ព័ត៌មានអន្ដរជាតិ
ទីក្រុង វៀងចន្ទន៍ ប្រកាសអាសន្នគ្រោះទឹកជំនន់ ខណៈទឹកទន្លេមេគង្គ ហក់ឡើងខ្ពស់
កម្ពស់ទឹកទន្លេមេគង្គបានឡើងដល់កម្រិតប្រកាសអាសន្នហើយនៅខេត្ត ហ្លួងព្រះបាង និងរដ្ឋធានី វៀងចន្ទន៍ នៃប្រទេសឡាវ ខណៈមន្ត្រីព្យាករអាកាសធាតុព្រមានថា ២ថ្ងៃទៀត វៀងចន្ទន៍ អាចរងគ្រោះដោយទឹកជំនន់។
តាមសេចក្តីរាយការណ៍របស់ Vientiane Times នៅថ្ងៃព្រហស្បតិ៍ទី១២ខែកញ្ញាឆ្នាំ២០២៤, កម្ពស់ទឹកទន្លេមេគង្គនិងដៃទន្លេបានឡើងដល់កម្រិតប្រកាសអាសន្ននៅតំបន់មួយចំនួន ហើយគេព្យាករថា មិនយូរមិនឆាប់កម្ពស់ទឹក នឹងឈានដល់កម្រិតគ្រោះថ្នាក់ធ្ងន់ធ្ងរ។
នៅ ហ្លួងព្រះបាង, ទឹកទន្លេបានឡើងដល់ ១៧.៥ម៉ែត្រ ពោលគឺជិតដល់កម្រិតប្រកាសអាសន្នធ្ងន់ធ្ងរដែលកំណត់ត្រឹម ១៨.៣ម៉ែត្រ ខណៈ វៀងចន្ទន៍ អាចជន់លិចនៅថ្ងៃទី១៤ខែកញ្ញា។
ទន្ទឹមនេះ អាជ្ញាធរខេត្ត ហ្លួងព្រះបាង បានអំពាវនាវឲ្យប្រជាពលរដ្ឋដែលរស់នៅតាមតំបន់វាលទំនាប ត្រូវត្រៀមខ្លួនជាប់ជានិច្ច ក្នុងការជម្លៀសទៅកាន់ទីទួលសុវត្ថិភាព ខណៈបច្ចុប្បន្ន ទឹកជំនន់បានប៉ះពាល់ដល់ផ្ទះនិងហាងលក់ដូរជាច្រើនរួចទៅហើយ។
ចំណែកនៅភាគខាងជើងប្រទេសវិញ ក៏កំពុងជួបប្រទះនឹងគ្រោះទឹកជំនន់ដ៏អាក្រក់បំផុត មិនធ្លាប់មានសោះក្នុងរយៈពេលប៉ុន្មានឆ្នាំចុងក្រោយនេះផងដែរ ដោយសារតែឥទ្ធិពលព្យុះ យ៉ាកជី។
នៅខេត្ត ហ្លួងណាំថា, ទឹកទន្លេ ណាំថា បានហក់ឡើងយ៉ាងគំហុក បង្កឲ្យមានការជន់លិចទ្រង់ទ្រាយធំបំផុតដែលខេត្តនេះមិនធ្លាប់ជួបប្រទះសោះចាប់តាំងពីឆ្នាំ២០០៨មក។
ទោះបីជាយ៉ាងណាក៏ដោយ រដ្ឋាភិបាលឡាវ មិនទាន់ចេញរបាយការណ៍ផ្លូវការណាមួយ ពាក់ព័ន្ធតួលេខជនរងគ្រោះឬការខូចខាតនោះទេ៕
អត្ថបទ៖ សុខ សុវណ្ណ
ចុចអាន៖ ខេត្តឈៀងម៉ៃនិងឈៀងរ៉ៃ របស់ថៃ ជួបគ្រោះទឹកជំនន់ធ្ងន់ធ្ងរបំផុតក្នុងរយៈពេល៣០ឆ្នាំ
-
ព័ត៌មានអន្ដរជាតិ៣ ថ្ងៃ ago
បាក់ស្ពាននៅវៀតណាម ធ្លាក់រថយន្តនិងម៉ូតូច្រើនគ្រឿងចូលទន្លេ
-
ព័ត៌មានអន្ដរជាតិ២២ ម៉ោង ago
មិនត្រឹមទឹកជំនន់ ពេលនេះ ទីក្រុងហាណូយ ចេញការព្រមានអំពីរន្ទះបាញ់ ថែមទៀត
-
ព័ត៌មានអន្ដរជាតិ៣ ថ្ងៃ ago
វៀតណាមជួបគ្រោះផ្ទួនៗ ព្យុះទីហ្វុងផងនិងរញ្ជួយដីផង
-
ព័ត៌មានអន្ដរជាតិ២១ ម៉ោង ago
ថៃ ព្រមានឲ្យខេត្តចំនួន៤៨ រួមទាំងរាជធានីបាងកក ត្រូវប្រយ័ត្នគ្រោះទឹកជំនន់
-
ព័ត៌មានអន្ដរជាតិ៤ ថ្ងៃ ago
វៀតណាម មានមនុស្សស្លាប់និងរបួសសរុប ៨២នាក់ ដោយឥទ្ធិពលព្យុះ យ៉ាកជី
-
ចរាចរណ៍១ សប្តាហ៍ ago
ចាប់វាយខ្នោះលោក ម៉ៃ សុគន្ធ បន្ទាប់ពីព្យាយាមបើករថយន្ដគេចពីសមត្ថកិច្ចរហូតបង្កគ្រោះថ្នាក់ចរាចរណ៍
-
សន្តិសុខសង្គម៥ ថ្ងៃ ago
អ្នកលក់អនឡាញ Madam da ត្រូវមហាជនរិះគន់យ៉ាងខ្លាំង ក្រោយជិះម៉ូតូមិនពាក់មួក ប្រសេចប្រសាចពេញទីក្រុង
-
ព័ត៌មានអន្ដរជាតិ១ ថ្ងៃ ago
ហាណូយ ប្រកាសអាសន្នថែមមួយកម្រិតទៀត ដែលជាកម្រិតធ្ងន់ ព្រោះទឹកជំនន់