ព័ត៌មានអន្ដរជាតិ
អាមេរិក អនុម័តការលក់រថយន្តសណ្ដោងរថក្រោះខ្នាតធំតម្លៃ១៦៥លានដុល្លារឲ្យអ៊ីស្រាអែល
ក្រសួងការបរទេសអាមេរិក បានប្រកាសកាលពីថ្ងៃព្រហស្បតិ៍ថា សហរដ្ឋអាមេរិកបានយល់ព្រមលក់រថយន្តសណ្ដោងរថក្រោះខ្នាតធំក្នុងតម្លៃ ១៦៥លានដុល្លារឲ្យទៅអ៊ីស្រាអែល។ នេះបើយោងតាមការចុះផ្សាយរបស់សារព័ត៌មាន The Times of Israel នៅថ្ងៃសុក្រទី១៣ខែកញ្ញា។
ការលក់នេះក៏រួមបញ្ចូលទាំងគ្រឿងបន្លាស់ និងគ្រឿងជួសជុល ក៏ដូចជាឧបករណ៍ជំនួយបច្ចេកទេសមួយចំនួនផងដែរ។ ចំណែកឯការដឹកជញ្ជូនរថយន្តសណ្ដោងទាំងនោះឲ្យអ៊ីស្រាអែល នឹងធ្វើឡើងនៅក្រោយឆ្នាំ២០២៧។
កាលពីដើមឆ្នាំ២០២៤ សហរដ្ឋអាមេរិកបានប្រកាសកញ្ចប់ជំនួយសព្វាវុធចំនួន ២០ពាន់លានដុល្លារសម្រាប់អ៊ីស្រាអែល ក្នុងនោះក៏មានការទិញលក់យន្តហោះចម្បាំង F-15 ផងដែរ។ មិនខុសពីការទិញលក់រថយន្តសណ្ដោងរថក្រោះ យន្តហោះចម្បាំងទាំងនោះនឹងមិនត្រូវបានប្រគល់ឲ្យអ៊ីស្រាអែលភ្លាមៗនោះឡើយ ពោលគឺត្រូវរង់ចាំប៉ុន្មានឆ្នាំទើបអាមេរិកដឹកជញ្ជូនឲ្យអ៊ីស្រាអែល ដែលនេះបានន័យថាវានឹងមិនមានការជះឥទ្ធិពលណាមួយចំពោះប្រតិបត្តិការយោធារបស់អ៊ីស្រាអែលជាមួយក្រុមហាម៉ាសនៅតំបន់ហ្គាហ្សានាពេលបច្ចុប្បន្ននោះទេ។
រដ្ឋបាលរបស់លោក ចូ បៃដិន បានព្យាយាមធ្វើឲ្យមានតុល្យភាពចំពោះការគាំទ្ររបស់ខ្លួនសម្រាប់អ៊ីស្រាអែល ក្រោយមានការកើនឡើងនៃការអំពាវនាវកាន់តែខ្លាំងពីសមាជិកសភា និងសាធារណជន ដើម្បីទប់ស្កាត់ការគាំទ្រផ្នែកយោធា ព្រោះមានជនស៊ីវិលបាត់បង់ជីវិតជាច្រើននាក់នៅតំបន់ហ្គាហ្សា។ តួយ៉ាង នាពេលកន្លងមក អាមេរិកបានផ្អាកការចែកចាយប្រភេទគ្រាប់បែកទម្ងន់ ២ពាន់ផោនទៅឲ្យអ៊ីស្រាអែល ដោយលើកឡើងពីការព្រួយបារម្ភថា គ្រាប់បែកខ្នាតយក្សទាំងនេះអាចប្រើប្រាស់នៅក្នុងតំបន់ពោរពេញដោយជនស៊ីវិលរស់នៅយ៉ាងក្រាស់ក្រែលក្នុងតំបន់ហ្គាហ្សា។
សង្គ្រាមបានផ្ទុះឡើងកាលពីថ្ងៃទី៧ខែតុលាឆ្នាំ២០២៣ ដោយសារការវាយលុករបស់ក្រុមសកម្មប្រយុទ្ធហាម៉ាសនៅលើទឹកដីអ៊ីស្រាអែល ដែលបណ្ដាលឲ្យមនុស្សប្រហែល១២០០នាក់បានស្លាប់ ហើយមានការចាប់ចំណាប់ខ្មាំងចំនួន ២៥១នាក់ទៅតំបន់ហ្គាហ្សា។ ជាការសងសឹក អ៊ីស្រាអែល បានវាយប្រហារក្រុមហាម៉ាសនៅហ្គាហ្សា ហើយបណ្ដាលឲ្យមនុស្សជាង ៤១ ០០០នាក់ត្រូវបានសម្លាប់ ដោយភាគច្រើនគឺជាជនស៊ីវិល។
អ៊ីស្រាអែលបាននិយាយថា ខ្លួនព្យាយាមកាត់បន្ថយការសម្លាប់ជនស៊ីវិល និងសង្កត់ធ្ងន់ថា ក្រុមហាម៉ាសបានប្រើប្រាស់ជនស៊ីវិលនៅតំបន់ហ្គាហ្សាជាខែលការពារខ្លួន ដោយបើកការប្រយុទ្ធចេញពីតំបន់ស៊ីវិល រួមមានដូចជា ផ្ទះប្រជាជន មន្ទីរពេទ្យ សាលារៀន និងវិហារអ៊ីស្លាម ជាដើម៕
ដោយ៖ ឈាង
ព្រះខ័នរាជស្វាយរៀងនាំចូលប្រយុទ្ធថ្មី Caetano ត្រៀមពានអាស៊ី
កម្លាំងនាយកដ្ឋានព្រហ្មទណ្ឌ បំបែកសំណុំរឿងឃាតកម្មនៅស្រុកឈូក ខេត្តកំពត
រដ្ឋមន្ត្រីការពារជាតិអាមេរិកច្រានចោលការរិះគន់ដែលថា រដ្ឋបាលត្រាំក្បត់សម្ព័ន្ធមិត្ត
ឯកឧត្តម ទេព អស្នារិទ្ធ ចេញញត្តិថ្កោលទោសយ៉ាងដាច់អហង្ការ ចំពោះគម្រោងវាយប្រហារដោយដ្រូន ចូលភូមិគ្រឹះរបស់សម្តេចតេជោ ហ៊ុន សែន
ឯកឧត្តម នេត្រ ភក្រ្តា រដ្ឋមន្ត្រីក្រសួងព័ត៌មាន ចេញញត្តិថ្កោលទោសយ៉ាងដាច់អហង្ការ ចំពោះគម្រោងវាយប្រហារដោយដ្រូន ចូលភូមិគ្រឹះរបស់សម្តេចតេជោ ហ៊ុន សែន
G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
UNICEF ចេញសេចក្តីថ្លែងការណ៍ទាក់ទងនឹងករណីកូនប្រុស G-Devith ដោយគូសបញ្ជាក់ ២ចំណុចធំ
ទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ
អភិបាលរងខេត្តស្វាយរៀង÷ យុវជន ត្រូវមាន មានស្មារតីស្នេហាជាតិ ជួយជាតិ លើកកម្ពស់មុខមាត់ជាតិឱ្យបានច្រើន
អ្នកឧកញ៉ា៣រូប បរិច្ចាគជាង១លានដុល្លារ សង់អគារសាកលវិទ្យាល័យសម្ដេចព្រះមហាសង្ឃរាជ បួរ គ្រី នៅខេត្តកណ្ដាល
-
សន្តិសុខសង្គម៣ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ៦ ថ្ងៃ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៦ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៣ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៥ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ៦ ម៉ោង agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ជីវិតកម្សាន្ដ៣ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៣ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត