ព័ត៌មានអន្ដរជាតិ
ទឹកជំនន់ធ្ងន់ធ្ងរ! ខេត្ត ឈៀងរ៉ៃ លុបចោលជើងហោះហើរ ចេញ-ចូល ទាំងអស់
តាមការចុះផ្សាយរបស់ Bangkok Post នៅថ្ងៃព្រហស្បតិ៍ទី១២ខែកញ្ញាឆ្នាំ២០២៤, ដោយសារស្ថានភាពគ្រោះទឹកជំនន់នៅភាគខាងជើងប្រទេសថៃ ហាក់ធ្ងន់ធ្ងរឡើងៗ ខេត្តឈៀងរ៉ៃ បានប្រកាសលុបចោលជើងហោះហើរ ចេញ-ចូលខេត្តនេះទាំងអស់។
មុននេះ រដ្ឋមន្ត្រីក្រសួងដឹកជញ្ជូន លោក Suriya Juangroongruangkit ក៏បានណែនាំដល់សាធារណជន ឲ្យចៀសវាងធ្វើដំណើរទៅអាកាសយានដ្ឋានផងដែរ ដោយសារផ្លូវចូលត្រូវលិចទឹកជ្រៅ។
ជើងហោះហើរចុងក្រោយដែលហោះមកអាកាសយានដ្ឋានអន្តរជាតិ Mae Fah Luang Chiang Rai មុនការប្រកាសលុបចោល គឺជើងហោះហើរ FD 3209 របស់ក្រុមហ៊ុន AirAsia ដែលហោះចេញពីព្រលាន Don Mueang នៅម៉ោង ១:១០រសៀលថ្ងៃព្រហស្បតិ៍ទី១២ខែកញ្ញា។
សូមបញ្ជាក់ថា ក្រៅពីឈៀងរ៉ៃ, ខេត្ត ឈៀងម៉ៃ ក៏កំពុងជួបប្រទះទឹកជំនន់ធ្ងន់ធ្ងរបំផុតមិនធ្លាប់មានសោះក្នុងរយៈពេល៣០ឆ្នាំមកនេះផងដែរ។
អគ្គិសនីក៏ត្រូវកាត់ផ្តាច់ដែរដើម្បីការពារករណីឆក់ ហើយកងកម្លាំងបានដាក់ពង្រាយ ដើម្បីឈរជើងចាំជួយជនរងគ្រោះដោយទឹកជំនន់ ជាពិសេសនៅតាមតំបន់មានហានិភ័យខ្ពស់។
លើសពីនេះ ខេត្តឈៀងរ៉ៃ បានព្រមានដល់ពលរដ្ឋរស់នៅតាមដងទន្លេ សៃ ត្រូវតាមដានស្ថានភាពទឹកឲ្យបានដិតដល់ ហើយត្រៀមខ្លួនជម្លៀសជាបន្ទាន់ក្នុងករណីចាំបាច់៕
អត្ថបទ៖ សុខ សុវណ្ណ
ចុចអាន៖ ខេត្តឈៀងម៉ៃនិងឈៀងរ៉ៃ របស់ថៃ ជួបគ្រោះទឹកជំនន់ធ្ងន់ធ្ងរបំផុតក្នុងរយៈពេល៣០ឆ្នាំ
-
ព័ត៌មានអន្ដរជាតិ៣ ថ្ងៃ ago
បាក់ស្ពាននៅវៀតណាម ធ្លាក់រថយន្តនិងម៉ូតូច្រើនគ្រឿងចូលទន្លេ
-
ព័ត៌មានអន្ដរជាតិ១ ថ្ងៃ ago
មិនត្រឹមទឹកជំនន់ ពេលនេះ ទីក្រុងហាណូយ ចេញការព្រមានអំពីរន្ទះបាញ់ ថែមទៀត
-
ព័ត៌មានអន្ដរជាតិ៣ ថ្ងៃ ago
វៀតណាមជួបគ្រោះផ្ទួនៗ ព្យុះទីហ្វុងផងនិងរញ្ជួយដីផង
-
ព័ត៌មានអន្ដរជាតិ១ ថ្ងៃ ago
ថៃ ព្រមានឲ្យខេត្តចំនួន៤៨ រួមទាំងរាជធានីបាងកក ត្រូវប្រយ័ត្នគ្រោះទឹកជំនន់
-
ព័ត៌មានអន្ដរជាតិ៤ ថ្ងៃ ago
វៀតណាម មានមនុស្សស្លាប់និងរបួសសរុប ៨២នាក់ ដោយឥទ្ធិពលព្យុះ យ៉ាកជី
-
ចរាចរណ៍១ សប្តាហ៍ ago
ចាប់វាយខ្នោះលោក ម៉ៃ សុគន្ធ បន្ទាប់ពីព្យាយាមបើករថយន្ដគេចពីសមត្ថកិច្ចរហូតបង្កគ្រោះថ្នាក់ចរាចរណ៍
-
ព័ត៌មានជាតិ៩ ម៉ោង ago
ផុតពីព្យុះ យ៉ាកជី ព្យុះទី១៣ឈ្មោះ ប៊ីប៊ីនកា បានចូលមកបន្ត កម្ពុជា ក៏ត្រូវរងឥទ្ធិពលផងដែរចាប់ពីថ្ងៃទី១២ ដល់ទី១៤កញ្ញានេះ
-
ព័ត៌មានអន្ដរជាតិ៣ ម៉ោង ago
ទីក្រុង វៀងចន្ទន៍ ប្រកាសអាសន្នគ្រោះទឹកជំនន់ ខណៈទឹកទន្លេមេគង្គ ហក់ឡើងខ្ពស់