ព័ត៌មានអន្ដរជាតិ
ទប់លែងឈ្នះ ចិន បង្ខំចិត្តបើកទ្វារទំនប់ទឹកនៅខេត្ត យូណាន
ដោយសារតែកម្រិតទឹកឡើងដល់កម្រិតគ្រោះថ្នាក់ ប្រទេសចិន កាលពីថ្ងៃពុធទី១១ខែកញ្ញាឆ្នាំ២០២៤ បានបង្ខំចិត្តបើកទ្វារទំនប់ទឹក Madushan នៅផ្នែកខាងលើនៃទន្លេ Lo ប៉ុន្តែការបើករំដោះទឹកនេះ គឺមានកម្រិតទាបជាងផែនការដោយសារតែសំណើរបស់វៀតណាម។

តាមការបញ្ជាក់ពីអាជ្ញាធរចិន, ភ្លៀងធ្លាក់ខ្លាំងធ្វើឲ្យកម្រិតទឹកហក់ឡើង បណ្តាលឲ្យទំនប់នៅខេត្តយូណានមួយនេះមានហានិភ័យ ទើបខ្លួនសម្រេចចិត្តបើកទ្វាររំដោះទឹកតែម្តង ប៉ុន្តែយ៉ាងណា ខ្លួនក៏បានជូនដំណឹងដល់ខេត្ត Ha Giang នៃប្រទេសវៀតណាម ជាមុនរួចហើយដែរ។
តាមផែនការ, ទំនប់ Madushan ត្រូវបើករំដោះទឹក២៥០ម៉ែត្រគូបក្នុងមួយវិនាទី ប៉ុន្តែក្រោយទទួលសំណើពីភាគីវៀតណាម ចិនក៏យល់ព្រមបន្ថយមកត្រឹម២០០ម៉ែត្រគូប ក្នុងមួយវិនាទីវិញ។
យ៉ាងណាក្តី ចិន គូសបញ្ជាក់ថា ការបើកនេះគឺមានដែនកំណត់ ហើយខ្លួនបើកតែទ្វារទំនប់ Madushan មួយប៉ុណ្ណោះ ពោលគឺមិនបើកនៅទំនប់ផ្សេងទៀត នៅផ្នែកខាងលើដងទន្លេ Lo ទេ។

ពាក់ព័ន្ធរឿងនេះដែរ មន្ត្រីកសិកម្មវៀតណាមនិយាយថា ការបើកទំនប់ Madushan នឹងមិនប៉ះពាល់ខ្លាំង ដល់តំបន់ខាងក្រោមខ្សែទឹកក្នុងប្រទេសវៀតណាមឡើយ។
ទន្ទឹមនោះ គណៈកម្មាធិការប្រជាជននៃខេត្ត Ha Giang ក៏បានចេញសេចក្តីប្រកាស ឲ្យប្រជាជនរស់នៅតាមដងទន្លេ ត្រូវប្រុងប្រយ័ត្នផងដែរ។
សូមបញ្ជាក់ថា ពាក់ព័ន្ធគ្រោះធម្មជាតិ គិតត្រឹមព្រឹកថ្ងៃព្រហស្បតិ៍ទី១២ខែកញ្ញាឆ្នាំ២០២៤ ចំនួនមនុស្សស្លាប់នៅវៀតណាម បានកើនឡើងដល់១៨១នាក់នាក់ហើយ ខណៈ១៤៥នាក់ទៀត កំពុងបាត់ខ្លួន៕
អត្ថបទ៖ សុខ សុវណ្ណ
ចុចអាន៖ ទំនប់វារីអគ្គិសនីស្ទឹងអាតៃខេត្តពោធិ៍សាត់ជួបបញ្ហាខ្វះទឹករយៈពេល៣ខែនៅរដូវប្រាំង

-
ព័ត៌មានអន្ដរជាតិ៦ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៣ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានជាតិ១៦ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៤ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ២ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?