ព័ត៌មានអន្ដរជាតិ
លោក Zelenskiy ថា អ៊ុយក្រែនខាតបង់ច្រើន ព្រោះលោកខាងលិចផ្ដល់អាវុធយឺតពេក
លោកប្រធានាធិបតី Volodymyr Zelenskiy បានប្រាប់សារព័ត៌មាន CNN នៅក្នុងបទសម្ភាសន៍មួយដែលបានចាក់ផ្សាយកាលពីថ្ងៃអាទិត្យទី១៥ខែកញ្ញាថា កងទ័ពអ៊ុយក្រែនកំពុងទទួលរងការខាតបង់យ៉ាងខ្លាំង ដោយសារតែអាវុធរបស់លោកខាងលិចបានមកដល់យឺតពេក ដើម្បីរៀបចំកងកម្លាំងប្រដាប់អាវុធឲ្យបានត្រឹមត្រូវ។
រុស្ស៊ីបាននិងកំពុងដណ្តើមយកទឹកដីនៅផ្នែកខ្លះនៃភាគខាងកើតអ៊ុយក្រែន រួមទាំងតំបន់ជុំវិញក្រុង Pokrovsk ដែលជាមជ្ឈមណ្ឌលដឹកជញ្ជូនដ៏សំខាន់ ហើយការដណ្ដើមយកទីក្រុងនេះនឹងអាចធ្វើឲ្យរុស្ស៊ីងាយបើកការវាយប្រហារថ្មីទៅកាន់តំបន់ផ្សេងៗទៀតនៅអ៊ុយក្រែន។
លោក Zelenskiy បាននិយាយថា ស្ថានភាពនៅភាគខាងកើតគឺ «តឹងតែងណាស់» ដោយបន្ថែមថាពាក់កណ្តាលនៃកងពលតូចរបស់អ៊ុយក្រែននៅទីនោះពុំមានសព្វាវុធប្រើប្រាស់នោះទេ។
មេដឹកនាំអ៊ុយក្រែន បានសង្កត់ធ្ងន់ថា កញ្ចប់ជំនួយសព្វាវុធដែលសន្យាដោយសហរដ្ឋអាមេរិក និងប្រជាជាតិអឺរ៉ុប ត្រូវបានដឹកជញ្ជូនយឺតយ៉ាវខ្លាំង ដោយកងពលតូចអ៊ុយក្រែនចំនួន១៤ក្រុម កំពុងត្រូវការសព្វាវុធទាំងនោះ តែមកទល់នឹងពេលនេះ ការផ្គត់ផ្គង់បានផ្ដល់ឲ្យកងពលមិនដល់៤ក្រុមផង។
ទីប្រឹក្សាសន្តិសុខជាតិរបស់សេតវិមានលោក Jake Sullivan កាលពីថ្ងៃសៅរ៍បាននិយាយថា ទីក្រុងវ៉ាស៊ីនតោនកំពុងធ្វើការលើកញ្ចប់ជំនួយថ្មី «ច្រើនគួរសម» សម្រាប់អ៊ុយក្រែន។
លោក Zelenskiy គ្រោងនឹងជួប និងបង្ហាញផែនការបញ្ចប់សង្រ្គាមដល់ប្រធានាធិបតីអាមេរិកលោក ចូ បៃដិន នៅក្នុងខែកញ្ញានេះ ពាក់ព័ន្ធនឹងចំណុចសំខាន់ៗដូចជា សន្តិសុខ ការគាំទ្រការទូត ព្រមទាំងជំនួយយោធា និងសេដ្ឋកិច្ច។
ប្រធានាធិបតីអ៊ុយក្រែន បានប្រាប់ថា រឿងតែមួយគត់ដែលប្រធានាធិបតីរុស្ស៊ី វ្ល៉ាឌីមៀរ ពូទីន ខ្លាចគឺប្រតិកម្មរបស់ប្រជាជនរុស្ស៊ី ប្រសិនបើសង្រ្គាមបានធ្វើឲ្យពួកគេរងទុក្ខ។ លោក Zelenskiy បានបន្ថែមថា៖ «ធ្វើឲ្យអ៊ុយក្រែនរឹងមាំហើយអ្នកនឹងឃើញថាគាត់នឹងអង្គុយចុះរួចចរចា»។
លោក Zelenskiy ក៏នឹងត្រៀមទាមទារលោក បៃដិន អនុញ្ញាតឲ្យអ៊ុយក្រែនប្រើប្រាស់អាវុធរយៈចម្ងាយឆ្ងាយរបស់សហរដ្ឋអាមេរិក ដើម្បីវាយប្រហារគោលដៅយោធាចូលជ្រៅទៅក្នុងប្រទេសរុស្ស៊ី ដោយហេតុថាបច្ចុប្បន្នយន្តហោះចម្បាំងក្រុងមូស្គូបានចាប់ផ្ដើមប្រតិបត្តិការវាយលុកចូលដល់ចម្ងាយ៥០០គីឡូម៉ែត្រហើយពីជួរមុខ បើធៀបនឹងលើកមុនយន្តហោះរុស្ស៊ីហ៊ានបើកចូលត្រឹមតែ១៥០គីឡូម៉ែត្រប៉ុណ្ណោះ៕
ដោយ៖ ឈាង
ឃុំខ្លួនជនជាតិប៉ូឡូញម្នាក់ ដាក់ពន្ធនាគារបណ្ដោះអាសន្ន ចោទពីបទគំរាមថានឹងសម្លាប់
អតីតប្រធានគណៈមេធាវី លោក លី ច័ន្ទតុលា ត្រូវតែងតាំងជារដ្ឋលេខាធិការទីស្ដីការគណៈរដ្ឋមន្ដ្រី
កូរ៉េខាងជើង ចោទប្រធានាធិបតីកូរ៉េខាងត្បូងថាបង្កហានិភ័យនៃសង្គ្រាមនុយក្លេអ៊ែរ
រដ្ឋមន្ត្រីសុខាភិបាល ជំរុញបង្កើនការផ្សព្វផ្សាយអប់រំជំងឺទឹកនោមផ្អែម តាមសាលារៀន និងសហគមន៍
លោក ឈាង រ៉ា ចុះពិនិត្យការងារផ្នែកសង្គ្រោះកម្រិតធ្ងន់ (ICU) នៅមន្ទីរពេទ្យជាតិ
អគ្គិភ័យឆាបឆេះកន្លែងស្តុកគ្រឿងសំណង់មួយកន្លែង ខូចខាតស្ទើរទាំងស្រុង
រុស្ស៊ីតំឡើងរ៉ុក្កែតត្រៀមបាញ់បង្ហោះផ្កាយរណបនិងយានអវកាស ចំថ្ងៃអាមេរិកបោះឆ្នោត
ប្រជានេសាទកំពុងសប្បាយរកត្រី នៅទំនប់ស្ទាក់ទឹកសាលាតាអន ខេត្តបាត់ដំបង
យុវជនម្នាក់ ជិះម៉ូតូលឿនបុករថយន្តពីក្រោយ រងរបួសធ្ងន់ បញ្ជូនទៅមន្ទីរពេទ្យ
ឧត្តមសេនីយ៍ឯក ហែម សុវត្ថិ អញ្ជើញដឹកនាំប្រតិភូ ចូលរួមមហាសន្និបាតនគរបាលអន្តរជាតិលើកទី៩២
-
ជីវិតកម្សាន្ដ៤ ថ្ងៃ agoMiss Grand មីយ៉ាន់ម៉ា លេចធ្លោ និងឈ្នះមកុដធំៗចំនួន ៥ ទោះអាយុទើប១៨ឆ្នាំក្ដី
-
ព័ត៌មានជាតិ៣ ថ្ងៃ agoម៉ាស៊ីនស្វ័យប្រវត្តិ ថតបានភស្តុងតាងសត្វកម្រ ១០៨ ប្រភេទ ក៏មានហ្វូងសត្វឆ្កែព្រៃចុងក្រោយបង្អស់នៅកម្ពុជា
-
ព័ត៌មានអន្ដរជាតិ៣ ថ្ងៃ agoបាតុភូត ផែនដីមានព្រះចន្ទ២ នឹងបន្តរហូតដល់ចុងខែវិច្ឆិកា
-
ព័ត៌មានជាតិ៣ ថ្ងៃ agoអគារជាប់គាំងនៅខេត្តព្រះសីហនុ ចាប់ផ្តើមសកម្មភាពសាងសង់ឡើងវិញបណ្តើរៗ
-
សេដ្ឋកិច្ច៣ ថ្ងៃ agoក្រុមហ៊ុនវៀតណាម ដាក់ទុនវិនិយោគជាង $៨០០ លាន លើឧស្សាហកម្មកៅស៊ូនៅកម្ពុជា
-
ជីវិតកម្សាន្ដ៤ ថ្ងៃ agoខណៈរឿង កូនប្រសារស្រី ផ្ទុះល្បីឡើងវិញ អ្នកស្រី ពាន់ ភួងបុប្ផា បង្ហោះសារបែបនេះ ភ្ជាប់ជាមួយលីងរឿងពេញ!
-
សន្តិសុខសង្គម៦ ថ្ងៃ agoអ្នកភូមិគោកដូង ជិតពាក់កណ្ដាលជាអ្នកប្រកបរបររាវខ្យងលក់ ខណៈមានឈ្មួញនាំចេញទៅប្រទេសជិតខាង
-
ព័ត៌មានជាតិ៤ ថ្ងៃ agoបេក្ខជនប្រឡងបាក់ឌុបឆ្នាំនេះ ជាប់ជាង ១០ ម៉ឺននាក់ ក្នុងនោះសិស្សជាប់និទ្ទេស A មានជាង ២ ពាន់នាក់