ព័ត៌មានអន្ដរជាតិ
ក្រោយអ៊ុយក្រែនវាយចូលទឹកដីរុស្ស៊ីជាង១ខែ អាមេរិកលែងឃាត់ការប្រើអាវុធ
ប្រធានាធិបតីអាមេរិកលោក ចូ បៃដិន បានអះអាងថា ក្រុងវ៉ាស៊ីនតោនបានដកការរឹតបន្តឹងលើអ៊ុយក្រែនក្នុងការប្រើមីស៊ីលរយៈចម្ងាយឆ្ងាយរបស់អាមេរិកប្រឆាំងនឹងរុស្ស៊ី ខណៈសង្គ្រាមរុស្ស៊ីនិងអ៊ុយក្រែនកាន់តែធ្លាក់ចូលសភាពយ៉ាប់យ៉ឺនកាន់តែខ្លាំង។
សារព័ត៌មាន BBC មានមូលដ្ឋាននៅចក្រភពអង់គ្លេស បានផ្សាយថា ប្រសិនបើត្រូវបានអនុញ្ញាតពិតមែន នោះវានឹងបំពេញតាមសំណើដ៏ទទួចរបស់ភាគីអ៊ុយក្រែនដែលទើបហ៊ានវាយបកចូលទឹកដីរុស្ស៊ីកាលពីដើមខែសីហា ដើម្បីបន្ធូរបន្ថយដែនកំណត់លើការប្រើប្រាស់អាវុធដែលផ្គត់ផ្គង់ដោយសហរដ្ឋអាមេរិក។
ស្របពេលជាមួយគ្នានេះ ការលើកឡើងរបស់ប្រធានាធិបតី ចូ បៃដិន បានធ្វើឡើង បន្ទាប់ពីរដ្ឋមន្ត្រីការបរទេសអាមេរិក លោក Antony Blinken បានចោទប្រកាន់អ៊ីរ៉ង់ថាជាអ្នកផ្គត់ផ្គង់មីស៊ីលផ្លោងរយៈចម្ងាយខ្លីដល់រុស្ស៊ី។ ទោះយ៉ាងណា រុស្ស៊ីមិនទាន់ធ្វើការអត្ថាធិប្បាយនៅឡើយទេ ប៉ុន្តែប្រធានាធិបតី វ្ល៉ាឌីមៀ ពូទីន ធ្លាប់បាននិយាយថា សកម្មភាពបែបនេះអាចនាំឱ្យមាន «បញ្ហាធ្ងន់ធ្ងរ» ដែលនាំទៅដល់ការប្រឈមផ្ទាល់ជាមួយសហរដ្ឋអាមេរិក។
ចាប់តាំងពីរុស្ស៊ីបានចាប់ផ្តើមការឈ្លានពានរបស់ខ្លួនលើអ៊ុយក្រែនក្នុងខែកុម្ភៈឆ្នាំ២០២២ សហរដ្ឋអាមេរិកមានការស្ទាក់ស្ទើរក្នុងការផ្គត់ផ្គង់ ឬបើកឱ្យប្រើប្រាស់អាវុធដែលអាចវាយប្រហារគោលដៅឆ្ងាយៗនៅក្នុងប្រទេសរុស្ស៊ី ដោយសារការភ័យខ្លាចថា វានឹងធ្វើឱ្យជម្លោះកាន់តែកើនឡើង។
ទោះបីជាយ៉ាងណាក៏ដោយ អាមេរិកបានបន្ធូរបន្ថយការរឹតបន្តឹងមួយចំនួនលើការប្រើប្រាស់មីស៊ីល ដោយអនុញ្ញាតឱ្យអ៊ុយក្រែនប្រើប្រាស់មីស៊ីលរយៈចម្ងាយឆ្ងាយ ដើម្បីវាយប្រហារតំបន់តាមបណ្តោយព្រំដែនរបស់រុស្ស៊ី។
សម្ព័ន្ធមិត្តផ្សេងទៀតរបស់ទីក្រុងកៀវ ក៏កំពុងផ្គត់ផ្គង់អាវុធរយៈចម្ងាយឆ្ងាយមួយចំនួនផងដែរ ដោយមានការរឹតត្បិតលើការប្រើប្រាស់ និងពេលណាដែលអ៊ុយក្រែនអាចប្រើប្រាស់បាននៅក្នុងប្រទេសរុស្ស៊ី ដោយសារមានការព្រួយបារម្ភថា ការវាយប្រហារបែបនេះអាចជំរុញឱ្យមានការសងសឹកដែលទាញប្រទេសណាតូចូលទៅក្នុងសង្រ្គាម ឬបង្កជម្លោះនុយក្លេអ៊ែរ។
តែទោះបីជាយ៉ាងណាក្នុងរយៈពេលប៉ុន្មានខែថ្មីៗនេះ ប្រធានាធិបតីអ៊ុយក្រែនលោក វ៉ុលឌីមៀ ហ្សេលេនស្គី បានរិះគន់ល្បឿននៃការផ្តល់សព្វាវុធ និងបានស្នើសុំការអនុញ្ញាតឱ្យវាយប្រហារគោលដៅជ្រៅៗនៅក្នុងប្រទេសរុស្ស៊ីជាមួយនឹងមីស៊ីលដែលផ្គត់ផ្គង់ដោយលោកខាងលិចដែលអាមេរិកបានព្យាយាមទប់មិនឱ្យប្រើរហូតមកដល់ពេលនេះ៕
អត្ថបទ៖ ប៊ុន សុភាព
ធនាគារជាតិឱ្យស្ថានប័នផ្ដល់ប្រាក់កម្ចី ប្រគល់ ឯកសារបញ្ចាំ ជូនអតិថជនវិញយ៉ាងយូរ ៧ ថ្ងៃ ក្រោយបង់ផ្ដាច់
លោក យឿន ពិសី សន្យាចូលរួមជួយផ្សព្វផ្សាយ ដើម្បីរកជំនួយជួយទ្រទ្រង់មន្ទីរពេទ្យគន្ធបុប្ផា
ភ្លៀងធ្លាក់ខ្លាំងមិនធ្លាប់មានក្នុងមួយទសវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
សមាគមសិល្បករខ្មែរ ទទួលបានការបណ្តុះបណ្តាលពីឥទ្ធិពលដ៏អាក្រក់ នៃការប្រើប្រាស់គ្រឿងញៀន
ធឿន ធារ៉ា អាចនឹងប៉ះ ឈឿង ល្វៃ ក្នុងព្រឹត្តិការណ៍យុទ្ធគុនចម្រុះបុរាណខ្មែរ
ជប៉ុន ចាប់ផ្តើមរកឃើញមនុស្សស្លាប់ ដោយសារគ្រោះទឹកជំនន់ធ្ងន់ធ្ងរ នៅភាគកណ្តាល
ភ្លៀងធ្លាក់ខ្លាំងមិនធ្លាប់មានក្នុងមួយទសវត្សរ៍នៅកូរ៉េខាងត្បូង ប្រែក្លាយទីក្រុងទៅជាទន្លេ
វៀតណាម បើកទឹក ចេញពីទំនប់វារីអគ្គិសនីធំបំផុតនៅភាគខាងត្បូង
៦ខេត្តរបស់ថៃ នៅតែរងគ្រោះ ដោយទឹកជំនន់
កម្ពុជា ជោគជ័យក្នុងការនាំចេញផលិតផលគ្រាប់ស្វាយចន្ទីជាលើកដំបូង ទៅខេត្តហឺណាន ប្រទេសចិន
-
ព័ត៌មានជាតិ១ សប្តាហ៍ agoព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៤ ថ្ងៃ agoព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ agoឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ agoអឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ agoវៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ agoBreaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៥ ថ្ងៃ agoព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៦ ថ្ងៃ agoព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា