ព័ត៌មានអន្ដរជាតិ
ទឹកជំនន់នៅ មីយ៉ាន់ម៉ា សម្លាប់មនុស្សច្រើនឡើងៗ ដល់ទៅជាង ១០០នាក់
ក្រោយបង្ហាញឥទ្ធិពល ព្រមទាំងសម្លាប់មនុស្សនៅចិន ហ្វីលីពីន ថៃ និងវៀតណាម, ព្យុះកំណាច យ៉ាកជី បានក៏បង្កទុក្ខវេទនាដល់ប្រទេសមីយ៉ាន់ម៉ាផងដែរ ដោយបង្កើតជាទឹកជំនន់សម្លាប់មនុស្សដល់ទៅ១១៣នាក់ ចាប់តាំងពីវាវាយប្រហារប្រទេសនេះកាលពីថ្ងៃទី៩ខែកញ្ញឆ្នាំ២០២៤។
ឥទ្ធិពលព្យុះនេះ បង្កឲ្យមានភ្លៀងធ្លាក់ខ្លាំង ទឹកជំនន់ និងបំណាក់ដី ហើយក្រៅពីសម្លាប់មនុស្សជាង១០០នាក់, យ៉ាកជី ក៏បណ្តាលឲ្យមនុស្ស៦៤នាក់ទៀតបាត់ខ្លួន និង៣២០ ០០០នាក់ ត្រូវជម្លៀសផងដែរ។
ទោះបីជាយ៉ាងណាក៏ដោយ បើយោងតាមអ្នកនាំពាក្យរដ្ឋាភិបាលយោធាគឺលោក Zaw Min Tun, តួលេខមនុស្សស្លាប់និងជនរងគ្រោះ អាចហក់ឡើងខ្ពស់ជាងនេះថែមទៀត។
ក្រៅពីប៉ះពាល់ដល់មនុស្ស, គិតត្រឹមថ្ងៃអាទិត្យទី១៥ខែកញ្ញា ឥទ្ធិពលព្យុះយ៉ាកជី ក៏កម្ទេចផ្ទះ៦៦ ០០០ខ្នង និងបំផ្លាញសាលារៀន ៣៧៥ខ្នងផងដែរ។ លើសពីនេះ វាបានរំខានដល់ប្រព័ន្ធទូរស័ព្ទចល័តនិងអ៊ីនធើណិត ហើយថែមទាំងធ្វើឲ្យបាក់ទំនប់ទឹកចំនួន៥ ទៀតផង។
សូមបញ្ជាក់ថា យ៉ាកជី គឺជាព្យុះមានឥទ្ធិពលបំផុតដែលវាយប្រហារអាស៊ីក្នុងឆ្នាំនេះ ដោយវាបានបង្កការបំផ្លិចបំផ្លាញក្នុងប្រទេសជាច្រើន។ យ៉ាងណាមិញ វាមិនមែនជារឿងចម្លែកឡើយដែលអាស៊ីអាគ្នេយ៍ តែងជួបព្យុះអំឡុងរដូវនេះ ប៉ុន្តែដោយសារបម្រែបម្រួលអាកាសធាតុ ទើបព្យុះកាន់តែកាចសាហាវទៅៗ៕
អត្ថបទ៖ សុខ សុវណ្ណ
ចុចអាន៖ ជារឿងកម្រ! របបសឹកមីយ៉ាន់ម៉ា ស្នើសុំជំនួយបរទេស ដើម្បីដោះស្រាយគ្រោះទឹកជំនន់
-
ព័ត៌មានជាតិ៥ ថ្ងៃ ago
ផ្លូវមួយខ្សែ ប្រវែងជិត ១០ គីឡូម៉ែត្រ ក្នុងស្រុកបវេល កំពុងមានបញ្ហាយ៉ាងខ្លាំងដល់ការធ្វើដំណើរ
-
ព័ត៌មានជាតិ២ ថ្ងៃ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ក្រុមហ៊ុនរបស់កូរ៉េ គ្រោងនឹងបើករោងចក្រដំឡើងរថយន្តអគ្គិសនីនៅកម្ពុជា
-
ព័ត៌មានជាតិ៦ ថ្ងៃ ago
មិនដល់១សប្ដាហ៍ផង សិល្បករ៣រូប ល្មើសច្បាប់បើកបរទាំងស្ថានភាពស្រវឹងខ្លាំង ផ្អើលអស់មហាជន
-
ព័ត៌មានជាតិ៥ ថ្ងៃ ago
ផុតពីព្យុះ យ៉ាកជី ព្យុះទី១៣ឈ្មោះ ប៊ីប៊ីនកា បានចូលមកបន្ត កម្ពុជា ក៏ត្រូវរងឥទ្ធិពលផងដែរចាប់ពីថ្ងៃទី១២ ដល់ទី១៤កញ្ញានេះ
-
ព័ត៌មានអន្ដរជាតិ៦ ថ្ងៃ ago
មិនត្រឹមទឹកជំនន់ ពេលនេះ ទីក្រុងហាណូយ ចេញការព្រមានអំពីរន្ទះបាញ់ ថែមទៀត
-
ព័ត៌មានអន្ដរជាតិ១ សប្តាហ៍ ago
លើកដំបូងលើលោក! ចិន រកឃើញមេរោគស៊ីខួរក្បាលដ៏សាហាវ ឆ្លងមកមនុស្ស តាមសត្វចៃ
-
សេដ្ឋកិច្ច៥ ថ្ងៃ ago
កម្ពុជានឹងក្លាយជាប្រទេសនាំចេញស្វាយចន្ទីលេខ១ លើពិភពលោកនៅឆ្នាំ ២០៣០