្ពុជា
-
ព័ត៌មានជាតិ៤ ថ្ងៃ ago
ផ្លូវមួយខ្សែ ប្រវែងជិត ១០ គីឡូម៉ែត្រ ក្នុងស្រុកបវេល កំពុងមានបញ្ហាយ៉ាងខ្លាំងដល់ការធ្វើដំណើរ
-
ព័ត៌មានអន្ដរជាតិ៧ ថ្ងៃ ago
បន្លែឡើងថ្លៃ ក្រោយវៀតណាមទទួលរងឥទ្ធិពលព្យុះយ៉ាកជី
-
ព័ត៌មានជាតិ៤ ថ្ងៃ ago
ផុតពីព្យុះ យ៉ាកជី ព្យុះទី១៣ឈ្មោះ ប៊ីប៊ីនកា បានចូលមកបន្ត កម្ពុជា ក៏ត្រូវរងឥទ្ធិពលផងដែរចាប់ពីថ្ងៃទី១២ ដល់ទី១៤កញ្ញានេះ
-
ព័ត៌មានជាតិ៥ ថ្ងៃ ago
មិនដល់១សប្ដាហ៍ផង សិល្បករ៣រូប ល្មើសច្បាប់បើកបរទាំងស្ថានភាពស្រវឹងខ្លាំង ផ្អើលអស់មហាជន
-
ព័ត៌មានអន្ដរជាតិ៥ ថ្ងៃ ago
មិនត្រឹមទឹកជំនន់ ពេលនេះ ទីក្រុងហាណូយ ចេញការព្រមានអំពីរន្ទះបាញ់ ថែមទៀត
-
ព័ត៌មានអន្ដរជាតិ៦ ថ្ងៃ ago
លើកដំបូងលើលោក! ចិន រកឃើញមេរោគស៊ីខួរក្បាលដ៏សាហាវ ឆ្លងមកមនុស្ស តាមសត្វចៃ