ព័ត៌មានអន្ដរជាតិ

អង់គ្លេស ដោះលែងអ្នកទោសជាង១៧០០នាក់មុនពេលកំណត់ ព្រោះគុកចង្អៀតពេក

បានផុស

២ សប្តាហ៍ មុន

នៅ

ថ្ងៃអង្គារ ១០ កញ្ញា ២០២៤

ដោយ

Chheang

អ្នកទោសចំនួនប្រមាណ ១៧៥០នាក់ ត្រូវបានដោះលែងពីពន្ធនាគារមុនកាលកំណត់ ដែលនេះគឺជាផែនការបន្ទាន់របស់ក្រសួងយុត្តិធម៌អង់គ្លេស ដើម្បីដោះស្រាយបញ្ហាណែនតាន់តាប់នៅក្នុងពន្ធនាគារនាពេលបច្ចុប្បន្ន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការដោះលែងនេះ បានចាប់ផ្ដើមនៅព្រឹកថ្ងៃអង្គារ ខណៈដែលផែនការរបស់រដ្ឋាភិបាលគ្រោងនឹងដោះលែងអ្នកទោសសរុបចំនួន ៥៥០០នាក់បន្ថែមទៀត។

កាលពីសប្តាហ៍មុន ពន្ធនាគារអង់គ្លេស មានចំនួនអ្នកទោសច្រើនជាង ៨៨ ៥០០នាក់ ដែលជាតួលេខដ៏ខ្ពស់បំផុតមិនធ្លាប់មានពីមុនមក។

ក្នុងផែនការដោះលែងនេះ អ្នកទោសក្នុងពន្ធនាគារនៅប្រទេសអង់គ្លេស និងប្រទេសវែល ដែលជាប់ពន្ធនាគារតិចជាង៥ឆ្នាំ នឹងត្រូវបានដោះលែងបន្ទាប់ពីពួកគេបានចំណាយពេល៤០%នៃរយៈពេលដែលត្រូវជាប់ពន្ធនាគាររបស់ពួកគេ។

បន្ថែមពីនេះទៅទៀត នៅថ្ងៃទី២២ខែតុលាខាងមុខ អង់គ្លេសមានគម្រោងដោះលែងអ្នកទោសផ្សេងៗទៀត ដែលត្រូវបានកាត់ទោសឲ្យជាប់ពន្ធនាគារលើសពី៥ឆ្នាំផងដែរ។

យ៉ាងណាមិញ ផែនការនេះមិនរាប់បញ្ចូលជនល្មើសដែលជាប់ពន្ធនាគារពាក់ព័ន្ធនឹងអំពើហិង្សាដែលមានការផ្តន្ទាទោសយ៉ាងតិច៤ឆ្នាំ ក៏ដូចជាជនល្មើសផ្លូវភេទ និងជនល្មើសអំពើហិង្សាក្នុងគ្រួសារនោះទេ។

ផែនការដោះលែងអ្នកទោស ត្រូវបានប្រកាសកាលពីខែកក្កដាកន្លងទៅ ហើយវានឹងជួយឲ្យរដ្ឋាភិបាលអង់គ្លេសអាចកាត់បន្ថយការចំណាយរបស់ពន្ធនាគារបានចំនួន ២០០លានផោន ឬប្រហែល ២៦១លានដុល្លារក្នុង១ឆ្នាំៗ៕

ដោយ៖ ឈាង

Related Topics:ចក្រភពអង់គ្លេស