ថៃ ព្រមានឲ្យខេត្តចំនួន៤៨ រួមទាំងរាជធានីបាងកក ត្រូវប្រយ័ត្នគ្រោះទឹកជំនន់

តាមការចុះផ្សាយរបស់ Bangkok Post នៅថ្ងៃពុធទី១១ខែកញ្ញាឆ្នាំ២០២៤, ប្រទេសថៃ បានចេញការព្រមានឲ្យប្រជាជនរស់នៅក្នុងខេត្តចំនួន៤៨ រួមទាំងរាជធានីបាងកកផងដែរ ត្រូវប្រុងប្រយ័ត្នខ្ពស់ចំពោះភ្លៀងធ្លាក់ខ្លាំងនិងទឹកជំនន់ដែលវាយប្រហារភ្លាមៗ ចាប់ពីថ្ងៃទី១៣ដល់ទី១៨ខែនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខេត្តទាំងនោះរួមមាន Chiang Rai, Chiang Mai, Mae Hong Son, Tak, Phayao, Nan, Phrae, Uttaradit, Phitsanulok, Kamphaeng Phet, Phichit, Nakhon Sawan, Phetchabun, Loei, Nong Khai, Bueng Kan, Nakhon Phanom, Khon Kaen, Maha Sarakham, Roi-Et, Yasothon, Nakhon Ratchasima, Buri Ram, Surin, Si Sa Ket, Ubon Ratchathani, Lop Buri, Saraburi, Nakhon Nayok, Prachin Buri, Chon Buri, Rayong, Chanthaburi, Trat, Chumphon, Ranong, Phangnga, Phuket, Krabi, Surat Thani, Trang, Satun,​ បាងកកនិងខេត្តជុំវិញនេះផ្សេងទៀត។

ការិយាល័យធនធានទឹកជាតិ (ONWR) បានបង្ហោះជូនដំណឹងលើទំព័រ Facebook ថា ដោយសារតែខ្យល់មូសង់នឹងបង្កើនកម្លាំងក្នុងអំឡុងពេលនោះ វានឹងជះឥទ្ធិពលខ្លាំងដល់តំបន់នៅប៉ែកខាងលើ ហើយបង្កឲ្យមានភ្លៀងធ្លាក់ខ្លាំង វាយប្រហារជាពិសេសចំពោះសហគមន៍ងាយរងគ្រោះដោយទឹកជំនន់។

ទន្ទឹមនឹងការព្រមាននេះ នាយកដ្ឋានបង្ការនិងកាត់បន្ថយគ្រោះមហន្តរាយថៃ ក៏បានរាយការណ៍ដែរថា ទឹកជំនន់និងបំណាក់ដីដែលបណ្តាលមកពីឥទ្ធិពលនៃព្យុះ យ៉ាកជី បានឆក់យកជីវិតមនុស្សចំនួន៤នាក់ នៅភាគខាងជើងប្រទេស។

ដោយឡែក បើយោងតាមមជ្ឈមណ្ឌលប្រតិបត្តិការគ្រាអាសន្នវិញ, មានមនុស្សសរុប២៩នាក់ហើយ ដែលត្រូវបាត់បង់ជីវិតនៅក្នុងគ្រោះធម្មជាតិ ចាប់តាំងពីប្រទេសថៃ ឈានចូលដល់រដូវភ្លៀងធ្លាក់មក៕

អត្ថបទ៖ សុខ សុវណ្ណ

ចុចអាន៖ ទឹកជំនន់​វាយប្រហារ​ចូល​ដល់​ខេត្ត​ភាគ​កណ្តាល​ថៃ​ មាន​ Ayutthaya ជាដើម​