ថ្ងៃអាទិត្យនេះ ទឹកទន្លេមេគង្គនៅ វៀងចន្ទន៍ នឹងឡើងដល់ចំណុចកំពូល ដ៏គ្រោះថ្នាក់

តាមការព្រមានពីគណៈកម្មការទន្លេមេគង្គ (MRC), កម្ពស់ទឹកទន្លេមេគង្គនៅទីក្រុងវៀងចន្ទន៍នៃប្រទេសឡាវ នឹងឡើងដល់ចំណុចកំពូល ដែលជាកម្រិតគ្រោះថ្នាក់នៅថ្ងៃអាទិត្យនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

MRC ព្រមានថា នៅថ្ងៃអាទិត្យ ទឹកទន្លេមេគង្គនឹងហក់ឡើងដល់១៣.១៦ម៉ែត្រ ពោលគឺលើសកម្រិតប្រកាសអាសន្នធ្ងន់ធ្ងរ ០.៩ម៉ែត្រ។

កម្ពស់ទឹកឡើងដល់កំពូលបែបនេះ នឹងបំបែកកំណត់ត្រាទឹកធំ ដែលទីក្រុងវៀងចន្ទន៍ ធ្លាប់ជួបប្រទះក្នុង១៩៦៦ និង២០០៨។

ពាក់ព័ន្ធរឿងនេះដែរ អ្នកក្រុងវៀងចន្ទន៍និងបុគ្គលិកក្រុមហ៊ុនមួយចំនួន បាននាំគ្នាច្រកបាវខ្សាច់ជុំវិញផ្ទះនិងអគារ ដើម្បីទប់ទល់នឹងទឹកជំនន់រួចទៅហើយ។

មិនមែនតែវៀងចន្ទន៍ទេ សូម្បីខេត្តហ្លួងព្រះបាង, អាជ្ញាធរនៅទីនោះ ក៏បានចេញការព្រមាននិងត្រៀមខ្លួនជម្លៀសផងដែរ ប្រសិនបើមានករណ៍បន្ទាន់ណាមួយកើតឡើង៕

អត្ថបទ៖ សុខ សុវណ្ណ

ចុចអាន៖ ទឹកទន្លេមេគង្គនៅ ហ្លួងព្រះបាង ឡើងដល់កម្រិតគ្រោះថ្នាក់ធ្ងន់ធ្ងរ ខណៈអ្នកក្រុងវៀងចន្ទន៍ ត្រៀមខ្លួនជម្លៀស