ព័ត៌មានអន្ដរជាតិ
លោក ត្រាំ ត្រូវគេប៉ងធ្វើឃាតម្តងទៀត
អតីតប្រធានាធិបតីអាមេរិកលោក ដូណាល់ ត្រាំ ត្រូវខ្មាន់កាំភ្លើងប៉ងធ្វើឃាតជាថ្មី ដោយហេតុការណ៍លើកនេះ កើតឡើងនាវេលាម៉ោង ១:៣០នាទីរសៀល នៅឯទីលានវាលកូនហ្គោលអន្តរជាតិរបស់គាត់ ក្នុងទីក្រុង West Palm Beach នៃរដ្ឋ ហ្វ្លរីដា កាលពីថ្ងៃអាទិត្យទី១៥ខែកញ្ញាឆ្នាំ២០២៤។
ទោះបីជាយ៉ាងណាក៏ដោយ បេក្ខជនឈរឈ្មោះបោះឆ្នោតគណបក្សសាធារណរដ្ឋរូបនេះ មិនមានរបួសអ្វីទេ ហើយត្រូវជម្លៀសទៅកាន់កន្លែងសុវត្ថិភាព ខណៈជនសង្ស័យឈ្មោះ Ryan Wesley Routh ត្រូវនាំទៅឃុំឃាំង។
យោងតាមប្រភពព័ត៌មានមួយចំនួន, ខ្មាន់កាំភ្លើងរូបនេះ គឺជាកម្មករសំណង់ និងជាអ្នកចុះឈ្មោះបោះឆ្នោតឲ្យគណបក្សប្រជាធិបតេយ្យ។ សេវាសម្ងាត់បញ្ជាក់ថា ជនសង្ស័យមានប្រដាប់ដោយកាំភ្លើង AK-47 ហើយកំពុងពួនក្នុងព្រៃនៅខាងក្រៅរបងទីលានវាយកូនហ្គោល បម្រុងនឹងធ្វើសកម្មភាព ខណៈពេលលោក ត្រាំ កំពុងតែលេងកីឡានេះ ប៉ុន្តែត្រូវសេវាសម្ងាត់ប្រទះឃើញ រួចបាញ់៤គ្រាប់ស្កាត់មុន។
ភ្លាមៗនោះ ជនសង្ស័យក៏ព្យាយាមរត់គេចពីកន្លែងកើតហេតុ ចូលទៅក្នុងរថយន្ត Nissan ពណ៌ខ្មៅមួយគ្រឿង ប៉ុន្តែត្រូវកងកម្លាំងចាប់ខ្លួនបាន។
បច្ចុប្បន្ន គេមិនទាន់ដឹងច្បាស់អំពីមូលហេតុដែលជនសង្ស័យប៉ងធ្វើឃាតលោក ត្រាំ នោះទេ ខណៈ FBI កំពុងបើកការស៊ើបអង្កេត។
សូមបញ្ជាក់ថា ឧបទ្ទវហេតុនេះកើតឡើងត្រឹមតែប៉ុន្មានសប្តាហ៍ប៉ុណ្ណោះ បន្ទាប់ពីលោក ត្រាំ បានរួចរស់ជីវិតពីការប៉ុនប៉ងធ្វើឃាត អំឡុងពេលជួបជុំអ្នកគាំទ្រនៅរដ្ឋ Pennsylvania។
ពេលនោះ លោកត្រាំ ត្រូវរបួសត្រចៀក ដោយគ្រាប់កាំភ្លើងរបស់ Thomas Matthew Crooks ប៉ុន្តែជនសង្ស័យត្រូវអ្នកបាញ់ស៊ីប បាញ់សម្លាប់នៅនឹងកន្លែង៕
អត្ថបទ៖ សុខ សុវណ្ណ
ចុចអាន៖ ត្រាំ ឈរនិយាយក្នុងកញ្ចក់ការពារគ្រាប់ ពេលជួបអ្នកគាំទ្រនៅខាងក្រៅលើកដំបូង តាំងពីត្រូវគេលបប្រហារ
-
ព័ត៌មានអន្ដរជាតិ៧ ថ្ងៃ ago
បាក់ស្ពាននៅវៀតណាម ធ្លាក់រថយន្តនិងម៉ូតូច្រើនគ្រឿងចូលទន្លេ
-
ព័ត៌មានជាតិ៤ ថ្ងៃ ago
ក្រុមហ៊ុនរបស់កូរ៉េ គ្រោងនឹងបើករោងចក្រដំឡើងរថយន្តអគ្គិសនីនៅកម្ពុជា
-
ព័ត៌មានជាតិ៤ ថ្ងៃ ago
ផ្លូវមួយខ្សែ ប្រវែងជិត ១០ គីឡូម៉ែត្រ ក្នុងស្រុកបវេល កំពុងមានបញ្ហាយ៉ាងខ្លាំងដល់ការធ្វើដំណើរ
-
ព័ត៌មានអន្ដរជាតិ៧ ថ្ងៃ ago
បន្លែឡើងថ្លៃ ក្រោយវៀតណាមទទួលរងឥទ្ធិពលព្យុះយ៉ាកជី
-
ព័ត៌មានជាតិ៤ ថ្ងៃ ago
ផុតពីព្យុះ យ៉ាកជី ព្យុះទី១៣ឈ្មោះ ប៊ីប៊ីនកា បានចូលមកបន្ត កម្ពុជា ក៏ត្រូវរងឥទ្ធិពលផងដែរចាប់ពីថ្ងៃទី១២ ដល់ទី១៤កញ្ញានេះ
-
ព័ត៌មានជាតិ៥ ថ្ងៃ ago
មិនដល់១សប្ដាហ៍ផង សិល្បករ៣រូប ល្មើសច្បាប់បើកបរទាំងស្ថានភាពស្រវឹងខ្លាំង ផ្អើលអស់មហាជន
-
ព័ត៌មានអន្ដរជាតិ៥ ថ្ងៃ ago
មិនត្រឹមទឹកជំនន់ ពេលនេះ ទីក្រុងហាណូយ ចេញការព្រមានអំពីរន្ទះបាញ់ ថែមទៀត
-
ព័ត៌មានអន្ដរជាតិ៦ ថ្ងៃ ago
លើកដំបូងលើលោក! ចិន រកឃើញមេរោគស៊ីខួរក្បាលដ៏សាហាវ ឆ្លងមកមនុស្ស តាមសត្វចៃ