ព័ត៌មានអន្ដរជាតិ

កម្ពស់ទឹកទន្លេមេគង្គនៅភាគឦសានប្រទេសថៃ ហក់ឡើងខ្ពស់គួរឲ្យបារម្ភ

បានផុស

៧ ខែ មុន

នៅ

ថ្ងៃសុក្រ ១៣ កញ្ញា ២០២៤

ដោយ

ក្រៅពីខេត្តឈៀងម៉ៃនិងឈៀងរ៉ៃ កំពុងរងគ្រោះដោយការជន់លិច, នៅខេត្ត Nakhon Phanom ភាគឦសានប្រទេសថៃវិញ ទឹកទន្លេមេគង្គក៏បានហក់ឡើងខ្ពស់ដល់ជាង១០ម៉ែត្រ ដែលជាហេតុបង្កឲ្យមានក្តីព្រួយបារម្ភអំពីគ្រោះទឹកជំនន់ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការចុះផ្សាយរបស់ Bangkok Post នៅថ្ងៃសុក្រទី១៣ខែកញ្ញាឆ្នាំ២០២៤, ដោយសារតែភ្លៀងធ្លាក់ខ្លាំងនិងលំហូរទឹកមកពីភាគខាងជើង, កម្ពស់ទឹកក្នុងខេត្ត Nakhon Phanom បានឡើងដល់ ១០.១១ម៉ែត្រ ពោលគឺនៅក្រោមកម្រិតប្រកាសអាសន្ន ដែលកំណត់ត្រឹម១២ម៉ែត្រ។

ទោះបីជាយ៉ាងណាក៏ដោយ អាជ្ញាធរខេត្តបានជូនដំណឹងដល់មន្ត្រីនៅក្នុងតំបន់ដែលមានហានិភ័យ ដូចជាស្រុក Ban Phaeng, Tha Uthen, Muang និង That Phanom ឲ្យត្រៀមខ្លួនទប់ទល់នឹងគ្រោះទឹកជំនន់ដែលអាចកើតមាននៅក្នុងសហគមន៍និងតំបន់សេដ្ឋកិច្ច។

ស្របពេលជាមួយគ្នានោះ អាជ្ញាធរក៏ព្រមានឲ្យប្រជាពលរដ្ឋ ត្រៀមខ្លួនជម្រៀសផងដែរក្នុងករណីបន្ទាន់ណាមួយ៕

អត្ថបទ៖ សុខ សុវណ្ណ

ចុចអាន៖ ទឹកជំនន់ធ្ងន់ធ្ងរ! ខេត្ត ឈៀងរ៉ៃ លុបចោលជើងហោះហើរ ចេញ-ចូល ទាំងអស់